ટાયર પર કેમ લાગ્યા હોય છે આ 'કાંટા'? માત્ર જીનિયસ જ જાણે છે ! આજે તમે પણ જાણી લો

જો તમે વાહનોના નવા ટાયર ધ્યાનથી જોયા હશે, તો તમારું ધ્યાન તેના પર લાગેલા રબરના ''કાંટા'' પર જરૂરથી ગયું જ હશે. પરંતુ, મોટાભાગના લોકોને એ ખબર નથી હોતી કે તેને ટાયરની ઉપર કેમ લગાવવામાં આવે છે. ઘણા ઓછા લોકોને આ વિશેની જાણકારી હોય છે. જો કે, આજે તમને પણ એ વિશે જાણ થઈ જશે કે ટાયર પર 'કાંટા' કેમ હોય છે. વાસ્તવમાં, ટાયરની ઉપર રબરના 'કાંટા'ને એક ખાસ હેતુને કારણે બનાવવામાં આવે છે. ટાયરની ઉપરની સપાટી પર લાગેલા આ રબરના 'કાંટા'ને વેન્ટ સ્પૂઝ કહેવામાં આવે છે.

ટાયરની ઉપર આ 'કાંટા'ઓને વાહનો જ્યારે રસ્તા પર ચાલતા હોય છે તે દરમિયાન ટાયરની કામગીરીને શ્રેષ્ઠ બનાવવા માટે બનાવવામાં આવે છે. જો કે, તેનું કામ ત્યાં સુધી જ હોય છે, જ્યાં સુધી ટાયરને બનાવવામાં આવી રહ્યુ છે. એકવાર ટાયર જ્યારે બનીને તૈયાર થઈ જાય છે, તે પછી આ 'કાંટા'ઓ કોઈ કામના નથી હોતા. પછી આ 'કાંટા'ઓ ટાયરમાં હોવાથી કે નહીં હોવાથી કોઈ ફરક નથી પડતો. તમે તેને દૂર પણ કરી શકો છો.

આને આ રીતે સમજો, તમે જાણો જ છો કે વાહનના ચાલવાથી ટાયર પર દબાણ આવે છે, આ દબાવની અસરને ઓછી કરવા માટે ટાયરનું મજબૂત હોવું જરૂરી છે, નહીંતર તે વધુ સારું પ્રદર્શન નહીં આપી શકશે. મજબુત ટાયર બનાવવા માટે જેટલું જરૂરી સારા મટીરિયલનો ઉપયોગ કરવું છે, એટલું જ જરૂરી છે કે તેને બનાવવાની પ્રક્રિયામાં કોઈ ભૂલ નહીં થાય.

ફેક્ટરીઓમાં ટાયર બનાવવા માટે, રબરને ઓગાળીને ટાયરનો આકાર આપવામાં આવે છે, આ પ્રક્રિયા દરમિયાન ટાયર અને મોલ્ડની વચ્ચે કોઈ હવાના પરપોટા નહીં રહી જાય. તે સુનિશ્ચિત કરવામાં આવે છે. આ દરમિયાન, વેન્ટ સ્પૂઝ બની જાય છે. તે ટાયર બનાવવાની પ્રક્રિયાનો એક ભાગ છે.

પછી જ્યારે તમે ટાયરનો ઉપયોગ કરો છો, ત્યારે ટાયરની જે સપાટી રસ્તા પર લાગે છે, તેના પર લાગેલા આ રબરના 'કાંટા' ઘસાઈને પૂરા થઈ જાય છે, પરંતુ તમારા ટાયર પર તેની કોઈ અસર નથી થતી. જો કે, ટાયરની બાજુમાં વેન્ટ સ્પૂઝ લાંબા સમય સુધી રહી શકે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.