ભારતીય ટીમ સૂર્યકુમારની બેટિંગ પર વધારે નિર્ભર ન રહે, જાણો કોણ બોલ્યું આવું

PC: hindustantimes.com

સૂર્યકુમાર યાદવ T20 ઈન્ટરનેશનલમાં કમાલનો ખેલ દેખાડી રહ્યો છે. શ્રીલંકા વિરુદ્ધની ત્રીજી T20 મુકાબલામાં પણ સૂર્યાએ 112 રનની યાદગાર ઈનિંગ રમી છે. તેની આ ઈનિંગના લીધે ભારતે મેચમાં 91 રનથી જીત મેળવીને સીરિઝ પર 2-1થી કબ્જો કર્યો હતો. T20 પછી હવે વનડે સીરિઝનું આયોજન છે, જેની શરૂઆત 10 જાન્યુઆરીના થશે.

શ્રીલંકા વિરુદ્ધ T20 સીરિઝમાં જીત મેળવવા છતાં ટીમ ઈન્ડિયા માટે બધુ સારું નથી. ત્રણ મેચની T20 સીરિઝમાં સૂર્યકુમાર સિવાય કોઈ ટોપ ઓર્ડરનો બેટ્સમેન યોગદાન આપી શક્યો ન હતો. જ્યારે બોલિંગમાં પણ યુવાન બોલરો પાસેથી સારા પરફોર્મન્સની આશા હતી પરંતુ તેઓ પણ કંઈ ખાસ પ્રદર્શન કરી શક્યા ન હતા. હવે ટીમ ઈન્ડિયાના પૂર્વ ક્રિકેટર તથા સિલેક્ટર સબા કરીમે ભારતીય ટીમને વોર્નિંગ આપી છે. સબા કરીમનું માનવું છે કે ભારતીય ટીમ T20માં સફળતા હાંસલ કરવા માટે સૂર્યકુમારની બેટિંગ પર વધારે નિર્ભર રહી શકે તેમ નથી.

સબા કરીમે ભારતીય બેટ્સમેનોને એકસાથે ભેગા મળીને સારું પ્રદર્શન કરવા માટે આગ્રહ કર્યો છે. સબા કરીમે એક ન્યુઝ ચેનલ સાથેની વાતચીત દરમિયાન કહ્યું, ભારત સૂર્યકુમાર યાદવ પર ઘણું વધારે નિર્ભર રહી શકે તેમ નથી. આવી સ્થિતિમાં તે આગામી મેચમાં ટીમ માટે પરેશાની સાબિત થશે. હું ઈચ્છું છું કે અન્ય બેટ્સમેનો પણ પોતાનું મહત્વનું યોગદાન આપે. સૂર્યકુમાર યાદવ સિવાય બાકીના બેટ્સમેનોએ થોડું યોગદાન આપ્યું પરંતુ મેચ જીતવા માટેનું પ્રદર્શન જોવા મળ્યું ન હતું.

સબા કરીમે આગળ વાત કરતા કહ્યું કે, ટી20માં રાહુલ ત્રિપાઠીને ત્રીજા નંબર પર વધારે તક મળવી જોઈએ. કરીમનું માનવું છે કે રાહુલ ત્રિપાઠીએ ઈન્ડિયન પ્રીમિયર લીગમાં પણ આ નંબર પર બેટ્સમેને શાનદાર પ્રદર્શન કર્યું છે. સબા કરીમે કહ્યું કે, નંબર 3 રાહુલ ત્રિપાઠી માટે એક આદર્શ સ્થિતિ છે અને તે ત્યાં વધારે સહજ છે. આ એક એવું સ્થાન છે, જ્યાં તેણે પોતાની આઈપીએલ ફ્રેન્ચાઈઝી માટે પણ બેટિંગ કરી છે અને પ્રભાવશાળી સ્ટ્રાઈક રેટથી રન બનાવ્યા છે. ટોપના બેટ્સમેનોએ આ રીતના પ્રદર્શનની જરૂર હોય છે.

શ્રીલંકા વિરુદ્ધની T20 સીરિઝમાં સૂર્યકુમાર યાદવ સૌથી વધારે રન બનાવનારો બેટ્સમેન છે. સૂર્યાએ ત્રણ મેચમાં 85ની સરેરાશ અને 175.2ના સ્ટ્રાઈક રેટથી 170 રન બનાવ્યા છે. આ દરમિયાન તેના બેટથી એક શતક અને એક અર્ધશતક મારવામાં આવ્યું છે. અક્ષર પટેલ 117 રનની સાથે આ સીરિઝમાં સૌથી વધારે રન બનાવનારમાં ત્રીજા ક્રમ પર છે. આ બે સિવાય કોઈ પણ ભારતીય બેટ્સમેન સીરિઝમાં 60 રન પણ બનાવી શક્યા ન હતા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp