ભારતીય કેપ્ટન રોહિત શર્માએ રવિવારે પાકિસ્તાન સામે શાનદાર ઇનિંગ રમી હતી. અમદાવાદના નરેન્દ્ર મોદી સ્ટેડિયમમાં રમાયેલી આ હાઈ પ્રોફાઈલ વર્લ્ડ કપ મેચમાં રોહિત તેના હિટમેન અવતારમાં જોવા મળ્યો હતો. મેદાનના ખૂણે ખૂણે છગ્ગા અને ચોગ્ગા ફટકારવામાં આવી રહ્યા હતા. સ્ટેડિયમમાં હાજર ચાહકો અને TV પર મેચ જોઈ રહેલા લાખો ક્રિકેટ ચાહકોની નજર રોહિત શર્મા પર હતી, પરંતુ બોલિવૂડમાં સદીના મેગાસ્ટાર અમિતાભ બચ્ચન રોહિત શર્માની પત્ની રિતિકાને શોધી રહ્યા હતા.
અમિતાભ બચ્ચનનો ક્રિકેટ પ્રત્યેનો પ્રેમ કોઈનાથી છૂપો રહ્યો નથી. તેમણે ઘણા પ્રસંગોએ બતાવ્યું છે કે, તેમના દિલમાં ક્રિકેટ માટે કેટલો ઉત્સાહ અને જુસ્સો ધરાવે છે. અમદાવાદમાં પાકિસ્તાન સામે ભારતની જીત પછી તેમણે ટ્વીટ કર્યું હતું કે, તે મેચ દરમિયાન TV પર રિતિકા સજદેહને શોધી રહ્યા હતા.
T 4800 -
— Amitabh Bachchan (@SrBachchan) October 14, 2023
Rohit S @ImRo45 .. the victory tonight was magnanimous ; the entire Country and Stadium expressed the feel, in wild enthusiasm .. but with due respects, I always search for the face in the crowd, of your respected better half .. that happiness is the most genuine !
અમિતાભ બચ્ચને ટ્વીટ કરીને લખ્યું, 'રોહિત શર્મા, આજની જીત એકદમ શાનદાર હતી. આખા દેશ અને સ્ટેડિયમે તે અનુભવ્યું, પરંતુ હું સન્માન સાથે તમને કહેવા માંગુ છું કે, હું પ્રેક્ષકોની ભીડમાં તમારી પત્નીના ચહેરાને શોધી રહ્યો હતો. તે ચહેરા પર એક સાચી ખુશી દેખાતી હોય છે.' રિતિકા ઘણીવાર મેચ દરમિયાન તેની આંગળીઓ ક્રોસ કરીને બેસે છે. આ એક પ્રકારની તૃટકો છે, જે તે પતિ રોહિતની બેટિંગ અને ટીમની જીત માટે કરતી હોય છે.
સચિન તેંડુલકરથી લઈને વીરેન્દ્ર સેહવાગ સુધી, ક્રિકેટ જગતે ભારતીય ટીમની કટ્ટર હરીફ પાકિસ્તાન પર મોટી જીત મેળવ્યા પછી તેની પ્રશંસા કરી હતી. આ જીત પછી માસ્ટર બ્લાસ્ટર સચિન તેંડુલકરે પાકિસ્તાનના પૂર્વ ફાસ્ટ બોલર શોએબ અખ્તર પર કટાક્ષ કર્યો હતો. મેચના એક દિવસ પહેલા (શુક્રવારે) અખ્તરે તેંડુલકરના આઉટ થયાનો ફોટો શેર કર્યો હતો અને લખ્યું હતું કે, 'જો તમારે કાલે આવું જ કંઈક કરવું હોય, તો ચિત્તને શાંત રાખો.' સચિન તેંડુલકરે શનિવારે તેનો જવાબ આપ્યો અને લખ્યું હતું કે, 'મારા મિત્ર, તમે આપેલી સલાહને ફોલો કરી, અને ઘણું બધું એકદમ શાંત જ રાખ્યું.'
15.jpg)
