મહિલા ધારાસભ્યોને પુરુષ MLA કરતા 1.5 કરોડ વધુ મળશે, CM ભૂપેન્દ્ર પટેલની જાહેરાત

ગુજરાતમાં મહિલા ધારાસભ્યોને હવે 1.5 કરોડ રૂપિયા વધારાની ગ્રાન્ટ મળશે. ગુજરાતના મુખ્યમંત્રી ભૂપેન્દ્ર પટેલે અધિક શ્રાવણ માસમાં મહિલા ધારાસભ્યોને વધારાની ગ્રાન્ટ આપવાની જાહેરાત કરી છે. મુખ્યમંત્રીની જાહેરાતથી હાલની વિધાનસભાની મહિલા ધારાસભ્યોના પોતાના ક્ષેત્રોમાં વિકાસ માટે 1.5 કરોડ રૂપિયાની વધારાની રકમ મળશે. મુખ્યમંત્રી ભૂપેન્દ્ર પટેલે જાહેરાત કરતા કહ્યું હતું કે, મહિલા ધારાસભ્યોને આ વર્ષે તેમના મતવિસ્તારોમાં રોડ કાર્યો માટે 1.5 કરોડ રૂપિયાની વધારાની ગ્રાન્ટની ફાળવણી કરવામાં આવશે.

મુખ્યમંત્રી ભૂપેન્દ્ર પટેલે આ જાહેરાત ત્યારે કરી છે જ્યારે આગામી મહિનાની 13 તારીખથી વિધાનસભાનું ચોમાસું સત્ર શરૂ થવા જઈ રહ્યું છે. મુખ્યમંત્રી ભૂપેન્દ્ર પટેલની જાહેરાતથી ગુજરાત વિધાનસભાના 15 મહિલા ધારાસભ્યોની ગ્રાન્ટ વધશે.

વિધાનસભામાં મહિલા ધારાસભ્યોની સંખ્યા 15 છે. તેમાં ભારતીય જનતા પાર્ટી (BJP)ના 14 મહિલા ધારાસભ્ય છે અને એક મહિલા કોંગ્રેસના ધારાસભ્ય છે. તેમાં 2 મહિલા ધારાસભ્ય રાજકોટ અને આખા સૌરાષ્ટ્રથી 6 ધારાસભ્ય છે. વડોદરાથી એક મહિલા ધારાસભ્ય છે. મહિલા ધારાસભ્યોમાં સંગીતા પાટિલ, ડૉ. દર્શિતા શાહ, ભાનુબેન બાબરિયા, ડૉ. દર્શના દેખમુખ, ગીતાબા જાડેજા, માલતીબેન મહેશ્વરી, મનીષા વકીલ, રિવાબા જાડેજા, દર્શનાબેન વાઘેલા, રેજનબેન પંડ્યા, મનીષાબેન સુથાર, રીતાબેન પટેલ, પાયલબેન કુકરાણી, કંચનબેન રાદડિયા અને ગેનીબેન ઠાકોર સામેલ છે.

શું છે વિધાનસભાની સ્થિતિ?

વર્ષ 2022ની વિધાનસભાની ચૂંટણીમાં ભાજપને 182માંથી 156 સીટો પર જીત મળી હતી. કોંગ્રેસ પાર્ટીને માત્ર 17 સીટ મળી હતી, જ્યારે પહેલી વખત પૂરી તૈયારીથી લાડેલી આમ આદમી પાર્ટીને 5 સીટો મળી હતી. 3 સીટો અપક્ષ ઉમેદવારોને મળી હતી. એક સીટ પર સમાજવાદી પાર્ટી જીતી હતી, આ ચૂંટણીમાં ભાજપની ટિકિટ પર કુલ 14 મહિલાઓ જીતીને ધારાસભ્ય બની હતી. કોંગ્રેસ તરફથી ગેનીબેન ઠાકોર જીતી શક્યા હતા. આમ આદમી પાર્ટીના કોઈ મહિલા ઉમેદવાર ન જીતી શક્યા. અપક્ષમાં પણ ત્રણેય સીટો પુરુષ ઉમેદવારોને મળી હતી. સમાજવાદી પાર્ટીની ટિકિટ પર કૂટણિયાની સીટ કાંધલ જાડેજા જીત્યા હતા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.