તે રાત્રે મેં ધોનીને પહેલીવાર રડતા જોયો હતો, હરભજને સંભળાવ્યો કિસ્સો
ચેન્નઈ સુપર કિંગ્સનો હિસ્સો રહી ચુકેલા પૂર્વ ભારતીય ઓપનર હરભજન સિંહનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. સિંહે 2018ની એક એવી સ્ટોરી યાદ કરી જ્યારે તેણે મહેન્દ્ર સિંહ ધોનીને પહેલીવાર રડતા જોયો. ત્રણ વર્ષ માટે ચેન્નઈ સુપર કિંગ્સમાં ધોનીની સાથે રમનારા હરભજન સિંહે કહ્યું કે, CSKના બે વર્ષના પ્રતિબંધ બાદ જ્યારે ફરી ટીમની IPLમાં વાપસી થઈ તો તેણે એમએસ ધોનીને રાત્રે ડિનરમાં રડતા જોયો. વિકેટકીપર-બેટ્સમેન ધોનીએ પોતાના IPL કરિયરની શરૂઆત CSK સાથે કરી હતી. પરંતુ, વર્ષ 2015માં થયેલા સ્પોટ ફિક્સિંગને પગલે 2016 અને 2017ની સિઝન માટે CSK પર પ્રતિબંધ લગાવ્યા બાદ તે થોડી સિઝન માટે રાઇઝિંગ પુણે સુપરજાયન્ટ્સમાં સામેલ થઈ ગયો.
અનુભવી સ્પિનરે 2018નો કિસ્સો શેર કરતા કહ્યું કે, ધોની ટીમ ડિનર દરમિયાન ખૂબ જ ભાવુક થઈ ગયો કારણ કે, તેને CSK સાથે ખૂબ જ પ્રેમ છે. ભજ્જીએ કહ્યું કે, ધોની ટીમના ઘણા અન્ય ખેલાડીઓની સામે પોતાના ઇમોશન્સ પર કાબૂ ના કરી શક્યો. તે સમયે ધોની ટીમના ઘણા ખેલાડીઓથી ઘેરાયેલો હતો, પરંતુ પોતાના આંસુ ના રોકી શક્યો અને રડવા માંડ્યો.
સ્ટાર સ્પોર્ટ્સ પર કમેન્ટ્રી કરી રહેલા હરભજને કહ્યું, એક કહાની છે જેને હું શેર કરવા માંગુ છું. 2018માં જ્યારે CSKએ બે વર્ષ માટે બેન બાદ IPL લીગમાં કમબેક કર્યું હતું, ત્યારે ટીમ ડિનર થયુ હતું. મેં એવી કહેવત સાંભળી છે કે પુરુષો ક્યારેય રડતા નથી. પરંતુ, એમએસ ધોની તે રાત્રે રડ્યો હતો. તે ભાવુક થઈ ગયો હતો. મને લાગે છે કે, આ અંગે ઇમરાન તાહિર ઉપરાંત કોઈ નથી જાણતું. એ જ પેનલ ચર્ચા દરમિયાન CSKના એક અન્ય પૂર્વ સ્ટાર ઇમરાન તાહિરે કહ્યું કે, ધોની ટીમને એક પરિવારના રૂપમાં માને છે અને તે તમામ ખેલાડીઓ માટે ખૂબ જ ભાવુક ક્ષણ હતી.
વીડિયોમાં ચેન્નાઈ સુપર કિંગ્સના પૂર્વ ખેલાડી ઇમરાન તાહિરે કહ્યું કે, IPL 2018માં ચેન્નાઈ સુપર કિંગ્સનું કમબેક થયુ. જણાવી દઈએ કે, CSK IPL 2016 અને 2018નો હિસ્સો નહોતી. તે સમયે ચેન્નાઈ પર બેન લાગ્યો હતો. IPL 2018માં ટીમ ડિનરના સમયે મેં જે જોયુ, તેના પર મને વિશ્વાસ ના થયો. તે દિવસે મેં મહેન્દ્ર સિંહ ધોનીને રડતા જોયો. તે ખૂબ જ ઇમોશનલ થઈ ગયો હતો.
સોશિયલ મીડિયા પર હરભજન સિંહ અને ઇમરાન તાહિરનો આ વીડિયો ખૂબ જ ઝડપથી વાયરલ થઈ રહ્યો છે. જણાવી દઈએ કે, ધોની ભલે રાંચીનો રહેવાસી છે પરંતુ, ચેન્નઈના ફેન્સ તેને પોતાનો બધુ જ માને છે. તેની એક ઝલક મેળવવા માટે CSK ફેન્સ કલાકો સુધી રાહ જોતા રહે છે. ધોની 2008થી જ CSKની કમાન સંભાળી રહ્યો છે. તેણે 4 વાર ટીમને IPL ટ્રોફી જીતાડી છે. આ સિઝનમાં પણ CSK પ્લેઓફમાં એન્ટ્રી કરી ચુકી છે અને IPL 2023ની ટ્રોફીની પ્રબળ દાવેદાર માનવામાં આવી રહી છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
