ઇઝરાયલે જમીન ખાલી કરવી પડશે, જ્યારે વાજપેયી પેલેસ્ટાઇનના સમર્થનમાં બોલ્યા હતા

ઇઝરાયલ અને પેલેસ્ટાઇન વચ્ચે ભયંકર યુદ્ધ ફાટી નિકળ્યું છે અને બંને દેશો એકબીજા તરફ મિસાઇલો છોડી રહ્યા છે. જેની અસર ભારતમાં પણ મહેસૂસ થઇ રહી છે. ભારત અત્યારે ઇઝરાયલના સમર્થનમાં ઉભું છું અને ઇઝરાયલને ભારતનું મિત્ર દેશ માનવામાં આવે છે. ભલે ભારત અત્યારે ઇઝરાયલનું સમર્થન કરી રહ્યું હોય, પરંતુ એક 46 વર્ષ જૂનો વીડિયો સોશિયલ મીડિયામા વાયરલ થઇ રહ્યો છે. 1977માં ભાજપના દિગગ્જ નેતા અને પૂર્વ પ્રધાનમંત્રી દિવગંત અટલ બિહારી વાજપેયીનો એક વીડિયો વાયરલ થઇ રહ્યો છે, જેમા તેઓ ઇઝરાયલ અને પેલેસ્ટાઇનના મુદ્દા પર પોતાની પ્રતિક્રીયા આપી રહ્યા છે.

સોશિયલ મીડિયા પર વાયરલ થયેલો વીડિયો 1977માં જનતા પાર્ટીની વિજય રેલીનો છે. જેમાં દિવંગત નેતા અટલ બિહારી વાજપેયી પેલેસ્ટાઇનું ખુલીને સમર્થન કરી રહ્યા છે. સોશિયલ મીડિયામાં વાયરલ થયેલા વીડિયોમાં વાજપેયી કહી રહ્યા છે કે, આરબોની જે જમીન પર ઇઝરાયલ કબ્જો કરીને બેઠું છે તે જમીન તેણે ખાલી કરવી પડશે.

દિવંગત નેતા વાજપેયીએ કહ્યુ હતુ કે, એવું કહેવામાં આવી રહ્યું છે કે જનતા પાર્ટીની સરકાર બની ગઇ. તેઓ આરબોને સાથ નહી, ઇઝરાયલને સાથ આપશે. મોરારજી દેસાઇ પણ સ્થિતિ સ્પષ્ટ કરી ચૂક્યા છે. એ ગેરસમજને દુર કરવા માટે હું કહેવા માગું છુ કે અમે દરેક પ્રશ્નોને ગુણ અને અવગુણના આધારે કતા તારવીશું. પરંતુ મિડલ-ઇસ્ટ વિશે એ સ્થિતિ સ્પષ્ટ છે કે આરબોની જે જમીન પર ઇઝરાયલે કબ્જો કરેલો છે તે તેણે પાછો આપવો પડશે. એ જમીન ઇઝરાયલે ખાલી કરવી પડશે.

તેમણે આગળ કહ્યુ હતું કે,આક્રમણ કરનારે આક્રમણના ફળને ભોગવે તે અમને સ્વીકાર્ય નથી. તેથી, જે નિયમો અમને લાગુ પડે છે તે અન્યને પણ લાગુ પડશે. આરબોની જમીન ખાલી થવી જોઇએ.

જેઓ પેલેસ્ટિનિયન છે તેમના યોગ્ય અધિકારોની દરખાસ્ત કરવી જોઈએ. ઇઝરાયલના અસ્તિત્વને સોવિયેત રશિયા અને અમેરિકાએ પણ સ્વીકાર્યું છે. અમે પણ સ્વીકારી લીધું છે.

અટલ બિહારી વાજપેયીએ સ્થાયી શાંતિની હિમાયત કરતાં કહ્યું હતું કે, મધ્ય પૂર્વનો એક એવો ઉકેલ શોધવો પડશે જે આક્રમકતાને ખતમ કરે અને કાયમી શાંતિનો આધાર બને. ગેરસમજને ક્યાં અવકાશ છે? પરંતુ, કદાચ વક્તા તરીકેનો મારા પોતાના અધિકારનું હું અતિક્રમણ કરી રહ્યો છું.

એક નવા વિદેશ મંત્રી પણ હશે જે આપણી વિદેશ નીતિ પર પ્રકાશ ફેંકશે. જો કંઈક કહેવું હોય તો મોરારજી દેસાઇ કહેશે. પરંતુ, હું એક એવી પાર્ટી સાથે જોડાયેલો છું જે ચૂંટણીમાં બડાઈ મારતી હતી કે જનતા પાર્ટી પર જનસંઘનું વર્ચસ્વ છે અને જનસંઘ મુસ્લિમોનો દુશ્મન છે. આ ખૂબ જ ખુશીની વાત છે કે આ ખોટા પ્રચારમાં ન આવ્યું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.