એમેઝોને સેમસંગ ગેલેક્સી બડ્સ 2 પ્રોના ઓર્ડર રદ કર્યા, રૂ.8100નું ડિસ્કાઉન્ટ હતું

એમેઝોન ગ્રેટ ઇન્ડિયન ફેસ્ટિવલ સેલ ચાલુ છે. 8 ઓક્ટોબરથી શરૂ થયેલા આ સેલમાં ઘણી પ્રોડક્ટ્સ પર ભારે ડિસ્કાઉન્ટ ઓફર જોવા મળી રહી છે. એવી કેટલીક ઑફર્સ હતી જેના પર વિશ્વાસ ન કરી શકાય. આવી જ એક ઓફર Samsung Galaxy Buds 2 Pro પર ઉપલબ્ધ હતી, જેને કંપનીએ રૂ. 2,889ની કિંમતે વેચી છે.

આ ઉપકરણને બમ્પર ડિસ્કાઉન્ટ પછી વેચાણમાં સૂચિબદ્ધ કરવામાં આવ્યું હતું. જો કે તેની કિંમત 10,999 રૂપિયા છે, પરંતુ સેલમાં તેની કિંમત ઘટીને 2889 રૂપિયા થઈ ગઈ છે. ઘણા ગ્રાહકોએ આ તક જવા દીધી ન હતી અને આ સેમસંગ ગેલેક્સી બડ્સ 2 પ્રો ઓર્ડર કરી હતી. જોકે, એમેઝોન હવે આ ઑફર્સ રદ કરી રહ્યું છે. આવો જાણીએ શું છે સમગ્ર મામલો.

હકીકતમાં, Galaxy Buds 2 Pro એમેઝોન સેલમાં 70 ટકા સુધીના ડિસ્કાઉન્ટમાં મળી રહ્યું હતું. ઘણા લોકોએ તેનો ઓર્ડર પણ આપી દીધો હતો. હવે યૂઝર્સ સોશિયલ મીડિયા પર આ ઓર્ડર કેન્સલેશન થયાની માહિતી શેર કરી રહ્યા છે. કેટલાક યુઝર્સના મતે તેમને નકલી પ્રોડક્ટ મળી રહી છે.

ફેસ્ટિવ સેલ દરમિયાન, યુઝર્સે 8,099 રૂપિયાના ડિસ્કાઉન્ટ પર Galaxy Buds 2 Proનો ઓર્ડર આપ્યો હતો. આ ડિસ્કાઉન્ટ SBI કાર્ડનો ઉપયોગ કરવા પર ઉપલબ્ધ હતું. આ પછી ઉપકરણની અંતિમ કિંમત ત્રણ હજાર રૂપિયાથી ઓછી થઈ ગઈ. એમેઝોને પાછળથી ગ્રાહકોના ઓર્ડર રદ કર્યા.

કંપનીએ કહ્યું કે, અમુક ટેકનિકલ સમસ્યાઓના કારણે આ પ્રોડક્ટની કિંમતમાં નોંધપાત્ર ઘટાડો થઇ ગયો હતો, જે એક ભૂલ હતી. જેના કારણે કંપની તેમનો ઓર્ડર કેન્સલ કરી રહી છે. જો કે એમેઝોનના આ પગલાથી યુઝર્સ ખુશ નથી. Samsung Galaxy Buds 2 Proએ પ્રીમિયમ બડ્સ છે. આવી સ્થિતિમાં, જો કોઈએ 70 ટકા ડિસ્કાઉન્ટમાં આ સેમસંગ ગેલેક્સી બડ્સ 2 પ્રો મંગાવી હોય અને તે તેમને મળે નહિ તો લોકો ફરિયાદ તો કરવાના જ.

વાત અહીં પૂરી નથી થતી. કેટલાક અન્ય વપરાશકર્તાઓએ સોશિયલ મીડિયા પ્લેટફોર્મ X પર પોસ્ટ કર્યું છે કે, તેમને નકલી ઉત્પાદનો મોકલવામાં આવ્યા છે. અહીં તમને જણાવી દઈએ કે, Samsung Galaxy Buds 2 Pro અત્યારે એમેઝોન પર 6,491 રૂપિયામાં ઉપલબ્ધ છે. તમે તેને SBI ક્રેડિટ કાર્ડ પેમેન્ટ દ્વારા ડિસ્કાઉન્ટ પર ખરીદી શકશો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.