16 સેકન્ડમાં છત ખુલશે, 295Kmphની ટોપ સ્પીડ! 9 ગિયરવાળી મર્સિડીઝની કાર લોન્ચ

જર્મનીની અગ્રણી લક્ઝરી કાર નિર્માતા કંપની Mercedes Benz એ તેની નવી કાર Mercedes-AMG SL 55 Roadsterને ભારતીય બજારમાં લોન્ચ કરી છે. આકર્ષક દેખાવ અને પાવરફુલ એન્જિનથી સજ્જ આ કારની કિંમત 2.35 કરોડ રૂપિયા નક્કી કરવામાં આવી છે.

આ કાર ઘણી રીતે ખૂબ જ ખાસ છે, લગભગ 12 વર્ષના સમયગાળા પછી આ કારે ફરી એકવાર ભારતમાં કમબેક કર્યું છે, 'SL' નેમપ્લેટ વર્ષ 2012 સુધી વેચાણ માટે ઉપલબ્ધ હતી. તો ચાલો જોઈએ કેવી છે આ નવી કાર...

કંપની ભારતમાં નવા SL 55 રોડસ્ટરને કમ્પ્લીટ બિલ્ટ યુનિટ (CBU) રૂટ દ્વારા લાવી રહી છે અને તેને 2+2 સીટીંગ લેઆઉટ સાથે બજારમાં લોન્ચ કરવામાં આવી છે, જે ફેબ્રિકની છત સાથે આવે છે.

આ કારની સાઈઝની વાત કરીએ તો તે પહેલાના મોડલ કરતા સાઈઝમાં મોટી છે. તેની લંબાઈ 4,705 mm, પહોળાઈ 1,915 mm અને ઊંચાઈ 1,359 mm છે. નવી પાછળની સીટો પર વધારે જગ્યા માટે વ્હીલબેઝને પણ 117 mm વધારીને 2,700 mm કરવામાં આવ્યો છે.

AMG SL 55ને પાવર આપવા માટે, કંપનીએ 4.0-લિટર ટ્વીન-ટર્બો, V8 પેટ્રોલ એન્જિનનો ઉપયોગ કર્યો છે જે 476hp પાવર અને 700Nm ટોર્ક જનરેટ કરે છે. આ એન્જિન 9-સ્પીડ ઓટોમેટિક ટ્રાન્સમિશન ગિયરબોક્સ સાથે જોડાયેલું છે, જે મર્સિડીઝની 4મેટિક+ સિસ્ટમ દ્વારા ચારેય વ્હીલ્સને પાવર મોકલે છે.

મર્સિડીઝનો દાવો છે કે, આ કાર માત્ર 3.9 સેકન્ડમાં 0 થી 100 kmphની ઝડપ પકડી લે છે અને તેની ટોપ સ્પીડ 295 kmph છે. SLને સ્ટાન્ડર્ડ તરીકે રીઅર એક્સલ સ્ટીયરીંગ પણ મળે છે.

SL 55 રોડસ્ટરને વિશાળ Panamericana ફ્રન્ટ ગ્રિલ, કોણીય LED હેડલાઇટ, લાંબી બોનેટ, ભારે રેકવાળી વિન્ડસ્ક્રીન, ક્વાડ એક્ઝોસ્ટ્સ અને 20-ઇંચના એલોય વ્હીલ્સ મળે છે, જે કારની સાઇડ પ્રોફાઇલને વધારે છે. જો કે, ગ્રાહકો 21-ઇંચના મોટા એલોય વ્હીલ્સને પણ પસંદ કરી શકે છે.

મર્સિડીઝ SL 55 ને આઠ રંગોમાં ઓફર કરી રહી છે જેમાં ઓબ્સિડીયન બ્લેક, સેલેનાઈટ ગ્રે, હાઈપર બ્લુ, આલ્પાઈન ગ્રે, ઓપેલાઈટ વ્હાઇટ બ્રાઈટ, સ્પેક્ટરલ બ્લુ મેગ્નો, પેટાગોનિયા રેડ બ્રાઈટ અને મોન્ઝા ગ્રે મેગ્નોનો સમાવેશ થાય છે.

નવી SLમાં ટ્રિપલ-લેયર ફેબ્રિકની છત છે. જે અગાઉના મોડલમાં વપરાયેલ મેટલ રૂફ કરતાં લગભગ 21 કિલો હળવા છે. તે સેન્ટર કન્સોલ પર સિંગલ સ્વીચ દ્વારા અથવા ઇન્ફોટેનમેન્ટ ડિસ્પ્લે દ્વારા સંચાલિત થાય છે. તેને 60 Km પ્રતિ કલાકની ઝડપે પણ ગોઠવી શકાય છે અને તેને ખોલવા કે બંધ થવામાં માત્ર 16 સેકન્ડનો સમય લાગે છે. ફેબ્રિકની છત માટે ત્રણ રંગોની પસંદગી પણ છે, જેમાં બ્લેક, ડાર્ક રેડ અને ગ્રેનો સમાવેશ થાય છે.

કારનું ઈન્ટિરિયર લક્ઝરી ફીચર્સથી સજ્જ છે, તેમાં 11.9 ઈંચની વર્ટિકલ ટચસ્ક્રીન ઈન્ફોટેનમેન્ટ સિસ્ટમ છે, જેને 12 ડિગ્રી અને 32 ડિગ્રી વચ્ચે એડજસ્ટ કરી શકાય છે. તે મર્સિડીઝની MBUX ઓપરેટિંગ સિસ્ટમની નવીનતમ પેઢી દ્વારા સંચાલિત છે.

ટચસ્ક્રીન 12.3-ઇંચના LCD ડ્રાઇવર ડિસ્પ્લે અને AMG ટ્વીન-સ્પોક સ્ટીયરિંગ વ્હીલની પાછળ વૈકલ્પિક હેડ-અપ ડિસ્પ્લે સાથે જોડાયેલી છે. આંતરિક માટે પણ, ગ્રાહકો 5 અલગ-અલગ કલર થીમ્સ અને અપહોલ્સ્ટરીમાંથી પસંદ કરી શકે છે.

નવી Mercedes-AMG SL સંપૂર્ણપણે નવી ડિઝાઇન આર્કિટેક્ચર પર બનાવવામાં આવી છે. મર્સિડીઝનો દાવો છે કે, આ કારમાં અગાઉના કોઈપણ મોડલમાંથી કોઈ કમ્પોનન્ટ લેવામાં આવ્યું નથી. એલ્યુમિનિયમ, સ્ટીલ, મેગ્નેશિયમ અને ફાઈબર કમ્પોઝીટના કારણે આ કારનું વજન ઓછામાં ઓછું રાખવાના પ્રયાસો કરવામાં આવ્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.