ગુજરાતમાં ક્રેડીટ સોસાયટીના નામે 600 કરોડનું ફુલેકું ફેરવનાર ઝડપાયો

PC: divyabhaskar.co.in/

ગુજરાતમાં ક્રેડીટ સોસાયટીના રૂપિયા ગુમાવનારા લોકો માટે રાહતના સમાચાર સામે આવ્યાછે. પોલીસે ક્રેડીટ સોસાયટી સંભાળનારને પકડી પાડ્યો છે.

ગુજરાતમાં ક્રેડીટ સોસાયટીના નામે હજારો લોકોના રૂપિયા લઇને ફરાર થઇ ગઇ ગયેલો આરોપી CID ક્રાઇમના હાથમાં આવી ગયો છે. આ ભેજાબાજે રાજકોટ સહિત રાજ્યભરમાં 600 કરોડ રૂપિયાનું ફુલેકું ફેરવી દીધું હતું.

ીોરકદૂ

CID ક્રાઇમ બ્રાન્ચે ઘણા સમયથી ભાગતા ફરતા અને લોકોના 600 કરોડ રૂપિયા લઇને ફરાર થઇ ગયેલા અકરમ અંસારીને દબોચી લીધો છે. અકરમ અંસારીએ રોકાણના બદલામાં આકર્ષક વ્યાજ આપવાની લાલચ આપી હતી અને તેમાં રાજ્યના 1500 લોકોએ રૂપિયા રોક્યા હતા. એ પછી અકરમ અંસારી ઓફીસને તાળા મારીને રફુચક્કપ થઇ ગયો હતો.

પોલીસ પાસેથી જાણવા મળેલી વિગત મુજબ રાજકોટમાં વર્ષ 2018માં વિશ્વામિત્ર ક્રેડીટ સોસાયટી નામથી ઓફીસ શરૂ કરવામાં આવી હતી. રાજકોટ ઉપરાંત, જૂનાગઢ, સુરેન્દ્રનગરમાં પણ વિશ્વામિત્ર ક્રેડીટ સોસાયટીની શાખાઓ ખોલવામાં આવી હતી. ધીમે ધીમે લોકોમાં વિશ્વાસ ઉભો કરી દેતા લગભગ 1500 લોકોએ 600 કરોડ રૂપિયા જેટલી રકમ રોકી હતી. પરંતુ થોડા સમય પછી વિશ્વામિત્ર ક્રેડીટ સોસાયટીને તાળા લાગી ગયા અને લોકોના રૂપિયા ડુબી ગયા હતા.

આ  દરમિયાન રાજકોટમાં રહેતા અકરમ અંસારીનું નામ સામે આવ્યું હતું જે બ્રાન્ચના રિજિયોનલ મેનેજર તરીકે કામ કરતો હતો. અકરમે ધરપકડથી બચવા સુપ્રીમ મ કોર્ટમાંથી સ્ટે મેળવ્યો હતો, પરંતુ જેવો સ્ટે પુરો થયો એટલે CID ક્રાઇમ બ્રાન્ચે તેને દબોચી લીધો હતો અને રિમાન્ડ માટે કોર્ટમાં રજૂ કર્યો હતો.

અત્યારે અકરમ અંસારી રિમાન્ડ પર હોવાથી પોલીસ વધારે ફોડ પાડતી નથી, પરંતુ રિમાન્ડ પુરા થયા પછી મોટા ખુલાસાઓ થવાની શક્યતા છે. જો કે લોકો માટે મહત્ત્વની વાત એ છે કે તેમની મહેનતની રકમ કોઇક રીતે પાછી આવે.

પોલીસ રિમાન્ડમાં અકરમ અંસારી પાસેથી એ વાત જાણવાની કોશિશ કરશે કે ક્રેડીટ સોસાયટીના નામે ઉઠમણું કરનાર મુખ્ય સુત્રધારો કોણ છે?  કોણ કોણ કૌભાંડમાં સામેલ હતું?

લોકોને મોટી મોટી લાલચ આપીને ફસાવીને રફુચક્કર થઇ જવાનો આ એક કિસ્સો નથી, પરંતુ સેંકડો એવા કિસ્સા છે જેમાં લોકોએ તેમની મહેનતના રૂપિયા ગુમાવવા પડ્યા છે. આમ છતા થોડા લોભ લાલચમાં આવીને લોકો ફસાતા જ જાય છે અને લેભાગૂઓ લાભ લેતા જ રહે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp