સૂર્યકુમાર યાદવ સાથે તુલના કરવા પર ભડક્યો પાકિસ્તાનનો આ યંગ બેટ્સમેન

ICC મેન્સ ઈમર્જિંગ એશિયા કપ 2023ની અંતિમ લીગ મેચ 19 જુલાઈના રોજ ભારત A અને પાકિસ્તાન Aની વચ્ચે રમાવા જઇ રહી છે. આ મેચ પહેલા પાકિસ્તાન A ટીમના યુવા બેટ્સમેન અને કેપ્ટને એક મોટું નિવેદન આપ્યું છે.

પાકિસ્તાન A ટીમે નેપાળ અને UAE સામે પહેલી બે મેચ જીતીને સેમીફાઈનલમાં પોતાની જગ્યા બનાવી લીધી હતી. તો ભારતીય A ટીમ પણ બે મેચમાં જીત હાંસલ કરીને સેમીફાઈનલમાં પહોંચી ગઇ છે. એવામાં ભારત A અને પાકિસ્તાન Aની મેચ પહેલા પાકિસ્તાન ટીમના યુવા કેપ્ટન મોહમ્મદ હારિસે ભારતીય ટીમના મિડલ ઓર્ડર બેટ્સમેન સૂર્યકુમાર યાદવને લઈ મોટું નિવેદન આપ્યું છે.

જણાવીએ કે, હારિસે અત્યાર સુધીમાં મેદાન પર એવા ઘણાં શોટ્સ રમ્યા છે, તેને જોઈ કોઈપણ તેને મિસ્ટર 360 ડિગ્રી અને સૂર્યકુમાર યાદવ સાથે તુલના કરી રહ્યા છે. જે હારિસને પસંદ આવ્યું નથી.

એક ઈન્ટરવ્યૂમાં મોહમ્મદ હારિસે પોતાની બેટિંગ શૈલી અને તે કઈ રીતે રમે છે તેના પર પ્રતિક્રિયા આપી. તેને જ્યારે એ પૂછવામાં આવ્યું કે, ભારતના ટી20 સુપરસ્ટાર સૂર્યકુમાર યાદવ સાથે તુલના કરતા તેને પાકિસ્તાનનો 'સૂર્ય' કહેવામાં આવે છે. તો તેના પર હારિસે કહ્યું કે, મારી તુલના સૂર્યા સાથે કરવી જોઇએ નહીં. સૂર્યકુમાર યાદવ 32-33 વર્ષનો છે અને હું 22 વર્ષનો છું. તેમના લેવલ સુધી પહોંચવા માટે મારે હજુ ઘણું કામ કરવાનું રહેશે. સૂર્યાનું પોતાનું અલગ લેવલ છે. ડિવિલિયર્સનું પોતાનું લેવલ છે. હું મારા લેવલ પર બરાબર છું. હું 360 ડિગ્રી ક્રિકેટર તરીકે પોતાનું નામ બનાવવા માગુ છું. નહીં કે તેના નામનો ઉપયોગ કરવા માગું છું. જણાવીએ કે, મોહમ્મદ હારિસને 360 ડિગ્રી ખેલાડી તરીકે ઓળખવામાં આવે છે.

Hello from Colombo 👋

Gearing up for a massive clash ahead ⏳

It's time for India 'A' 🆚 Pakistan 'A' 👌🏻

Are you ready❓ #ACCMensEmergingTeamsAsiaCup | #ACC pic.twitter.com/embYDScN6X

— BCCI (@BCCI) July 19, 2023

ખેર, આ ટૂર્નામેન્ટની વાત કરીએ તો, ભારત-A ની કેપ્ટન્સી યશ ઢુલ કરી રહ્યો છે. જે સારા ફોર્મમાં ચાલી રહ્યો છે. તે આ ટૂર્નામેન્ટમાં સદી પણ ફટકારી ચૂક્યો છે. ભારત A અને પાકિસ્તાન A વચ્ચેની આ મેચ 19 જૂલાઈના રોજ રમાશે. જે કોલંબોના પ્રેમદાસા સ્ટેડિયમમાં રમાશે. ભારતીય સમય અનુસાર મેચ બપોરે 2 વાગ્યે શરૂ થશે. જેને સ્ટાર સ્પોર્ટ્સ પર જોઇ શકાશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.