ICC WC 2023નો કાર્યક્રમ જાહેર, શેડ્યૂલ પર રોહિત શર્માનું આવ્યું પહેલું રીએક્શન

By Khabarchhe

On 28 Jun 2023

ICC WC 2023નો કાર્યક્રમ જાહેર, શેડ્યૂલ પર રોહિત શર્માનું આવ્યું પહેલું રીએક્શન

ઇન્ટરનેશનલ ક્રિકેટ કાઉન્સિલ (ICC) દ્વારા વર્લ્ડ કપ 2023ના કાર્યક્રમને જાહેર કર્યા બાદ ભારતીય કેપ્ટન રોહિત શર્માએ તેને લઈને પોતાની પહેલી પ્રતિક્રિયા સામે આવી છે. ભારતીય ક્રિકેટ કંટ્રોલ બોર્ડ (BCCI) ટી.વી. પર તેણે કહ્યું કે, આ વખત વર્લ્ડ કપ અગાઉ ક્યાંક વધારે પ્રતિસ્પર્ધી થવાનો છે કેમ કે આજકાલની રમત ખૂબ જ ફાસ્ટ થઈ ગઈ છે અને હવે પહેલાંની તુલનામાં ઘણા બધા સકારાત્મક વલણ સાથે રમવા ઉતરે છે. BCCI ટી.વી. પર તેણે કહ્યું કે, પોતાના ઘર પર આ વખતના વર્લ્ડ કપમાં રમવાનો અનુભવ ખૂબ જ શાનદાર રહેવાનો છે.

ભારતે અહી 12 વર્ષ અગાઉ ટ્રોફીને જીતી હતી અને હું એ વાતને સારી રીતે જાણું છું કે આખા દેશમાં ફેન્સ અમારા આ વખત ટૂર્નામેન્ટમાં ઉતરવાની રાહ કાગડોળે જોઈ રહ્યા છે. જે પ્રકારે આ રમતની ગતિ તેજ થઈ છે તે આખી દુનિયાને ચાહનારાઓ માટે સારા સંકેત છે, આ બધા બદલવાનું કારણ જ આ તમામ ફેન્સ માટે ઘણા રોમાંચક પળોને લાવવાનો વાયદો કરે છે. અમે આગામી આ ટૂર્નામેન્ટની તૈયારીમાં કોઈ કસર છોડી રહ્યા નથી અને પોતાનું સૌથી સારું પ્રદર્શન કરવા માટે ઓક્ટોબર-નવેમ્બરમાં મેદાન પર ઉતરશે.

ભારતીય ક્રિકેટ ટીમે ભારતમાં આયોજિત વર્ષ 2011ના વન-ડે વર્લ્ડ કપને મહેન્દ્ર સિંહ ધોનીની કેપ્ટન્સીમાં જીત્યો હતો. ટૂર્નામેન્ટની ફાઇનલમાં ભારતીય ટીમ શ્રીલંકન ટીમને હરાવીને વર્લ્ડ ચેમ્પિયન બનવાની કમાલ કરી હતી. પહેલી વખત વર્ષ 1983માં ભારતે બે વખતની ચેમ્પિયન વેસ્ટ ઇન્ડીઝને હરાવીને ટ્રોફી પર કબજો કર્યો હતો. ભારતીય ટીમે વર્ષ 2013માં મહેન્દ્ર સિંહ ધીની કેપ્ટન્સીમાં અંતિમ વખત ICC ટ્રોફી જીતી હતી. ઇંગ્લેન્ડની ટીમને ચેમ્પિયન્સ ટ્રોફીની ફાઇનલમાં રોમાંચક મેચમાં હરાવી હતી. ત્યારથી અત્યાર સુધી ભારતીય ટીમ ઘણી વખત ટૂર્નામેન્ટમાં ઉતરી, પરંતુ જીત હાંસલ ન કરી શકી.