વોર્નની વિલ આવી સામે, પત્ની-ગર્લફ્રેન્ડને રાતીપાય પણ નહીં, આ લોકો થયા માલામાલ

શેન વોર્ને પોતાના કરિયરમાં એવા રેકોર્ડ બનાવ્યા છે જેને સ્પર્સી શકવું આજના કોઇ પણ ક્રિકેટર માટે સપના જેવુ છે. તેણે 145 ટેસ્ટ મેચોમાં ઓસ્ટ્રેલિયા માટે 708 વિકેટ લીધી છે. તેઓ 6 વખત એશેજ જીતનારી ઓસ્ટ્રેલિયન ટીમનો હિસ્સો રહ્યા છે. એ સિવાય શેન વોર્ન વર્ષ 1999માં વર્લ્ડ કપ વિજેતા ટીમનો સભ્ય પણ હતો. ખૂબ જ રંગીન સ્વભાવના કહેવાતા શેન વોર્ને ક્રિકેટ મેદાન પર ઊંચાઇઓ સર કરી હતી, પરંતુ તેમનું અંગત જીવન હંમેશાં વિવાદોથી ભરેલું રહ્યું છે.

પછી ગર્લફ્રેન્ડ લીઝ હર્લે સાથેના સંબંધોની વાત હોય કે પછી નિર્વસ્ત્ર તસવીર વાયરલ થવાની ઘટના હોય. આ બધાની ચિંતા કર્યા વિના શેન વોર્ને પોતાનું જીવન ખૂબ એન્જોય કર્યું. હવે શેન વોર્નની ડેથ વિલ સામે આવી ગઇ છે. ડેઇલી મેલના રિપોર્ટ મુજબ, શેન વોર્ને પોતાની વિલમાં પૂર્વ પત્ની સિમોન કેલહનને રાતીપાય પણ આપી નથી. લાંબા સમય સુધી તેણે ઇંગ્લિશ એક્ટ્રેસ લીઝ હર્લેને ડેટ કરી હતી. શેન વોર્ને તેને પણ કશું જ આપ્યું નથી. રિપોર્ટમાં કહેવામાં આવ્યું છે કે ઓસ્ટ્રેલિયન સુપ્રીમ કોર્ટે શેન વોર્નની કુલ સંપત્તિનું આંકલન કર્યું.

તે 20,711,013.27 ડૉલરની હોવાની જાણવા મળ્યું. શેન વોર્ન અને સિમોન કેલહનના લગ્ન સંબંધ 15 વર્ષ સુધી ચાલ્યા. ત્યારબાદ બંનેએ છૂટાછેડા લઇ લીધા હતા. શેન વોર્ને છૂટાછેડા વખતે જ પૂર્વ પત્નીને પાલન-પોષણ માટેના ભથ્થાના રૂપમાં તેનો હિસ્સો આપી દીધો હતો. ગર્લફ્રેન્ડ લીઝ હાર્લે પ્રત્યે તેની કોઇ આર્થિક જવાબદારી નહોતી. શેન વોર્નના વરસાનો મોટા ભાગનો હિસ્સો પોતાના બાળકોને આપી દીધો છે. શેન વોર્નના કુલ 3 બાળકો છે. તેના પુત્રનું નામ જેક્સન વોર્ન છે. જ્યારે બે દીકરીઓના નામ સમર વોર્ન અને બ્રુક વોર્ન છે. પૂર્વ સ્પિનરની ડેથ વિલમાં ત્રણેય સંતાનોએ બરાબર 31 ટકા હિસ્સો આપવામાં આવ્યો છે.

પોતાના બાળકો સાથે સાથે શેન વોર્ને ભાઇના બાળકો પર પણ ડેથ વિલમાં પ્રેમ દેખાડ્યો છે. સંપત્તિના બાકી બચેલા 7 ટકા હિસ્સામાં શેન વોર્ને 2 ટકા ભાઇ જેસનને આપ્યો છે. એ સિવાય જેસનના બે બાળકો સેબેસ્ટિયન અને ટાયલાના નામે વોર્ને 2.5 ટકા સંપત્તિ કરી છે. આ પ્રકારે શેન વોર્ને પોતાના ભાઇના પરિવારને પણ સંપત્તિમાં સામેલ કર્યો છે. રિપોર્ટમાં કહેવામાં આવ્યું છે કે, શેન વોર્નના નામે  295,000 ડૉલરની ઉધારી પણ છે. આ ઉધારી ક્રેડિટ કાર્ડ અને ઘરના બાકી બિલના રૂપમાં છે. તેની BMW, મર્સિડીઝ બેન્ઝ અને યાહમા બાઇક જેની કિંમત 375,500 ડૉલર છે તે દીકરી જેક્સનને આપવામાં આવી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.