પાક. ખેલાડીનો ભારતીય સ્પિનર્સ પર બફાટ, બોલ્યો-જાડેજા નબળો સ્પિનર, ચહલને મારવો...

PC: cricketaddictor.com

ભારત અને ઓસ્ટ્રેલિયા વચ્ચે રમાઈ રહેલી 4 મેચોની ટેસ્ટ સીરિઝની ત્રીજી મેચ ઈન્દોરમાં શરૂ થઈ છે. આ અગાઉ ભારતીય ટીમે પહેલી બંને ટેસ્ટ જીતીને બોર્ડર ગાવસ્કર ટ્રોફીમાં 2-0થી અજેય લીડ હાંસલ કરી લીધી છે. પહેલી બંને મેચોમાં ભારતીય સ્પિનર્સનો જલવો જોવા મળ્યો. ખાસ કરીને રવીન્દ્ર જાડેજાએ પહેલી 2 મેચોમાં મળીને કુલ 17 વિકેટ હાંસલ કરીને પોતાની વાપસીને યાદગાર બનાવી દીધી છે. જો કે, પાકિસ્તાની પૂર્વ ખેલાડીને રવીન્દ્ર જાડેજાની કુશળતા પર શંકા હતી.

તેણે કહ્યું કે, જ્યારે તે આવ્યો હતો, તો તેની રમત ખૂબ સરળ હતી. પાકિસ્તાની પ્રેન્કસ્ટાર નાદિર અલી સાથે યુટ્યુબ ચેનલ પર એક પૉડકાસ્ટ પર બોલતા પાકિસ્તનના પૂર્વ ક્રિકેટ અબ્દુલ રહમાને ભારતના સૌથી ખરાબ સ્પિનર્સમાં રવીન્દ્ર જાડેજા અને યુઝવેન્દ્ર ચહલનું નામ લીધું. જો કે તેણે એમ પણ જણાવ્યું કે, ખેલાડી પોતાના દેશ માટે રમે છે, તે ક્યારેય ખરાબ હોતા નથી. પોતાના કરિયરની શરૂઆતમાં રવીન્દ્ર જાડેજા એક ખરાબ બોલર હતો અને પૂર્વ ભારતીય કેપ્ટન મહેન્દ્ર સિંહ ધોનીના માર્ગદર્શનમાં તે દુનિયાનો નંબર વન બોલર બની ગયો.

તેણે યુઝવેન્દ્ર ચહલને સૌથી ખરાબ બોલર કહ્યો. અબ્દુર રહમાને કહ્યું કે, રવીન્દ્ર જાડેજા જ્યારે શરૂઆતમાં આવ્યો હતો તો ફરિક સ્પિનર હતો. એક નબળો બોલર હતો. તમે તેને સરળતાથી મારી શકતા હતા. તેના બૉલમાં કોઈ જીવ નહોતો અને બૉલને વધારે સ્પિન પણ મળતી નહોતી. તેને જોઈને લાગતું હતું કે તે લાંબી રેસનો ઘોડો નથી. જો કે તેને ભારતના સૌથી શાનદાર સ્પિનર બાબતે પૂછવામાં આવ્યું તો પણ તેણે રવીન્દ્ર જાડેજાનું નામ લીધું. અનિલ કુંબલે બાબતે વાત કરતા તેણે કહ્યું કે, તે પહેલાના જમાના મુજબના હતા, પરંતુ આજે આપણે મોડર્ન ડેઝમાં છીએ.

અનિલ કુંબલે પહેલા બિશન સિંહ બેદી એક સારા સ્પિનર હતા. અનિલ કુંબલે જો આજના જમાના હોત તો તેઓ ખરાબ રીતે માર ખાતા, તેમનો બૉલ ટર્ન ન થતો. ઉલ્લેખનીય છે કે રવીન્દ્ર જાડેજાએ હાલમાં જ બૉલ સાથે સાથે બેટથી પણ કમાલ કરી અને તે દુનિયાનો નંબર વન ટેસ્ટ ઓલરાઉન્ડર બની ગયો છે. ભારતીય ટીમ હવે સીરિઝની ત્રીજી મેચ આજથી ઈન્દોરમાં રમી રહી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp