Notifications

Favourite List

RCBના ફેન્સની શરમજનક હરકત, ગિલને મોતની ધમકી, બહેનને મળી રહી છે ગાળો

22 May, 2023
04:15 PM
PC: BCCI

ઇન્ડિયન પ્રીમિયર લીગ (IPL)ની અંતિમ લીગ મેચમાં ગુજરાત ટાઈટન્સ (GT)એ રોયલ ચેલેન્જર્સ બેંગ્લોર (RCB)ને 6 વિકેટે હરાવીને પ્લેઓફમાં પહોંચવાના સપના પર પાણી ફેરવી નાખ્યું. રોયલ ચેલેન્જર્સ બેંગ્લોર IPLની પ્લેઓફથી બહાર થતા જ તેના ફેન્સે શુભમન ગિલ અને તેની બહેન શાહનીલને જીવથી મારવાની ધમકી આપી.

શુભમન ગિલની બહેનને ઇન્સ્ટ પર રોયલ ચેલેન્જર્સ બેંગ્લોરના ફેન્સ ગાળો આપી રહ્યા છે. રવિવારે ચેન્નાસ્વામી સ્ટેડિયમમાં રમાયેલી એક નજીકની મેચમાં રોયલ ચેલેન્જર્સ બેંગ્લોરને ગુજરાત ટાઈટન્સે હટાવી દીધી.

વિરાટ કોહલીના શાનદાર પ્રદર્શન છતા, શુભમન ગિલની 104 રનોની ઇનિંગથી ગુજરાત ટાઈટન્સ જીતી ગઈ. રોયલ ચેલેન્જર્સ બેંગ્લોર તરફથી વિરાટ કોહલીએ પણ સદી લગાવી હતી અને રોયલ ચેલેન્જર્સ બેંગ્લોરે તેની મદદથી સીમિત 20 ઓવરમાં 5 વિકેટ ગુમાવીને 197 રન બનાવ્યા હતા. 198 રનનો પીછો કરવા ઉતરેલી ગુજરાત ટાઈટન્સની ટીમે 19.1 ઓવરમાં ટીમને જીત અપાવી દીધી.

મેચના પરિણામથી નિરાશ થઈને રોયલ ચેલેન્જર્સ બેંગ્લોરના કેટલાક ફેન્સે સોશિયલ મીડિયા પર શુભમન ગિલ અને તેની બહેનને ટ્રોલ કરી. સોશિયલ મીડિયા પર શુભમન ગિલ અને તેની બહેનને ગાળો આપવા લાગ્યા. તેમાંથી કેટલાકે જીવથી કરવા અને બળાત્કાર કરવાની ધમકી પણ આપી નાખી છે.

એક ટ્વીટર યુઝર (@vamosvirat)એ એક સળગેલી કારની તસવીર પોસ્ટ કરી અને લખ્યું કે, સારું હોત જો આ કાર શુભમન ગિલ ચલાવી રહ્યો હોત અને તેને હૉસ્પિટલમાં પહોંચાડવા માટે કોઈ ન હોત.’

બેંગ્લોરના એક ફેને કહ્યું કે, આ દિવસને યાદ રાખજો, તમારા જીવનમાં જો કંઈ પણ ખોટું થયું તો તે મારા કારણે થશે કેમ કે મેં તમને શ્રાપ આપ્યો છે. શુભમન ગિલની બહેન શાહનીલની એક ઇન્સ્ટાગ્રામ પોસ્ટ પર કેટલાક ફેન્સે ઊંધી-ચત્તી કમેન્ટ કરે છે.

 
 
 
View this post on Instagram

A post shared by Shahneel Gill (@shahneelgill)

ગિલની બહેને મેચની કેટલીક તસવીર ઇન્સ્ટાગ્રામ પર શેર કરતા લખ્યું કે, ‘What a Wholesum day.’ કેટલાક ફેન્સે પોસ્ટ પર શાહનીલ અને શુભમન બંને માટે અભદ્ર ટિપ્પણી કરી છે. ટ્વીટ યુઝર @gayale_vishnuએ શુભમન ગિલના મોતની દુવા માગી છે. RCB ફેને એમ પણ કહ્યું કે, જો તેની ID સસ્પેન્ડ થઈ જાય છે તો પણ તેને કોઈ ફેર પડતો નથી.

સોશિયલ મીડિયા પર ઘણા લોકોએ શુભમન ગિલ અને તેની બહેનનો બચાવ પણ કર્યો છે. ગિલ અને તેની બહેન માટે અભદ્ર કમેન્ટ જોઈને ઘણા ફેન્સએ ટ્વીટર પર ગાળો આપનાર લોકોને ફટકાર લગાવી છે.

એક યુઝરે લખ્યું કે, જુઓ શુભમન ગિલ અને તેની બહેન માટે શું શું ટ્વીટ્સ કરવામાં આવી રહી છે. યાર એટલે મને નફરત થઈ ગઈ છે. એક યુઝરે લખ્યું કે, આ કોઈ ફેન્સ નથી, તેમણે બસ કોઈક રીતે સાવધાન રહેવું જોઈએ. એક યુઝરે લખ્યું કે, ગિલ અને તેના પરિવાર (ખાસ કરીને તેની બહેન)ને ગાળો આપનાર આ બધા કોહલીના બીમાર ફેન્સ છે. ગિલ ભારતીય ક્રિકેટના ભવિષ્યનો સુપરસ્ટાર છે.

એક યુઝરે લખ્યું કે, આ બધા કારણ છે કે મને RCBના ફેન્સ બેઝથી નફરત છે. આશા રાખું છું કે ક્યારેય ટ્રોફી ન જીતી શકે. ગિલને ગાળો આપવી અને તેની બહેન પર પણ ગંદી કમેન્ટ્સ કરવી, એકદમ ખોટું છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp