સર્જરી બાદ કેવું છે મિસ્ટર કુલનું સ્વાસ્થ્ય, જાણો ક્યારે મળશે હૉસ્પિટલમાંથી રજા

ભારતીય ટીમના પૂર્વ કેપ્ટન અને ઇન્ડિયન પ્રીમિયર લીગ (IPL) ફ્રેન્ચાઇઝી ચેન્નાઈ સુપર કિંગ્સ (CSK)નો કેપ્ટન કુલ, થાલા મહેન્દ્ર સિંહ ધોનીના ડાબા ઘૂંટણની સફળ સર્જરી મુંબઈની એક હૉસ્પિટલમાં થઈ. ચેન્નાઈ સુપર કિંગ્સને પાંચમી ટ્રોફી અપાવનારા મહેન્દ્ર સિંહ ધોની ફાઇનલ બાદ અમદાવાદથી સીધો મુંબઈ પહોંચ્યો હતો. તેણે જાણીતા સ્પોર્ટ્સ ઓર્થોપેડિક સર્જન ડૉક્ટર દિનશો પર્દીવાળા પાસેથી સલાહ લીધી, જે ભારતીય ક્રિકેટ કંટ્રોલ બોર્ડ (BCCI)નની મેડિકલ પેનલમાં પણ છે.

તેઓ રિષભ પંત સહિત ઘણા ભારતીય ક્રિકેટરોની સર્જરી કરી ચૂક્યા છે. ચેન્નાઈ સુપર કિંગ્સના નજીકના જાણકારે જણાવ્યું કે, “મહેન્દ્ર સિંહ ધોનીની કોકિલાબેન ધીરુભાઈ અંબાણી હૉસ્પિટલમાં ઘૂંટણની સફળ સર્જરી થઇ છે. તે સારો છે અને એક કે બે દિવસમાં તેને રજા મળી જશે, તે થોડા દિવસ આરામ કરશે, ત્યારબાદ તેનું રિહેબિલિટેશ શરૂ થશે. આશા છે કે આગામી IPL અગાઉ તેમની પાસે ફિટ થવાનો પૂરો સમય હશે.” મહેન્દ્ર સિંહ ધોનીએ ફાઇનલ મેચ બાદ કહ્યું હતું કે, મારું શરીર સાથ આપે છે તો હું રમીશ. ચેન્નાઇના ફેન્સે જે પ્રકારે મને પ્રેમ આપ્યો છે, તે તેમના માટે મારી ભેટ હશે કે હું વધુ એક સીઝન રમુ. તેમણે જે પ્રેમ અને ઝનૂન દેખાડ્યા છે, મને પણ તેમના માટે કંઈક કરવું જોઈએ.

ચેન્નાઈ સુપર કિંગ્સે IPLમાં પાંચમી વખત ટ્રોફી જીતી છે. તેણે ડિફેન્ડિંગ ચેમ્પિયન ગુજરાત ટાઈટન્સને હરાવીને ચેન્નાઈ સુપર કિંગ્સે પાંચમી વખત ટ્રોફી પોતાના નામે કરી છે. કાશી વિશ્વનાથે મહેન્દ્ર સિંહ ધોનીના આગામી સીઝનમા રમવાનો નિર્ણય અને આ પ્રકારે મિની ઓક્શનમાં ટીમ પાસે વધારાના 15 કરોડ રૂપિયા હોવાના એક સવાલ પર કહ્યું હતું કે, સાચું કહું તો અમે એ દિશામાં વિચારી પણ રહ્યા નથી કેમ કે અમે અત્યારે એ સ્થિતિમાં પહોંચ્યા નથી. તે પૂરી રીતે ધોનીનો નિર્ણય હશે, પરંતુ હું તમને ચેન્નાઈ સુપર કિંગ્સના વિચાર બાબતે બતાવી શકું છું કે અમે આ બાબતે કંઈ વિચાર્યું નથી.

IPLની પાંચમી ટ્રોફી જીત્યા બાદ ફ્રેન્ચાઇઝન માલિક એન. શ્રીનિવાસના સંબોધન અને ટીમના સેલિબ્રેશન મનાવવાની યોજના પર પૂછવામાં આવતા તેમણે કહ્યું કે, શ્રીનિવાસન આ સફળતાથી ખૂબ ખુશ છે, પરંતુ કોઈ સેલિબ્રેશન નહીં થાય. ખેલાડી અમદાવાદથી જ પોતાના આગામી પડાવ માટે નીકળી ગયા. આમ પણ જો તમે ચેન્નાઈને જુઓ તો અમે ક્યારેય મોટા સ્તર પર સેલિબ્રેશન મનાવતા નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.