સુરેશ રૈનાએ ચેન્નાઇ સુપર કિંગ્સ સાથે વિતાવેલા દિવસોને કર્યા યાદ, જુઓ શું કહ્યું

ડાબા હાથના વિસ્ફોટક બેટ્સમેન સુરેશ રૈનાએ ચેન્નાઇ સુપર કિંગ્સ (CSK) સાથે વિતાવેલા દિવસોને યાદ કરતા મોટી પ્રતિક્રિયા આપી છે. સુરેશ રૈનાએ ચેન્નાઇ સુપર કિંગ્સ ફ્રેન્ચાઇઝીના ખૂબ વખાણ કર્યા છે અને કહ્યું કે, ચેન્નાઇ સુપર કિંગ્સની ટીમમાં એકદમ ફેમિલીવાળો માહોલ રહે છે. સુરેશ રૈનાના જણાવ્યા મુજબ, ચેન્નાઇ સુપર કિંગ્સ એક બાળકની જેમ પ્રેમ કરે છે. સુરેશ રૈનાની જો વાત કરીએ તો તે ઘણા વર્ષો સુધી ચેન્નાઇ સુપર કિંગ્સની ટીમનો હિસ્સો રહ્યો હતો.

માત્ર 2 સીઝન સિવાય જેટલા પણ વર્ષ તે રમ્યો, ચેન્નાઇ સુપર કિંગ્સનો હિસ્સો રહ્યો. સુરેશ રૈનાને ઇન્ડિયન પ્રીમિયર લીગ (IPL)ના સૌથી સફળ બેટ્સમેનોમાં સામેલ કરવામાં આવે છે અને આ ખેલાડીએ લીગમાં ઘણી શાનદાર ઇનિંગ રમી અને સાથે જ ફિલ્ડિંગમાં પણ પોતાનું એક અલગ સ્તર બનાવ્યું. સુરેશ રૈનાના કરિયરની વાત કરીએ તો તે આ લીગમાં સૌથી વધુ રન બનાવનારા બેટ્સમેનોની લિસ્ટના સામેલ છે. તેના નામે 205 મેચોમાં 136.76ની સ્ટ્રાઇક રેટથી 5,528 રન બનાવ્યા છે.

આ દરમિયાન તેના બેટથી એક સદી અને 39 અડધી સદી પણ નીકળી છે. જિઓ સિનેમા ડિજિટલની વાત કરીએ તો સુરેશ રૈનાએ ચેન્નાઇ સુપર કિંગ્સને લઇને પ્રતિક્રિયા આપતા કહ્યું કે, ‘તમે હંમેશાં ચેન્નાઇ સુપર કિંગ્સ માટે સ્પેશિયલ ફિલ કરો છો. તમને બાળકોની જેમ ત્યાં પ્રેમ કરવામાં આવે છે.’ સુરેશ રૈનાએ ચેન્નાઇ સુપર કિંગ્સને 4 વખત IPLની ટ્રોફી જીતાડવામાં મહત્ત્વનું યોગદાન આપ્યું હતું. કેપ્ટન મહેન્દ્ર સિંહ ધોની સાથે એ દરેક સીઝનમાં ટીમનો મહત્ત્વનો હિસ્સો રહેતો હતો. તેણે ઘણી મેચોમાં પોતાની વિસ્ફોટક ઇનિંગના દમ પર ચેન્નાઇ સુપર કિંગ્સને જીતાડી અને આ જ કારણ છે કે આજે પણ સુરેશ રૈનાની લોકપ્રિયતા ઘણી બધી છે અને લોકો તેને ખૂબ પ્રેમ કરે છે.

એવી જ એક કહાની ચેન્નાઇ સુપર કિંગ્સના પૂર્વ ખેલાડી અને ન્યૂઝીલેન્ડના પૂર્વ ઓલરાઉન્ડર સ્કોટ સ્ટાયરિસે સંભળાવી હતી. સ્કોટ સ્ટાયરિસે જણાવ્યું હતું કે, ચેન્નાઇ સુપર કિંગ્સનો વ્યવહાર ખૂબ સારો હતો. તેના કેટલાક જેસ્ચર તેને દુનિયાની બાકી ફ્રેન્ચાઇઝીઓથી અલગ બનાવે છે. 47 વર્ષીય આ પૂર્વ ક્રિકેટરે જણાવ્યું કે, ચેન્નાઇ સુપર કિંગ્સના પૂર્વ ખેલાડી એલ્બી મોર્કેલના પિતા પણ ક્યારેય ભારત આવ્યા નહોતા. તો ચેન્નાઇ સુપર કિંગ્સે તેને બિઝનેસ ક્લાસથી અહીં બોલાવ્યા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.