બાળપણમાં પિતાને ગુમાવ્યા, હવે 18 વર્ષની ઉંમરે ભારતને વર્લ્ડ કપ જીતાડ્યો

PC: twitter.com

ભારતે અંડર-19 મહિલા T20 વર્લ્ડ કપનું ટાઇટલ જીત્યું. આ ટૂર્નામેન્ટમાં ટીમ ઈન્ડિયા વતી એક ખેલાડી પણ રમી રહી હતી, જેણે નાનપણમાં જ પોતાના પિતાને ગુમાવી દીધા હતા અને તેના ભાઈનું પણ સાપ કરડવાથી મોત થઈ ગયું હતું. જાણો આ મુશ્કેલીઓ બાદ પણ તે અહી સુધી કેવી રીતે પહોંચી..

ભારતે અંડર-19 મહિલા T20 વર્લ્ડ કપ 2023નો ખિતાબ જીત્યો છે. આ ટુર્નામેન્ટની ફાઈનલ મેચ ઈંગ્લેન્ડ અને ભારતની ટીમો વચ્ચે રમાઈ હતી, જેને ટીમ ઈન્ડિયાએ એકતરફી જીતી લીધી હતી. આ વર્લ્ડ કપમાં 18 વર્ષની એક ખેલાડીએ ટીમ ઈન્ડિયા માટે શાનદાર પ્રદર્શન કર્યું હતું. આ ખેલાડીનું જીવન ઘણું સંઘર્ષમય રહ્યું છે. તેણીએ બાળપણમાં તેના પિતાને ગુમાવ્યા હતા અને સાપના ડંખને કારણે તેના ભાઈનું પણ મૃત્યુ થયું હતું, પરંતુ તે વિશ્વ ચેમ્પિયન ખેલાડી બનવામાં સફળ રહી છે.

ટીમ ઈન્ડિયાની સ્કવોડમાં સામેલ અર્ચના દેવીનું જીવન સંઘર્ષમય રહ્યું છે. ફાઈનલ મેચમાં અર્ચના દેવીએ શાનદાર પ્રદર્શન કર્યું હતું. તેણે 3 ઓવર બોલિંગ દરમિયાન માત્ર 17 રન જ આપ્યા અને 2 વિકેટ પોતાના નામે કરી. અર્ચના દેવીએ આ ટુર્નામેન્ટમાં ભારત માટે ઘણા મેચ વિનિંગ સ્પેલ ફેંક્યા હતા.

અર્ચના દેવીએ વર્ષ 2007માં જ પોતાના પિતાને ગુમાવ્યા હતા. તો 6 વર્ષ પહેલા જ તેના નાના ભાઈનું પણ અવસાન થયું હતું. તેનો નાનો ભાઈ સાપ કરડવાથી મૃત્યુ પામ્યો હતો. આટલી મુશ્કેલીઓ બાદ આજે અર્ચના દેવીના ઘરમાં ખુશીઓ આવી છે.

અર્ચનાની માતાએ ધ ઈન્ડિયન એક્સપ્રેસ સાથેની વાતચીતમાં કહ્યું, 'મેં મારા 1 એકરના ખેતરમાં કામ કર્યું અને જીવવા માટે મારી બે ગાયનું દૂધ વેચ્યું. લોકો મને ટોણા મારતા હતા કારણ કે મેં અર્ચનાને ઘરથી દૂર ગંજ મુરાદાબાદની કસ્તુરબા ગાંધી બાલિકા વિદ્યાલયની હોસ્ટેલમાં રહેવા મોકલી હતી. ત્યાં પ્રવેશ મેળવતા પહેલા રોજનું 30 રૂપિયાનું બસ ભાડું પણ મુશ્કેલીથી મેનેજ થતું હતું.

આ ફાઈનલ મેચમાં ભારતે ઈંગ્લેન્ડની ટીમને 17.1 ઓવરમાં 68 રનના સ્કોર પર પાડી દીધી હતી. ભારત તરફથી અર્ચના દેવી, પાર્શ્વી ચોપરા અને તિતાસ સાધુએ 2-2 વિકેટ લીધી છે. મન્નત કશ્યપ, સોનમ યાદવ અને શેફાલી વર્માને એક-એક વિકેટ મળી હતી. ભારતીય અંડર-19 મહિલા ટીમે આ લક્ષ્યાંક 14 ઓવરમાં 3 વિકેટના નુકસાને હાંસલ કરી લીધો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp