ભારતની દીકરીઓ ક્રિકેટ વર્લ્ડ કપ લઇ આવી, સન્માન કરવા સચિન તેંડુલકર અમદાવાદ આવશે

ભારતની અંડર-19 મહિલા ટીમે T20 વર્લ્ડ કપ 2023ની ટ્રોફી પોતાના નામે કરી લીધી છે. ફાઇનલ મેચમાં શેફાલી વર્માની આગેવાનીવાળી ભારતીય ટીમે ઈંગ્લેન્ડને 7 વિકેટે હરાવીને વર્લ્ડ ચેમ્પિયન બનવાનું ગૌરવ હાંસલ કર્યું. અંડર-19 T20 વર્લ્ડ કપની આ પહેલી સીઝન હતી અને શેફાલી વર્માની યુવા બ્રિગેડ કે પછી કહો યુવા સિંહણોએ પોતાની ગર્જનાથી આખી દુનિયાના હલાવી દીધી છે. હવે ભારતીય ક્રિકેટ બોર્ડ (BCCI)એ આ યુવા ટીમને સન્માનિત કરવાની તૈયારી કરી રહી છે.

મહાન બેટ્સમેન સચિન તેંદુલકર પહેલો ICC અંડર-19 મહિલા T20 વર્લ્ડ કપ જીતનારી ભારતની અંડર-19 મહિલા ક્રિકેટ ટીમને બુધવારે અમદાવાદના નરેન્દ્ર મોદી સ્ટેડિયમમાં સન્માનિત કરશે. BCCIના સચિવ જય શાહે ટ્વીટ કરી કે, ‘ખૂબ ખુશી સાથે એ શેર કરી રહ્યું છું કે, ભારત રત્ન સચિન તેંદુલકર અને BCCIના પદાધિકારી ભારતની વિજેતા અંડર-19 ટીમને 1 ફેબ્રુઆરીના રોજ નરેન્દ્ર મોદી સ્ટેડિયમમાં સાંજે 6:30 વાગ્યે સન્માનિત કરશે. યુવા ક્રિકેટરોએ ભારતને ગૌરવાન્વિત કર્યું છે અને અમે તેમની ઉપલબ્ધીઓનું સન્માન કરીશું.’

It is with great delight I share that Bharat Ratna Shri @sachin_rt and @BCCI Office Bearers will felicitate the victorious India U19 team on Feb 1st in Narendra Modi Stadium at 6:30 PM IST. The young cricketers have made India proud and we will honour their achievements.

— Jay Shah (@JayShah) January 30, 2023

આ અગાઉ BCCI સચિવ જય શાહે મહિલા અંડર-19 T20 વર્લ્ડ કપમાં ટ્રોફી જીતનારી ટીમે 5 કરોડ રૂપિયા પુરસ્કાર આપવાની જાહેરાત કરી હતી. જય શાહે ટાઇટલી જીત બાદ ટ્વીટ કર્યું કે, ‘ભારતમાં મહિલા ક્રિકેટ આગળ વધી રહી છે અને વર્લ્ડ કપ જીતે મહિલા ક્રિકેટના કદને ઘણા પગલાં આગળ વધાર્યું છે. મને આખી ટીમ અને સહયોગી સ્ટાફ માટે પુરસ્કારના રૂપમાં 5 કરોડ રૂપિયાની જાહેરાત કરતા ખુશી થઇ રહી છે.

Women’s Cricket in India is on the upswing and the World Cup triumph has taken the stature of women’s cricket several notches higher. I am delighted to announce INR 5 crore for the entire team and support staff as prize money. This is surely a path-breaking year.

— Jay Shah (@JayShah) January 29, 2023

આ નિશ્ચિત રૂપે શાનદાર વર્ષે છે.’ તેમણે બિધવારે આખી ટીમને અમદાવાદ આપવાનું આમંત્રણ પણ આપ્યું છે. તેમણે કહ્યું કે, હું શેફાલી વર્મા અને તેની વિજયી ટીમને અમદાવાદના નરેન્દ્ર મોદી સ્ટેડિયમમાં અમારી સાથે જોડાવા અને એક ફેબ્રુઆરીના રોજ ત્રીજી T20 ઇન્ટરનેશનલ જોવા માટે આમંત્રિત કરું છું. આ મોટી ઉપલબ્ધિ નિશ્ચિત રૂપે એક સેલિબ્રેશની હકદાર છે.

I invite @TheShafaliVerma and her victorious team to join us at the Narendra Modi Stadium, Ahmedabad and witness the third T20I on 1st February. This humongous achievement surely calls for a celebration.@BCCI @BCCIWomen

— Jay Shah (@JayShah) January 29, 2023

મેચની વાત કરીએ તો ભારતીય મહિલા ક્રિકેટ ટીમે ટોસ જીતીને પહેલા બોલિંગ કરવાનો નિર્ણય લીધો હતો. ઇંગ્લિશ મહિલા અંડર-19 ટીમે પહેલા બેટિંગ કરતા 17.1 ઓવરમાં 68 રનના સ્કોર પર જ ઢેર થઇ ગઇ હતી. ઇંગ્લેન્ડની મહિલા ટીમ તરફથી સૌથી વધુ રન રીયાના મેકડોનાલ્ડે (19) બનાવ્યા હતા. એ સિવાય સોફિયા (11) અને હોલેન્ડ (10) જ ડબલ ડિજિટના આંકડા સુધી પહોંચી શકી. બાકી કોઇ પણ ઇંગ્લિશ મહિલા ખેલાડી ડબલ ડિજિટના આંકડા સુધી પણ ન પહોંચી શકી.

ભારત તરફથી બોલિંગ કરતા ટી. સાધુ, અર્ચના દેવી અને પાર્શ્વી ચોપરાએ 2-2 વિકેટ લીધી જ્યારે મન્નત કશ્યપ, શેફાલી વર્મા અને સોનમ કપૂરને 1-1 વિકેટ મળી. તો એક ખેલાડી જોશી ગ્રોવ્સ રનઆઉટ થઇ હતી. 69 રનનો પીછો કરવા ઉતરેલી ભારતીય મહિલા ક્રિકેટ ટીમે 14 ઓવરમાં 3 વિકેટ ગુમાવીને આ લક્ષ્ય હાંસલ કરી લીધું હતું.