એક્સિડંટ પછી હવે પંત પાછો ક્યારે રમી શકશે, BCCIના અધિકારીએ આપી મોટી જાણકારી

ભારતીય ટીમનો વિકેટકીપર બેટ્સમેન રિષભ પંત ડિસેમ્બર 2022માં થયેલા એક રોડ અકસ્માત બાદ થોડા મહિનાઓથી સ્વસ્થ થવાની પ્રક્રિયામાં છે. આ ભયાનક દુર્ઘટનામાં તેને ઘણી ઇજાઓ થઈ હતી, જેના કારણે કોઈ નિર્ધારિત સમયરેખા નક્કી પણ કરવામાં આવી નથી. ઘણા રિપોર્ટ્સમાં દાવો કરવામાં આવ્યો કે, 25 વર્ષીય ભારતીય ખેલાડી રિષભ પંતની આ વર્ષે મેદાનમાં વાપસી કરવાની ઓછી સંભાવના છે, જ્યારે ભારતીય ક્રિકેટ કંટ્રોલ બોર્ડ (BCCI)ના એક જાણકારે મેદાન પર રિષભ પંતની વાપસીની આશા વ્યક્ત કરી છે.

રિષભ પંત આ અપ્રિય દુર્ઘટનાના કારણે ઇન્ડિયન પ્રીમિયર લીગ (IPL) 2023 સીઝનમાં પણ ભાગ લઈ શક્યો નહોતો અને તેની જગ્યાએ દિલ્હી કેપિટલ્સ (DC)ની ટીમે ડેવિડ વોર્નરને કેપ્ટન બનાવ્યો હતો. દિલ્હીની ટીમે આ વર્ષે નિરાશાજનક પ્રદર્શન કર્યું અને તે ક્વાલિફાય કરી શકી નહોતી. IPL સિવાય ઓસ્ટ્રેલિયા વિરુદ્ધ ઈંગ્લેન્ડમાં 7 જૂનથી 11 જૂન વચ્ચે રમાનારી વર્લ્ડ ટેસ્ટ ચેમ્પિયનશીપ (WTC) ફાઇનલમાં પણ ભાગ ન લઈ શક્યો અને સાથે સાથે ઓસ્ટ્રેલિયા વિરુદ્ધ ઈંગ્લેન્ડમાં થનારી આગામી વર્લ્ડ ટેસ્ટ ચેમ્પિયનશિપની ફાઇનલમાં રમવાથી પણ વંચિત રહી ગયો.

રિષભ પંતના સ્વાસ્થ્ય સુધાર પર જાણકારી આપતા એક BCCI અધિકારી એક અંગ્રેજી અખબારને જણાવ્યું કે, તેની રિકવરીની આશાથી સારી રીતે થઈ રહી છે અને મેદાન પર તેની વાપસી આશાથી પહેલા થઈ શકે છે. BCCIના જાણકારે કહ્યું કે, ચાલો સ્પષ્ટ કરી દઈએ કે પંતની એકથી વધુ સર્જરી ક્યારેય કરી નથી, જેમ અનુમાન લગાવવામાં આવી રહ્યું હતું. બીજી સર્જરી બાબતે વધુ ચિંતા હતી. તેની દરેક ઇજા પર દેખરેખ કરવામાં આવી હતી. ભાગ્યશાળીના રૂપે તેની પ્રગતિ આશાથી સારી રહી. આ તેના માટે એક મોટું પ્રોત્સાહન છે.

તેનો અર્થ એવો થઈ શકે છે કે, તેની વાપસી અનુમાનથી જલદી સંભવ થઈ શકે છે. પંત એક સારા સ્પિરિટમાં છે અને તે હવે લાંબા સમય સુધી સ્ટિક વિના ચાલી શકે છે. તેનું રિહેબ પર મુખ્ય ધ્યાન તેની મજબૂતી પર છે અને જલદી જ ટ્રેનિંગ ફેઝમાં વાપસી કરશે. રિષભ પંત સ્વાસ્થ થવાના સંબંધમાં સૌથી નવી જાણકારી મુજબ, એક અંગ્રેજી અખબારના રિપોર્ટમાં કહેવામાં આવ્યું છે કે, રિષભ પંતને હવે જમણા ઘૂંટણ પર વધુ એક સર્જરી કરાવવાની જરૂરિયાત નહીં હોય.

કાર દુર્ઘટના બાદ આ ક્રિકેટરને ઘણી મેજર સર્જરીમાંથી પસાર થવું પડ્યું હતું. કેટલાક દાવાઓ મુજબ, બીજી સર્જરી પણ થઈ શકતી હતી, પરંતુ રિપોર્ટ્સ મુજબ ડૉક્ટર અને વિકેટકીપરના સ્વાસ્થ્ય સુરક્ષાની ટીમ પંત દ્વારા છેલ્લા 4 મહિનામાં કરવામાં આવેલી રિકવરીથી સંતુષ્ટ છે, ત્યારબાદ બીજી સર્જરીને ગયા અઠવાડિયે સ્થગિત કરી દેવામાં આવી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.