બેન સ્ટોક્સે ક્રિકેટના આ નિયમને કાઢવાની ICC પાસે માગ કરી

સિડનીમાં ચાલી રહેલી ઑસ્ટ્રેલિયા વર્સિસ દક્ષિણ આફ્રિકા વચ્ચે ટેસ્ટ સીરિઝની ત્રીજી મેચના પહેલા દિવસે એક મોટો હોબાળો જોવા મળ્યો. ઓસ્ટ્રેલિયન ઇનિંગની 40મી ઓવરના પાંચમા બૉલ પર લાબુશેનનો કેચ પહેલી સ્લીપ પર સાઇમન હાર્મરે પકડ્યો હતો અને બધા આફ્રિકન ખેલાડી સેલિબ્રેશન મનાવવા માગ્યા હતા. તો ફિલ્ડ અમ્પાયરોએ નિર્ણય માટે ત્રીજા અમ્પાયરની મદદ લીધી, પરંતુ ઘણી વખત રિપ્લે જોયા બાદ તેને નોટઆઉટ આપી દેવામાં આવ્યો.

આ નિર્ણય બાદ ક્રિકેટ જગત અને સોશિયલ મીડિયા પર હાહાકાર મચી ગયો. આ દરમિયાન ઇંગ્લેન્ડના ટેસ્ટ કેપ્ટન બેન સ્ટોક્સે કટાક્ષ કરતા પોતાના વિચાર ટ્વીટર પર શેર કર્યા છે. બેન સ્ટોક્સે સૌથી પહેલા પોતાના વિચાર આ નિર્ણય પર રાખ્યા અને અંતમાં કહ્યું કે, આ નિર્ણય પર મારી ટિપ્પણી નથી અને હસતા પોતાની આખી વાત પૂરી કરી. આ પહેલા તેણે કહ્યું કે, ‘ICCએ સોફ્ટ સિગ્નલથી છુટકારો મેળવવો કે હટાવી દેવો જોઇએ અને થર્ડ અમ્પાયરને નિર્ણય લેવા માટે બધી ટેક્નિક રાખવાની મંજૂરી આપવી જોઇએ.’

ICC should get rid off the soft signal and let the 3rd umpire who has all the technology to make the decision when the on field umpires send it upstairs,all the controversy is always around the soft signal given.
This isn’t a comment on the decision FYI ?? https://t.co/rvOeJEfnKF

— Ben Stokes (@benstokes38) January 4, 2023

તેણે આગળ કહ્યું કે, ‘જ્યારે ઑન ફિલ્ડ અમ્પાયર આ પ્રકારના નિર્ણયને ઉપર મોકલે છે તો બધો વિવાદ આપવામાં આવેલા સોફ્ટ સિગ્નલ આસપાસ હોય છે. ’ ક્રિકેટ ઓસ્ટ્રેલિયા (CA)એ આ ઘટના પર થર્ડ અમ્પાયરના કેમેરા એન્ગલ પર સમીક્ષા કરવા કહ્યું છે. ઓસ્ટ્રેલિયન ક્રિકેટ બોર્ડના CEO નિક હોકલેએ મેચના અધિકારીઓના નિર્ણયને ડિફેન્સ કરતા કહ્યું કે, ક્રિકેટનું પ્રસારણ સંભવતઃ કોઇ પણ મુખ્ય રમત સૌથી મુશ્કેલ છે. અમારી પાસે મોટી સંખ્યામાં કેમેરા ઉપલબ્ધ છે.

તેમણે આગળ કહ્યું કે, કાલે વાસ્તરમાં થોડા માર્જિનથી નિર્ણય લેવામાં આવ્યો હતો. મેચ રેફરી અને અમ્પાયર તેમની પાસે ઉપલબ્ધ જાણકારી સાથે એ નિર્ણય લેવામાં આવ્યો હતો. તે કંઇક એવી ઘટના છે જેની બાબતે અમે વિચારીશું અને જોઇશું. અમે તેના પર ટેસ્ટ મેચ સમાપ્ત થયા બાદ તેની  સમીક્ષા પણ કરીશું. તે ખૂબ જ નિરાશાજનક હતું.

મેચની વાત કરીએ તો ઓસ્ટ્રેલિયાએ ટોસ જીતીને પહેલા બેટિંગ કરતા બીજા દિવસના સ્ટમ્પ્સ સુધીમાં 4 વિકેટના નુકસાન પર 4 વિકેટના નુકસાન પર 475 રન બનાવ્યા છે. ઓસ્ટ્રેલિયન ઓસ્ટ્રેલિયન ઓપનર ઉસ્માન ખ્વાજા 195 રન બનાવીને નોટઆઉટ પીચ પર ટકી રહ્યો છે તેની સાથે મેટ રેનશૉ છે. એ સિવાય સ્ટીવ સ્મિથે પણ 104 રનની ઇનિંગ રમી છે.