જાડેજા અને સ્ટીવ સ્મિથ મેચ દરમિયાન ટકરાયા, જુઓ વીડિયો

PC: twitter.com/NitinKu29561598

દિલ્હીના મેદાન પર ભારત અને ઓસ્ટ્રેલિયા વચ્ચે બીજી ટેસ્ટ મેચ રમાઈ રહી છે. ઓસ્ટ્રેલિયાએ પહેલી ઇનિંગમાં 263 રન બનાવ્યા છે. ભારતીય ટીમે બીજા દિવસે બેટિંગ કરતા ટી બ્રેક સુધીમાં 7 વિકેટ ગુમાવીને 179 રન બનાવી લીધા હતા. ટી બ્રેક સુધીમાં અક્ષર પટેલ (28) અને રવિચંદ્રન અશ્વિન (11) રન બનાવીને બેટિંગ કરી રહ્યા હતા. બીજી ટેસ્ટ મેચની પહેલી ઇનિંગમાં ભારતીય ટીમની હાલત કફોળી નજરે પડી રહી છે. તો મેચ દરમિયાન એક વખત સ્ટીવ સ્મિથ અને રવીન્દ્ર જાડેજા વચ્ચે ટક્કર થઈ ગઈ હતી. જેનો વીડિયો સોશિયલ મીડિયા પર વાયરલ થઈ રહ્યો છે.

ભારતીય ટીમના સ્ટાર ઓલરાઉન્ડર રવીન્દ્ર જાડેજાએ ખૂબ લાંબા સમય બાદ ભારતીય ટીમમાં જોરદાર કમબેક કર્યું છે. તેણે નાગપુર ટેસ્ટમાં ઓસ્ટ્રેલિયન બેટ્સમેનો હોશ ઉડાવી દીધા હતા. તો રવીન્દ્ર જાડેજા દિલ્હીમાં રમાઈ રહેલી બીજી મેચમાં પણ સારા લયમાં નજરે પડી રહ્યો છે. તેણે બોલિંગ કરતા 3 વિકેટ પોતાના નામે કરી છે. જ્યારે બેટિંગ પણ સારા લયમાં નજરે  પડી રહ્યો હતો. રવીન્દ્ર જાડેજા 26 રન બનાવીને ટોડ મર્ફીનો શિકાર થઈ ગયો. આ મેચ દરમિયાન એક દિલ જીતનારો નજારો જોવા મળ્યો.

થયું કંઇક એવું હતું કે રવીન્દ્ર જાડેજા ટોડ મર્ફીની ઓવરમાં રન લેવા માટે વિકેટો વચ્ચેથી દોડી રહ્યો હતો, પરંતુ સ્પીડ હોવાના કારણે પોતાની જાતને રોકી શકતો નથી અને સ્લીપમાં ઊભા ઓસ્ટ્રેલિયન ખેલાડી સ્ટીવ સ્મિથ સાથે ટકરાઇ જાય છે. આ દરમિયાન બંને ખેલાડી એક બીજાને ગળે લગાવતા નજરે પડે છે. ત્યારબાદ આ નજારો કેમેરામાં કેદ થઈ જાય છે. હવે આ સુંદર વીડિયો સોશિયલ મીડિયા પર વાયરલ થઈ રહ્યો છે. બીજી ટેસ્ટ મેચની વાત કરીએ તો પહેલા બેટિંગ કરતા ઓસ્ટ્રેલિયન ટીમે 263 રન બનાવ્યા છે.

ભારત તરફથી બોલિંગ કરતા સૌથી વધુ વિકેટ મોહમ્મદ શમીને (4 વિકેટ) મળી છે, જ્યારે રવિચંદ્રન અશ્વિન અને રવીન્દ્ર જાડેજાને 3-3 વિકેટ મળી છે. તેના જવાબમાં ભારતીય ટીમે પહેલી ઇનિંગમાં ટી બ્રેક સુધીમાં 7 વિકેટ ગુમાવીને 179 રન બનાવી લીધા છે. ભારત તરફથી અત્યાર સુધી પહેલી ઇનિંગમાં વિરાટ કોહલીએ સૌથી વધુ 44 રન બનાવ્યા છે, જ્યારે કેપ્ટ રોહિત શર્માએ 32 રન બનાવ્યા છે. ઓસ્ટ્રેલિયા તરફથી બેટિંગ કરતા નાથન લાયનને સૌથી વધુ 5 વિકેટ મળી છે અને મેથ્યૂ કુહ્નેમેન અને ટોડ મર્ફીને 1-1 વિકેટ મળી છે.

બીજી ટેસ્ટ મેચમાં ભારતની પ્લેઇંગ ઇલેવન:

રોહિત શર્મા (કેપ્ટન), કે.એલ. રાહુલ, ચેતેશ્વર પૂજારા, વિરાટ કોહલી, શ્રેયસ ઐય્યર, રવીન્દ્ર જાડેજા, શ્રીકર ભરત, અક્ષર પટેલ, રવિચંદ્રન અશ્વિન, મોહમ્મદ શમી અને મોહમ્મદ સિરાજ.

બીજી ટેસ્ટમાં ઓસ્ટ્રેલિયન પ્લેઇંગ ઇલેવન:

ડેવિડ વોર્નર, ઉસ્માન ખ્વાજા, માર્નસ લાબુસેન, સ્ટીવ સ્મિથ, ટ્રેવિસ હેડ, પીટર હેન્ડ્સકોમ્બ, એલેક્સ કેરી, પેટ કમિન્સ (કેપ્ટન), ટોડ મર્ફી, નાથન લાયન, મેથ્યુ કુહ્નેમેન.

  

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp