Notifications

Favourite List

સંસદની બહાર રાઘવ ચઢ્ઢા પર કાગડાનો હુમલો, ભાજપે દાવ લીધો, સાંસદે આપ્યો જવાબ

26 Jul, 2023
07:51 PM
PC: freepressjournal.in

સંસદમાં ચોમાસું સત્ર ચાલી રહ્યું છે અને આમ આદમી પાર્ટીના સાંસદ રાઘવ ચઢ્ઢા લોકસભામાંથી ફોન પર વાત કરતા કરતા બહાર આવી રહ્યા હતા ત્યારે કાગડાઓએ હુમલો કરી દીધો હતો. રાઘવ કાગડાથી બચી રહ્યા છે તેવી તસ્વીરો સોશિયલ મીડિયા પર વાયરલ થઇ છે એમાં સામાન્ય લોકોએ તો કોમેન્ટસનો વરસાદ કરી દીધો છે, પરંતુ સાથે સાથે ભાજપે પણ દાવ લીધો છે.

જો કે  AAP નેતા રાઘવ ચઢ્ઢાએ ભાજપની કોમેન્ટનો જવાબ આપ્યો છે. એ જ કાગડો જેણે સંસદની બહાર આમ આદમી પાર્ટીના સાંસદ રાઘવ ચઢ્ઢા પર હુમલો કર્યો હતો. એ જ કાગડો જેણે આજે વિરોધ પક્ષ અને ટ્રોલર્સને મીમ્સનું કન્ટેન્ટ આપ્યું હતું. એ જ કાગડો જેના પર ગીત રચાયું છે,જૂઠ બોલે કૌઆ કાટે.

કાગડા પાસે સાચા અને ખોટા માણસોને પારખવાની સુપર નેચરલ પાવર્સ છે કે નહી તે એક અલગ ચર્ચાનો વિષય છે, પરંતુ રાઘવ ચઢ્ઢા સાથે જે ઘટના બની તેમાં ભાજપ અને સામાન્ય યૂઝર્સે જાતજાતની કોમેન્ટ કરવાની તક મળી ગઇ છે. રાઘવ ચડ્ઢા રાજકારણ સાથે જોડાયેલા છે એટલે લોકોએ તેમની મજા લઇ લીધી છે.

પંકજ ભરમોરિયા નામના એક યૂઝરે લખ્યું છે કે આ કાગડો નહીં પોપટ છે. રાઘવ ચઢ્ઢા સાથે વાત કરવા માંગે છે,દિલ્હીના પ્રદુષણમાં કાળો પડી ગયો છે.

શૈલેન્દ્ર નામના યૂઝરે દલેર મહેંદીનું એક ગીત યાદ કર્યું છે. ‘કાલા કૌઆ કાટ ખાયેગા,સચ બોલ’

તો પ્રણય માહેશ્વરી નામના એક યૂઝરે લખ્યું છે કે, રાઘવ ચઢ્ઢા કેવું લાગી રહ્યું છે, હવે એવું નહીં કહી દેતા કે આ BJPનું ષડયંત્ર છે.

એક પેરોડી એકાઉન્ટ તરફથી કોમેન્ટ આવી છે. રાઘવ ચઢ્ઢા પર કાગડા દ્રારા હુમલાના સમાચારથી દીલ એકદમ વ્યથિત છે. ભારત સરકાર આ વાતની નોંધ લઇને કાગડા પર કાર્યવાહી કરે.

હવે દિલ્હી ભાજપે કોમેન્ટ કરી છે કે, આજ સુધી સાંભળેલું કે જૂઠ બોલે કૌઆ કાટે, પરંતુ આજે જોઇ પણ લીધું. કાગડાએ જૂઠ્ઠા વ્યકિતને ચાંચ મારી છે.

ભાજપ નેતા રોહિત ગંગવાલે તો એ પણ શોધી કાઢ્યું છે કયા જૂઠ પર કાગડાએ રાઘવ ચઢ્ઢા પર હુમલો કર્યો. ગંગવાલે રાઘવ ચઢ્ઢાના એ નિવેદનને શેર કર્યું જેમાં ચઢ્ઢા એવું કહી રહ્યા હતા કે 2024માં લોકો PM મોદીને બાય બાય કહેવાના છે.

તો AAPના સાંસદ રાઘવ ચઢ્ઢાએ ભાજપની કોમેન્ટનો જવાબ આપતા ટ્વીટ કર્યું છે કે, રામચંદ્ર કહ ગયે સિયાસે, હંસ ચુગેગા દાના દુનકા ઔર કૌઆ મોતી ખાયેગા. આજ સુધી આ સાંભળેલું, આજે જોઇ પણ લીધું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp