2023 જૂન સુધીમાં ભારતમાં 20 લાખથી વધુ કારો વેચાઇ, Tataની આ બે SUVએ મારી બાજી

ભારતમાં દર મહિને લાખો કારો વેચાઇ છે. પણ આ વર્ષના શરૂમા 6 મહિનાઓમાં પાછલા બધા રેકોર્ડ તૂટી ગયા છે. ભારતીય ઓટો માર્કેટમાં એકથી ચઢિયાતી કારો મોજૂદ છે. અમુક કારો એવી પણ છે જેને લોકો આ વર્ષની શરૂઆતથી જૂન સુધીમાં ઘણી પસંદ કરી રહ્યા છે. તમને જાણીને આશ્ચર્ય થશે કે આ વર્ષે જાન્યુઆરીથી લઇ જૂન દરમિયાન કુલ 20,11,062 કારો અને SUV વેચાઈ છે. જેમાં મારુતિ સુઝુકી કંપનીની કારોની સંખ્યા સૌથી વધારે છે.

આ વર્ષના શરૂના 6 મહિનાઓમાં દર મહિને સરેરાશ 3.35 લાખ કારો વેચાઇ છે. સૌથી વધારે વેચાનારી કાર મારુતિ સુઝુકીની વેગનઆર છે. તો બીજી તરફ ટાટા મોટર્સની નેક્સોન અને ટાટા પંચ જેવી એસયૂવી પોતાના સેગમેન્ટમાં ટોપ પર રહી છે. આ બંને કારોએ મળીને દોઢ લાખથી વધારે ગ્રાહકોને આકર્ષિત કર્યા છે.

ભારતમાં આ વર્ષે શરૂના 6 મહિનામાં સૌથી વધારે વેચાનારી કારોમાં પહેલા નંબર પર મારુતિ સુઝુકીની વેગનઆર રહી છે. જેને 109278 ગ્રાહકોએ ખરીદી છે. ત્યાર પછી બીજા નંબર પર મારુકિ સ્વિફ્ટ રહી છે. જેને 104465 ગ્રાહકો મળ્યા. ત્રીજા નંબરે મારુતિ બલેનોને 100107 ગ્રાહકો મળ્યા.

ટાટા મોટર્સની બેસ્ટ સેલિંગ SUVનો નંબર આના પછી આવે છે. જેને 87501 ગ્રાહકોએ ખરીદી છે. પાંચમા સ્થાને હ્યૂંદૈ ક્રેટા રહી છે. જેને 82566 ગ્રાહકોએ ખરીદી છે. તો છઠ્ઠા નંબરે મારુતિ બ્રેઝા રહી, જેને 82185 ગ્રાહકો મળ્યા. ટાટા પંચ સાતમા સ્થાને રહી છે અને ચોથી બેસ્ટ સેલિંગ એસયૂવી રહી છે. જેને 67117 ગ્રાહકો મળ્યા.

તમને જણાવીએ કે, ભારતીય બજારમાં એસયૂવી અને ક્રોસઓવર સૌથી વધારે વેચાઇ છે. ભારતમાં કુલ માર્કેટ શેરના 46 ટકા આ કારો પાસે છે. ત્યાર પછી હેચબેક સેગમેન્ટની કારો પાસે 33 ટકા માર્કેટ શેર છે. મારુતિ સુઝુકીની સાથે જ હ્યુંદૈ અને ટાટા ભારતની 3 સૌથી મોટી ઓટોમોબાઈલ કંપની છે. સાથે જ પેસેન્જર વ્હીકલ્સમાં આ 3 કંપનીઓની 70 ટકા હિસ્સેદારી છે. આવનારા મહિનાઓમાં ફેસ્ટિવલ સીઝનની શરૂઆત થવા જઇ રહી છએ. એવામાં ઘણી કાર કંપનીઓ પોતાના નવા પ્રોડક્ટ્સ લોન્ચ કરી રહી છે. સીએનજી અને ઈલેક્ટ્રિક સેગમેન્ટમાં આવનારા મહિનાઓમાં ઘણી નવી કારો આવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.