અનોખી લવ સ્ટોરીઃ બે યુવતીઓએ લગ્ન કર્યા, માસી-ભત્રીજીમાં કોણ પતિ-પત્ની? જાણો

બિહારના જમુઈ જિલ્લાના લક્ષ્મીપુર પોલીસ સ્ટેશનમાં સમલૈંગિક લગ્નનો એક કિસ્સો સામે આવ્યો છે. બંનેએ 24 ઓક્ટોબરના રોજ મંદિરમાં લગ્ન કરી લીધા. કહેવામાં આવી રહ્યું છે કે, નિશાના મામાના દીકરાના લગ્નમાં દોઢ વર્ષ પહેલા બંને યુવતીઓની મુલાકાત થઇ હતી. ત્યારથી બંને નિશા અને કોમલ ધીમે ધીમે એકબીજા સાથે વાત કરવા લાગ્યા અને આ વાતચીત પ્રેમમાં ફેરવાઇ ગઇ. પ્રેમ એટલો પરવાને ચઢી ગયો કે બંનેએ જમુઈના પંચ મંદિરમાં લગ્ન કરી લીધા. જેમાં નિશાએ કોમલની માંગ ભરી.

નિશાએ પોતાના વાળ કપાવી યુવકનું રૂપ ધારણ કરી લીધું છે, જ્યારે કોમલે પોતાની માગમાં સિંદૂર લગાવ્યું છે. નિશાના પિતા અજીત તાંતી દ્વારા કેસ દાખલ કરાવ્યા બાદ બંનેને પોલીસે કસ્ટડીમાં લઇ આગળની કાર્યવાહી શરૂ કરી છે.

સોશિયલ મીડિયા પર સ્ટેટસ

જાણકારી અનુસાર, નિશા કોમલની દૂરની માસી છે. કોમલ તેના માતા-પિતાની એકમાત્ર સંતાન છે. પરિવારને બંનેના લગ્ન વિશે ત્યારે જાણ થઇ જ્યારે બંનેએ પોતાના સોશિયલ મીડિયા સ્ટેટસ પર લગ્નની તસવીરો શેર કરી હતી. ત્યાર પછી પરિવારના સભ્યો ચોંકી ગયા. લોકોને સમજ ન આવી કે થયું શું. નિશાએ જણાવ્યું કે તે દોઢ વર્ષથી કોમલની સાથે રિલેશનશિપમાં છે અને મંદિરમાં લગ્ન પણ કરી ચૂક્યા છે. જીવનભર સાથે રહેવા માગે છે.

તો કોમલને જણાવ્યું કે, નિશાને તે ખૂબ જ પ્રેમ કરે છે અને પત્નીના રૂપમાં તેની સાથે રહેવા માગે છે. આ વિચાર સાથે તેણે નિશા સાથે લગ્ન કર્યા છે. નિશાના પિતાએ લક્ષ્મીપુર પોલીસ સ્ટેશનમાં અરજી કરી કિડનેપિંગનો કેસ દાખલ કરાવ્યો છે તો કોમલનો પરિવાર તેમની દીકરીને ઘરે લઇ જવા માગે છે. પણ કોમલે સીધી રીતે કહી દીધું કે તે નિશા સાથે રહેવા માગે છે.

કોમલની માતાએ જણાવ્યું કે, તેમને નહોતી ખબર કે નિશા કે જે સંબંધમાં કોમલની માસી થાય છે, તેની સાથે પ્રેમ પ્રસંગ ચાલી રહ્યો છે અને બંને લગ્ન કરી લેશે. અમે કોમલને અમારી સાથે ઘરે લઇ જવા માગીએ છીએ. તો નિશાના પિતાએ જણાવ્યું કે, તેમની દીકરી આવું પગલું લઇ લેશે તેની એમને જાણ નહોતી. તેમને ખબર નહોતી કે બંને યુવતીઓ છે. મોબાઇલ પર વાત કરતી હતી, પણ એવી નહોતી ખબર કે બંને વચ્ચે પ્રેમ પ્રસંગ ચાલી રહ્યો છે. એવું કઇ રીતે સંભવ છે કે બંને યુવતીઓ એકબીજા સાથે લગ્ન કરી લે. પોલીસની સામે બંને યુવતીઓએ લગ્ન કરી લીધાની વાત કબૂલ કરી છે. હાલમાં બંનેની ઉંમર કેટલી છે તેને લઇ સત્યાપન ચાલી રહ્યું છે. હવે કોર્ટ સામે બંનેને રજૂ કરી તેમના નિવેદનો લેવામાં આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.