કેપ્ટન રોહિત શર્માએ જણાવ્યો મેચનો ટર્નિંગ પોઇન્ટ, 4 ખેલાડીઓના કર્યા ભરપેટ વખાણ

ભારતીય ટીમના કેપ્ટન રોહિત શર્માએ દિલ્હી ટેસ્ટમાં મળેલી જીત બાદ બોલરોના વખાણ તો કર્યા જ સાથે જ તેણે આ મેચનો ટર્નિંગ પોઇન્ટ પણ બનાવ્યો છે. બોર્ડર-ગાવસ્કર ટ્રોફીની બીજી ટેસ્ટ મેચમાં ભારતીય ટીમે ઓસ્ટ્રેલિયન ટીમને 6 વિકેટથી હરાવીને સીરિઝમાં 2-0થી લીડ હાંસલ કરી લીધી છે. આ ટેસ્ટ મેચના 2 દિવસ સુધી ઓસ્ટ્રેલિયન પક્ષ ભારે રહ્યો, પરંતુ ત્રીજા દિવસે ભારતીય બોલરોએ બધાને હેરાન કરતા શાનદાર બોલિંગ કરી અને મહેમાન ટીમને 113 રનો પર જ સમેટી દીધી.

બોલરો સિવાય આ મેચનો ટર્નિંગ પોઇન્ટ ભારતીય બેટિંગમાં પણ દેખાયો. જેના પર રોહિત શર્માએ પોતાના વિચાર રાખ્યા છે. મેચ સમાપ્ત થયા બાદ રોહિત શર્માને ગેમ ચેન્જિંગ મોમેન્ટને લઇને સવાલ કરવામાં આવ્યો હતો, જેના પર તેણે કહ્યું કે, આ ટેસ્ટ મેચની 4 ઇનિંગમાં ઘણી બધી એવી ક્ષણ આવી, પરંતુ મને લાગ્યું કે રવીન્દ્ર જાડેજા-વિરાટ કોહલી અને અક્ષર પટેલ-રવિચંદ્રન અશ્વિન વચ્ચે થયેલી શાનદાર પાર્ટનરશિપ આ મેચનો ટર્નિંગ પોઇન્ટ સાબિત થયો.

તેણે કહ્યું કે, મને લાગે છે અમે પોતાના માટે સંતુલન બનાવ્યું છે, જેના કારણે આ એક મોટી મદદ મળી. ઓસ્ટ્રેલિયન ટીમ વિરુદ્ધ મળેલી મહત્ત્વની જીત બાદ ભારતીય ટીમના કેપ્ટન રોહિત શર્માએ મોટી પ્રતિક્રિયા આપતા બોલરોના વખાણ કર્યા. તેણે આ સંદર્ભમાં કહ્યું કે, મને લાગે છે કે બોલર શાનદાર રહ્યા. આજે સવારે 9 વિકેટ લેવી ખૂબ પ્રશંસાપાત્ર હતી. અમારે બસ સારા એરિયામાં બૉલ ફેકવાનો હતો, જેથી વિપક્ષી ટીમ ભૂલ કરે અને બરાબર એમ જ થયું. મેં જોયું કે પહેલા સેશનમાં કરવા માટે ઘણું બધુ હતું, પરંતુ જેમ-જેમ રમત આગળ વધતી ગઇ પીચ વધુ ધીમી થતી ગઇ. અમારું ધ્યાન સવારના સત્ર પર હતું અને જેમ કે આપણને ખબર છે કે આપણાં બોલર આ પ્રકારની પરિસ્થિતિમાં માસ્ટર હોય છે.

હાર બાદ કેપ્ટન પેટ કમિન્સે કહ્યું હતું કે, મને લાગ્યું કે ઇનિંગમાં 260 (263)નો સ્કોર સારો હતો, પરંતુ ભારતીય ટીમે શાનદાર બેટિંગ કરી. તમે માત્ર 1-2 સારી પાર્ટનરશિપ સાથે 260ના સ્કોર સુધી સરળતાથી પહોંચી શકો છો. પહેલી ઈંગ સુધી બધુ બરાબરી પર હતું. મને એ વાતથી ખૂબ નિરાશા થઇ કે મેચ અમારા હાથમાં હતી, પરંતુ અમે તેને ગુમાવી દીધી. અમારે એ વાતની સમીક્ષા કરવી પડશે કે અમે શું અલગ કરી શકીએ છીએ. દરેક પોતાની રમતને કંટ્રોલ કરી શકે છે. કેટલાક બૉલ પર માત્ર તમારું નામ હોય છે. અમારે બેટિંગમાં શૉટ સિલેક્શનની પણ સમીક્ષા કરવી પડશે. બંને મેચ નિરાશાજનક રહી, ખાસ કરીને બીજી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.