મહિલા IPLની હરાજીમાં 409 ખેલાડીઓ, 246 ભારતીય-163 વિદેશી, 90 ખેલાડીઓ પસંદ થશે

ભારતીય ક્રિકેટ કંટ્રોલ બોર્ડ (BCCI)એ ખેલાડીઓની હરાજીની સત્તાવાર જાહેરાત કરી હોવાથી મહિલા પ્રીમિયર લીગ (WPL) માટે તબક્કો તૈયાર થઇ ગયો છે. ઘણા દિવસોની રાહ અને અટકળો પછી, BCCI એ WPLની પ્રથમ 'પ્લેયર્સ ઓક્શન'ની વિગતો મંગળવારે, 7 ફેબ્રુઆરીએ ચાહકો સાથે શેર કરી, જેમાં માત્ર હરાજીની તારીખ અને સમય જ નહીં, પણ એ પણ બહાર આવ્યું કે કેટલા ખેલાડીઓ છે અને કેટલાં ખેલાડીઓ પર બોલી લગાવવામાં આવશે.

વિમેન્સ પ્રીમિયર લીગ (WPL)ની પ્રથમ આવૃત્તિ આ વર્ષે 4 થી 26 માર્ચ દરમિયાન યોજાશે. BCCIએ આ અંગે એક પ્રેસ રિલીઝ જાહેર કરી છે. આ ટુર્નામેન્ટ મુંબઈના બે સ્ટેડિયમમાં રમાશે- બ્રેબોર્ન અને D.Y. પાટિલ સ્ટેડિયમ. જ્યારે, 13 ફેબ્રુઆરીએ, મુંબઈમાં ખેલાડીઓની હરાજી થશે. મહિલા IPL હરાજી માટે કુલ 1525 ખેલાડીઓએ નોંધણી કરાવી હતી, જેમાંથી 409 ખેલાડીઓને શોર્ટલિસ્ટ કરવામાં આવી છે. જેમાંથી 246 ભારતીય અને 163 વિદેશી ખેલાડીઓ છે. 163 વિદેશી ખેલાડીઓમાંથી આઠ એસોસિયેટ દેશોના છે.

🚨 NEWS 🚨: Women’s Premier League 2023 Player Auction list announced. #WPLAuction

All The Details 🔽 https://t.co/dHfgKymMPN

— Women's Premier League (WPL) (@wplt20) February 7, 2023

409 ખેલાડીઓમાંથી કેપ્ડ ખેલાડીઓની કુલ સંખ્યા 202 છે, જ્યારે અનકેપ્ડ ખેલાડીઓની સંખ્યા 199 છે અને આઠ સહયોગી દેશોના છે. જે ખેલાડીઓએ પોતાના દેશ માટે ટેસ્ટ, ODI અથવા T20 મેચ રમી છે તે કેપ્ડ કેટેગરીમાં આવે છે. જ્યારે, જે ખેલાડીએ તેના દેશ માટે એક પણ આંતરરાષ્ટ્રીય મેચ રમી નથી, તેને અનકેપ્ડ કહેવામાં આવે છે.

પાંચ ટીમો પાસે વધુમાં વધુ 90 સ્લોટ ઉપલબ્ધ છે, જેમાંથી 30 વિદેશી ખેલાડીઓ માટે છે. એટલે કે હરાજીમાં વધુમાં વધુ 90 ખેલાડીઓની જ બોલી લગાવવામાં આવશે. મતલબ કે એક ટીમમાં વધુમાં વધુ 16 ખેલાડીઓ હોઈ શકે છે. પુરુષોમાં, ટીમમાં ખેલાડીઓની મહત્તમ સંખ્યા 25 છે.

The base price for players in the Women's IPL has been divided into five categories from Rs. 10 lakh to Rs. 50 lakh.

The deadline for registration for the auction is January 26.#CricketTwittter Source: Sportstar pic.twitter.com/KMhtlevEDH

— Female Cricket (@imfemalecricket) January 7, 2023

ખેલાડીઓની સૌથી વધુ બેઝ પ્રાઈસ 50 લાખ રૂપિયા છે, જેમાં 24 ખેલાડીઓને રાખવામાં આવ્યા છે. જેમાં ટીમ ઈન્ડિયાની કેપ્ટન હરમનપ્રીત કૌર, સ્મૃતિ મંધાના, દીપ્તિ શર્મા અને ભારતની અંડર-19 T20 વર્લ્ડ કપ વિજેતા કેપ્ટન શેફાલી વર્માનો સમાવેશ થાય છે. અને એલિસ પેરી, સોફી એક્લેસ્ટોન, સોફી ડિવાઇન અને ડીઆન્ડ્રા ડોટિન જેવા 13 સ્ટાર વિદેશી ખેલાડીઓ છે જેમણે પોતાને 50 લાખ રૂપિયાના ઉચ્ચતમ કેટેગરીમાં સ્થાન આપ્યું છે. હરાજીની યાદીમાં એવા 30 ખેલાડીઓ છે જેમની મૂળ કિંમત 40 લાખ રૂપિયા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.