સાનિયા મિર્ઝાએ કરી સંન્યાસની જાહેરાત, આ કારણને લીધે નિર્ણય લીધો

દેશની સૌથી લોકપ્રિય મહિલા ટેનિસ ખેલાડી સાનિયા મિર્ઝાએ નિવૃત્તિની જાહેરાત કરી છે. રિપોર્ટ અનુસાર, સાનિયા મિર્ઝાએ પોતાની ઈજાના કારણે નિવૃત્તિનો આ નિર્ણય લીધો છે. તમને જણાવી દઈએ કે આ પહેલા સાનિયા મિર્ઝાના છૂટાછેડાના સમાચાર આવ્યા હતા, પરંતુ બાદમાં આ બધું અફવા સાબિત થયું.

સાનિયા મિર્ઝાએ સંન્યાસ લેવાનો નિર્ણય લીધો છે. તેણે જાહેરાત કરી છે કે તે છેલ્લી વખત કોર્ટમાં ક્યારે ઉતરશે. WTA વેબસાઈટ સાથે વાત કરતા ભારતીય ટેનિસ સ્ટારે કહ્યું કે ફેબ્રુઆરીમાં દુબઈમાં રમાનાર WTA 1000 ઈવેન્ટ તેની છેલ્લી ટૂર્નામેન્ટ હશે. સાનિયાએ કહ્યું કે સાચું કહું તો હું જે પ્રકારની વ્યક્તિ છું, મને મારી શરતો પર કામ કરવું ગમે છે. એટલા માટે હું ઈજાને કારણે બહાર થવા નહોતી માંગતી. તેથી જ હું ટ્રેનિંગ લઈ રહી છું.

વિશ્વની ભૂતપૂર્વ નંબર વન ડબલ્સ ખેલાડી 2022 ના અંતમાં જ સંન્યાસ લેવા માંગતી હતી, પરંતુ કોણીની ઈજાને કારણે તે યુએસ ઓપનનો ભાગ બની શકી ન હતી. ડબલ્સમાં 6 વખતની ગ્રાન્ડ સ્લેમ વિજેતા સાનિયા આ મહિનાના અંતમાં ઓસ્ટ્રેલિયન ઓપન રમશે, જે તેની છેલ્લી મોટી ટૂર્નામેન્ટ હશે. આ પછી, દુબઈમાં તે છેલ્લી વખત કોર્ટમાં ઉતરશે.

ગયા વર્ષે સાનિયાના પિતા ઈમરાન મિર્ઝાએ કહ્યું હતું કે વિબંલડન તેની છેલ્લી મેચ હશે, જ્યાં તે મિક્સ્ડ ડબલ્સની સેમિફાઈનલમાં હારી ગઈ હતી, પરંતુ તે પછી સાનિયાએ ઈજાના કારણે થોડા સમય માટે રિટાયરમેંટનો પ્લાન ટાળી દીધો હતો.

ભારતીય સ્ટારે કહ્યું કે મારા મગજમાં ઈમોશનલી રીતે એટલું આગળ વધવાની શક્તિ નથી. મેં 2003માં પ્રોફેશનલ ટેનિસમાં પગ મૂક્યો હતો. તેણે વધુમાં કહ્યું કે પ્રાથમિકતાઓ બદલાતી રહે છે અને હવે મારી પ્રાથમિકતામારા શરીરને દરરોજ સીમિત કરવાની નથી.

આ સાથે સાનિયા મિર્ઝાએ એ પણ સ્પષ્ટ કર્યું છે કે તે નિવૃત્તિ પછી શું કરવા જઈ રહી છે. ભારતીય સ્ટારે કહ્યું કે નિવૃત્તિ બાદ તે દુબઈમાં તેની એકેડમી પર ધ્યાન આપવા માંગે છે. સાનિયાએ ડબલ્સમાં 3 અને મિક્સ્ડ ડબલ્સમાં 3 ગ્રાન્ડસ્લેમ જીત્યા હતા. તો 2016 ઓલિમ્પિકમાં તે સેમિફાઇનલ સુધી પહોંચી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.