ઉંમર માત્ર એક આંકડો છે, 45 વર્ષના વ્યક્તિના પ્રેમમાં પડી 26 વર્ષની યુવતી

કહેવાય છે કે પ્રેમમાં ઉંમરની કોઈ મર્યાદા હોતી નથી, એકવાર પ્રેમ થઈ જાય તો ઉંમર માત્ર એક નંબર બની જાય છે. આવા જ એક કપલની સ્ટોરી સોશિયલ મીડિયા પર વાયરલ થઈ રહી છે, જેમની ઉંમરમાં 19 વર્ષનો તફાવત છે. આમ છતાં બંને લોકો એકબીજાના પ્રેમમાં ડૂબેલા છે.

અમેરિકામાં રહેતા કપલે તાજેતરમાં સગાઈ કરી છે. જો કે, સોશિયલ મીડિયા પર ઘણા લોકો કપલને ટ્રોલ કરી રહ્યા હતા અને તેમને નિશાન બનાવી રહ્યા હતા.

26 વર્ષની એમિલી ડાઉનિંગ એક નર્સ છે. તેનો બોયફ્રેન્ડ 45 વર્ષીય માઈકલ જસ્ટિન એક મોડલ છે. બંને 2 વર્ષથી રિલેશનશિપમાં છે. આ કપલે ટિકટોક પર તેમના રિલેશનશિપની કહાની જણાવી છે.

સોશિયલ મીડિયા પર ઘણા લોકોએ તેમની ઉંમરના તફાવતને લઈ તેમની ટીકા કરી હતી. તો, એવા ઘણા લોકો હતા જેઓ તેમના સંબંધને ખુલીને સમર્થન આપતા જોવા મળ્યા હતા. એક વ્યક્તિએ લખ્યું કે જો તમે બાળકોને લઈને કોઈ પ્લાનિંગ કરી રહ્યા છે તો તમારે જલ્દી કરવું જોઈએ.

એક યુઝરે લખ્યું - 'એક દિવસ તુ પણ 45 વર્ષની થઈશ, પછી તને ખ્યાલ આવશે કે કેટલું વિચિત્ર લાગે જ્યારે 45 વર્ષના વ્યક્તિને તેની અડધી ઉંમર વાળીમાં રસ છે.' આ કમેન્ટના જવાબમાં એમિલીએ કહ્યું, અમારા સંબંધોને બે વર્ષ થઈ ગયા છે અને અમારી સગાઈ પણ થઈ ગઈ છે.

તો, એક યુઝરે કમેન્ટ કરીને લખ્યું - 'ઉંમર માત્ર એક નંબર છે. તમે બંને ખરેખર ખુશ દેખાઈ રહ્યા છો. તમે અદ્ભુત છો.' તો, એક વ્યક્તિએ લખ્યું - 'કેટલાક લોકોને આ વાતનો અહેસાસ નથી હોતો. પણ તમે એક મેચ્યોર વ્યક્તિ સાથે રિલેશનશિપમાં હોવ તે સારું છે, કારણ કે તે 16 વર્ષના લોકો જેવી હરકતો નથી કરતા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.