ODI વર્લ્ડ કપ 2023માં બાબર આઝમ કેટલી સદી ફટકારશે, ગૌતમ ગંભીરે જણાવી સંખ્યા
પાકિસ્તાનના કેપ્ટન બાબર આઝમે ભારતની ધરતી પર વર્લ્ડ કપ 2023ના અભિયાનની શરૂઆત પ્રેક્ટિસ મેચથી કરી હતી અને પહેલી જ પ્રેક્ટિસ મેચમાં તેણે ન્યૂઝીલેન્ડ સામે 80 રનની ઇનિંગ રમીને પોતાનો ઇરાદો વ્યક્ત કર્યો હતો. બાબર આઝમ હાલમાં ODI રેન્કિંગમાં વિશ્વનો નંબર વન બેટ્સમેન છે અને પાકિસ્તાન ક્રિકેટ ટીમને તેની પાસેથી ઘણી આશાઓ છે.
બાબર આઝમ 2019માં ઈંગ્લેન્ડમાં છેલ્લા ODI વર્લ્ડ કપમાં તેની ટીમ માટે સૌથી વધુ રન બનાવનાર બેટ્સમેન હતો. બાબર આઝમ વિશે, ભૂતપૂર્વ ભારતીય ઓપનર બેટ્સમેન ગૌતમ ગંભીરે કહ્યું કે, આ બેટ્સમેન તકનીકી રીતે ખૂબ જ મજબૂત છે અને તે આ ODI વર્લ્ડ કપમાં 3-4 સદી ફટકારી શકે છે.
મીડિયા સૂત્રો સાથે વાત કરતી વખતે ગૌતમ ગંભીરે કહ્યું કે, બાબર આઝમ પાસે જે પ્રકારની ટેકનિક છે તેનાથી તે આ વનડે વર્લ્ડ કપમાં પાકિસ્તાન માટે ત્રણથી ચાર સદી ફટકારી શકે છે. થોડા દિવસો પહેલા એટલે કે પાકિસ્તાનની ટીમ ભારત આવી તે પહેલા ગૌતમ ગંભીરે બાબર આઝમની ખૂબ પ્રશંસા કરી હતી અને તેને એક અસાધારણ પ્રતિભાવાન ખેલાડી ગણાવ્યો હતો. ગંભીરે કહ્યું કે, અત્યારે ઘણા મહાન બેટ્સમેન રમી રહ્યા છે, જેમાં રોહિત શર્મા, જો રૂટ, કેન વિલિયમસન, સ્ટીવ સ્મિથ, વિરાટ કોહલીનો સમાવેશ થાય છે, પરંતુ બેટ્સમેન તરીકે બાબર આઝમની કુશળતા બેજોડ છે.
ગંભીરે બાબર આઝમ વિશે કહ્યું હતું કે, તેની પાસે એવી તમામ ક્ષમતા છે જેની મદદથી તે આ વનડે વર્લ્ડ કપમાં આગ લગાવી શકે છે. મેં બહુ ઓછા બેટ્સમેન જોયા છે જેમની પાસે મેદાનમાં બેટથી રમતી વખતે આટલો સમય હોય. અત્યારે રોહિત, કોહલી, વિલિયમસન, રૂટ, ડેવિડ વોર્નર છે, પરંતુ તેમની ગુણવત્તાનું સ્તર અલગ છે. અહીં તમને જણાવી દઈએ કે, ODIની 10 ઇનિંગ્સમાં બાબર આઝમે 58ની એવરેજથી 5409 રન બનાવ્યા છે અને આમાં તેણે 19 સદી ફટકારી છે. પાકિસ્તાને હવે તેની આગલી પ્રી-સીઝન મેચ ઓસ્ટ્રેલિયા સામે 3 ઓક્ટોબરે રમવાની છે, જ્યારે ટીમને ODI વર્લ્ડ કપની તેની પ્રથમ મેચ 6 ઓક્ટોબરે નેધરલેન્ડ સામે રમવાની છે. ભારત સાથે પાકિસ્તાનની મેચ 14 ઓક્ટોબરે અમદાવાદ ખાતે રમાવાની છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
