ભારતમાં Xiaomiની હાલત કફોડી, સેમસંગને પછાડી આ કંપની બની નંબર-1

ભારતીય સ્માર્ટફોન માર્કેટમાં ચીની બ્રાન્ડ વીવોએ સેમસંગને પછાડતા નંબર-1ની પોઝિશન હાંસલ કરી લીધી છે. ઇન્ટરનેશનલ ડેટા કોર્પોરેશન (IDC)ના લેટેસ્ટ રિપોર્ટ મુજબ, ભારતમાં વર્ષ 2023ના બીજા ક્વાર્ટરના ડેટા સામે આવી ગયા છે. બીજા ક્વાર્ટરના અંતિમ મહિના સુધી વીવોએ પોતાના માર્કેટ શેરને 16 ટકા પહોંચાડી દીધા, જ્યારે ગયા વર્ષે આ ક્વાર્ટરમાં વીવોના માર્કેટ શેર 14.5 ટકા પર હતા.

આ પીરિયડ દરમિયાન કંપનીની શિપમેન્ટમાં 7.4 ટકાનો વધારો દેખાડ્યો. ICDના રિપોર્ટમાં બીજા રેન્ક પર કોરિયન કંપની સેમસંગ ઉપસ્થિત છે. આ વર્ષે બીજા ક્વાર્ટરમાં કંપનીના શેર 15.7 ટકાના રહ્યા છે, જ્યારે ગયા વર્ષે આ ક્વાર્ટરમાં સેમસંગના માર્કેટ શેર 16.3 ટકાનો હતો. ત્રીજા નંબર પર Realme બ્રાન્ડ છે. આ વર્ષના બીજા ત્રિમાસિકમાં રિયલમીના માર્કેટ શેર 12.6 ટકા છે. જ્યારે માર્કેટ શેર 11 ટકા છે, જ્યારે ગયા વર્ષે આ ક્વાર્ટરમાં કંપની માર્કેટ શેર 11.5 ટકા હતા.

Xiaomi એક સમયે ભારતીય બજારમાં ટોપ રેન્ક પર રહેનારી હવે તે પાંચમા નંબર પર પહોંચી ગઈ છે. આ વર્ષના બીજા ક્વાર્ટરમાં બ્રાન્ડનો માર્કેટ શેર 11 ટકા છે, જ્યારે ગયા વર્ષે 17.6 ટકા હતા. Pocoના માર્કેટ શેર આ વર્ષના બીજા ક્વાર્ટરમાં 5 ટકાનો છે. જ્યારે ગયા વર્ષે આ ક્વાર્ટરમાં તેના માર્કેટ શેર 2.8 ટકાના હતા. હવે ફાસ્ટેસ્ટ ગ્રોવિંગ બ્રાંડના રૂપમાં સામે આવ્યો છે. તો શિપમેન્ટમાં 76.5 ટકા યર ઓવર યરનો ગ્રોથ છે. તો એપલ અને વનપ્લસનો ગ્રોથ 61.1 ટકાનો રહ્યો છે, તો તેના માર્કેટ શેર ક્રમશઃ 5.5 ટકા અને 5 ટકાના રહ્યા છે.

ભારત સ્માર્ટફોનની એક મોટી માર્કેટ છે, પરંતુ વાર્ષિક આધાર પર ભારતીય સ્માર્ટફોન માર્કેટમાં વર્ષ 2023માં ઘટાડો નોંધાયો છે. ઇન્ડસ્ટ્રીના એક લેટેસ્ટ રિપોર્ટ મુજબ, ભારતના સ્માર્ટફોન બજારે વર્ષ 2023ના પહેલા છમાસિકમાં વર્ષ દર વર્ષ 10 ટકાના ઘટાડા સાથે 6.4 કરોડ યુનિટનું વેચાણ કર્યું. IANSના રિપોર્ટ મુજબ, ઇન્ટરનેશનલ ડેટા કોર્પોરેશન મુજબ બીજી ત્રિમાસિક (Q2)માં બજાર ગત ત્રિમાસિકની તુલનામાં 10 ટકા વધ્યો, પરંતુ 3.4 કરોડ યુનિટ સાથે વાર્ષિક આધાર પર 3 ટકાનો ઘટાડો આવ્યો.

મીડિયા રિપોર્ટ્સ મુજબ, વિક્રેતાઓ અને ચેનલોએ વર્ષના બીજા છ-માસિકમાં તહેવારી સીઝનની શરૂઆત અગાઉ ડિસ્કાઉન્ટ, સ્પેશિયલ સ્કીમ અને કિંમતોમાં ઓફની રજૂઆત કરીને ઇન્વેન્ટ્રીને ક્લિયર કરવા પર ધ્યાન કેન્દ્રિત કર્યું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.