માઈકલ વોન કોહલી પર કમેન્ટ કરતા ફસાયો, વસીમ જાફરે પણ મજા લીધી

T20 વર્લ્ડ કપ 2022નો ખિતાબ જીત્યા બાદ ઇંગ્લેન્ડની ટીમને આગામી T20 શ્રેણીમાં ખરાબ હારનો સામનો કરવો પડ્યો હતો. આ હાર બીજા કોઈએ નહીં, પરંતુ બાંગ્લાદેશ ક્રિકેટ ટીમે તેમને પોતાના ઘર આંગણે બોલાવીને આપી હતી. એટલે કે બાંગ્લાદેશે વર્લ્ડ ચેમ્પિયન ઈંગ્લેન્ડને તેના ઘરઆંગણે 3-0થી ક્લીન સ્વીપ કર્યું છે.

આ સીરીઝમાં ખરાબ રીતે હાર્યા બાદ હવે ઈંગ્લેન્ડની ટીમ ટ્રોલ્સના નિશાના પર આવી ગઈ છે. આ સાથે જ ઈંગ્લેન્ડના પૂર્વ કેપ્ટન માઈકલ વોન અને પૂર્વ ભારતીય ક્રિકેટર વસીમ જાફર વચ્ચે પણ ટ્વિટર યુદ્ધ શરૂ થઈ ગયું છે.

જો માઈકલ વોનની વાત કરીએ તો, તે પોતે વિરાટ કોહલી પર ટિપ્પણી કરીને મુશ્કેલીમાં મુકાઈ ગયો છે. ઉલટાનું યુઝર્સે તેને જોરદાર ટ્રોલ કર્યો. કોહલીની ટેસ્ટ સદી બાદ માઈકલ વોને કહ્યું હતું કે, વિરાટ કોહલીને ટેસ્ટમાં ફરીથી સદી ફટકારતા જોવું સારું લાગ્યું.

વોને કહ્યું કે વિરાટ કોહલીની બેટિંગ જોઈને સારું લાગે છે. 12 માર્ચે કરવામાં આવેલ આ ટ્વિટ હવે વાયરલ થઈ રહી છે. આના પર યુઝર્સે પૂર્વ ઇંગ્લિશ કેપ્ટનને જોરદાર ટ્રોલ કર્યો અને તેને વર્લ્ડ ચેમ્પિયન વિશે ટ્વીટ કરવાનું કહ્યું, કે જેઓ બાંગ્લાદેશમાં 0-3થી હારી ગયા છે.

અન્ય એક યુઝરે લખ્યું, ઈંગ્લેન્ડે માત્ર ભારતીય ટીમને ફોલો કરી (વર્લ્ડ કપના કિસ્સામાં) છે. ટીમ ઈન્ડિયા 2 ODI વર્લ્ડ કપ અને એક T20 વર્લ્ડ કપ જીતી ચૂકી છે. જ્યારે તમને બાઉન્ડ્રી કાઉન્ટના નિયમ દ્વારા 4 વર્ષ પહેલાં તમારું પ્રથમ ટાઇટલ મળ્યું હતું.

Its England who followed the suit of India. India aldready had 2 ODI wc and a t20 wc before "game inventers" got their first one on "boundary count" just about 4 years ago 🤣🤗

— Ravi Kiran (@crravikiran) March 15, 2023

હવે વારો હતો વસીમ જાફરનો, જેણે માઈકલ વોન અને ઈંગ્લેન્ડને ટ્રોલ કર્યા અને બાંગ્લાદેશની જર્સીમાં પોતાનો એક ફોટો શેર કર્યો. મજાક લેતા, જાફરે ટ્વીટમાં માઈકલ વોનને પણ ટેગ કર્યો અને પૂછ્યું કે, તે ઘણા સમયથી જોવા નથી મળ્યો.

Hello @MichaelVaughan, long time no see 😏 #BANvENG pic.twitter.com/3nimzfuHOw

— Wasim Jaffer (@WasimJaffer14) March 14, 2023

અહીં તમને જણાવી દઈએ કે, ગત વર્ષે T20 વર્લ્ડ કપ જીત્યા બાદ જોસ બટલરની કેપ્ટનશીપવાળી ઈંગ્લેન્ડની ટીમ બાંગ્લાદેશ પ્રવાસ પર જ તેની પ્રથમ T20 સિરીઝ રમી છે. આ સિરીઝમાં શાકિબ અલ હસનના નેતૃત્વમાં બાંગ્લાદેશે 3-0થી તેમને ક્લીન સ્વીપ કર્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.