CM યોગીને બનાવી દો PM, મોદીથી તો સારા છે, રાકેશ ટિકૈત એમ શા માટે બોલ્યા?

લોકસભાની ચૂંટણી 2024નો એક વર્ષ કરતા પણ ઓછો સમય બચ્યો છે. બધી પાર્ટીઓએ પોત પોતાના રાજકીય સમીકરણને સુધારવાનું કામ શરૂ કરી દીધું છે. જેના માટે બેઠકોનો દૌર ચાલી રહ્યો છે. આ દરમિયાન પહેલવાનોના આંદોલનની ખાપ પંચાયતોના સંદર્ભે હિસ્સો બનેલા ખેડૂત નેતા રાકેશ ટિકૈત પણ પૂરી રીતે સક્રિય નજરે પડી રહ્યા છે. રાકેશ ટિકૈત પ્રદર્શન કરી રહેલા પહેલવાનોના સમર્થનમાં સરકાર પર તીખા સવાલોનો વરસાદ કરી દીધો હતો.

રાકેશ ટિકૈતે એક ન્યૂઝ ચેનલના વિશેષ કાર્યક્રમમાં વાત કરતા 2024માં વડાપ્રધાન બનવાને લઈને મોટું નિવેદન આપ્યું. રાકેશ ટિકૈતે નિવેદન પણ આપ્યું છે, જેના પર દેશની જનતા પણ ઘણા સરવેમાં પોતાના વિચાર રાખી ચૂકી છે. ન્યૂઝ ચેનલના વિશેષ કાર્યક્રમમાં રાકેશ ટિકૈત વર્ષ 2024માં વડાપ્રધાન કોણ બનશે તેના પર જવાબ આપી રહ્યા હતા. આ દરમિયાન તેમણે ઉત્તર પ્રદેશના મુખ્યમંત્રી યોગી આદિત્યનાથને દેશના આગામી વડાપ્રધાન બનાવવાની વાત કહી નાખો.

ઉલ્લેખનીય થયું જાણે એમ કે, રાકેશ ટિકૈતને પૂછવામાં આવ્યું કે, નરેન્દ્ર મોદી અને રાહુલ ગાંધીમાંથી વર્ષ 2024માં દેશના આગામી વડાપ્રધાન કોણ બનશે? આ સવાલનો જવાબ આપતા તેમણે કહ્યું કે, ‘નરેદ્ર મોદી આગામી વડાપ્રધાન બનશે, પરંતુ વડાપ્રધાન મોદી પોતાનો કાર્યકાળ પૂરો નહીં કરે.. કેમ કે તેઓ વચ્ચે જ હટી જશે. તેમણે દેશના આગામી રાષ્ટ્રપતિ પણ બનવાનું છે. રાકેશ ટિકૈતે કહ્યું કે, વડાપ્રધાન નરેન્દ્ર મોદી બધા કામ કરીને જશે. જ્યારે રાકેશ ટિકૈતને પૂછવામાં આવ્યું કે, વડાપ્રધાન નરેન્દ્ર મોદી પોતાનો કાર્યકાળ પૂરો ન કરી શક્યા તો આગામી વડાપ્રધાન કોણ બનશે?

તેના પર રાકેશ ટિકૈતે તરત બોલતા કહ્યું કે, યોગીજીને અપાવી દો (વડાપ્રધાન પદ).’ તેમણે મુખ્યમંત્રી યોગી આદિત્યનાથ બાબતે બોલતા કહ્યું કે, તેઓ વડાપ્રધાન મોદીથી તો સારા જ છે. જો કે, રાકેશ ટિકૈતે કહ્યું કે, મુખ્યમંત્રી યોગી આદિત્યનાથ તેમની એક પણ વાત માનતા નથી. તો આ કાર્યક્રમમાં રાકેશ ટિકૈતે પૂછવામાં આવ્યું કે, રાહુલ ગાંધી અને નરેન્દ્ર મોદીમાંથી કોણે દેશના આગામી વડાપ્રધાન બનવું જોઈએ? તેના પર તેમણે કહ્યું કે, અમારા કહેવાથી કોણ કોને વડાપ્રધાન બનાવી રહ્યું છે. બંનેમાંથી જનતા જેને પસંદ કરશે, તેઓ દેશના આગામી વડાપ્રધાન બનશે. જેણે દેશના સિસ્ટમ પર કબજો કરો લીધો, તે જ વડાપ્રધાન બનશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.