Video:‘સદી પૂરી કર વિરાટ મારી મા..’, WIના વિકેટકીપર અને કોહલીની મજેદાર ચેટ વાયરલ

હાલમાં ભારતીય ટીમ વેસ્ટ ઇન્ડીઝમાં છે અને ત્યાં ટેસ્ટ સીરિઝ રમી રહી છે. ભારતીય ક્રિકેટ ટીમે વેસ્ટ ઇન્ડીઝ વિરુદ્ધ રમાઈ રહેલી બીજી ટેસ્ટ મેચના પહેલા દિવસે (ગુરુવારે) સ્ટમ્પ્સ સુધી પહેલી ઇનિંગમાં 4 વિકેટ ગુમાવીને 288 રન બનાવી લીધા છે. દિવસની રમત સમાપ્ત થવા સુધી વિરાટ કોહલી 87 રન અને રવીન્દ્ર જાદરજા 36 રન બનાવીને નોટઆઉટ પીચ પર ટકી રહ્યા છે. વિરાટ કોહલી પોતાની વધુ એક સદી તરફ આગળ વધી રહ્યો છે, પરંતુ શું તમે જાણો છો કે વિરાટ કોહલીની સદીની રાહ માત્ર ભારતીય ફેન્સ જ નહીં, પરંતુ વેસ્ટ ઇન્ડીઝનો વિકેટકીપર જોશુઆ દા સિલ્વા પણ જોઈ રહ્યો છે.

જોશુઆ દા સિલ્વા અને તેની મમ્મી વિરાટ કોહલીના ખૂબ મોટા ફેન છે અને એ વાતનો ખુલાસો પોતે જોશુઆ દા સિલ્વાએ કર્યો છે. પહેલા દિવસની રમત દરમિયાન સ્ટમ્પથી બરાબર પાછળ ઊભા જોશુઆ દા સિલ્વા અને વિરાટ કોહલી વચ્ચે થયેલી મજેદાર વાતચીત સ્ટમ્પમાં રેકોર્ડ થઈ ગઈ અને હવે આ ચેટ વાયરલ થઈ રહી છે. કોઈએ પણ વિચાર્યું નહોતું કે જોશુઆ દા સિલ્વા વિરાટ કોહલીનો ફેનબોય નીકળશે. જોશુઆ વિરાટ કોહલીને એમ કહેતો નજરે પડ્યો કે, “વિરાટ પોતાની સદી બનાવ, હું તને સદી બનાવતો જોવા માગું છું. મારી મમ્મી માત્ર તને બેટિંગ કરતો જોવા માટે આવી છે.”

josua da silva is just like us. proper kohli fanboy 🤍pic.twitter.com/wfD4VZVQXf

— Om (@RiseofKohli) July 21, 2023

તેણે આગળ કહ્યું કે, મારી માતાએ મને ફોન કર્યો અને જણાવ્યું કે તે વિરાટ કોહલી માટે મેચ જોવા આવી રહી છે, મને વિશ્વાસ ન થયો. એવામાં જો બીજા દિવસે વિરાટ કોહલી પોતાની 76મી સદી પૂરી કરે છે તો જોશુઆ દા સિલ્વા અને તેની મમ્મી સાથે સાથે વિરાટ કોહલીના કરોડો ફેન્સને ખુશ થવાનો અવસર મળી જશે. તો વેસ્ટ ઇન્ડીઝના હિસાબે આ ટેસ્ટ મેચ જોવા જઈએ તો તેઓ ઇચ્છશે છે કે ભારતીય ટીમને વહેલી તકે ઓલઆઉટ કરે કેમ કે બીજા દિવસના પહેલા સેશનમાં ભારતીય ટીમ વધુ વિકેટ ન ગુમાવે તો વેસ્ટ ઇન્ડીઝ માટે મેચમાં વાપસી કરવું મુશ્કેલ થઈ જશે.

વિરાટ કોહલી આ પોતાની 500મી મેચ રમી રહ્યો છે. જો તે આ મેચમાં સદી બનાવી દે છે તો તે ટેસ્ટ ક્રિકેટમાં 29 અને ઇન્ટરનેશનલ ક્રિકેટમાં 76મી સદી પૂરી કરી લેશે. તે તેનાથી માત્ર 13 રન દૂર છે. હવે એ જોવાનું રસપ્રદ રહેશે કે વિરાટ કોહલી પોતાની 500મી મેચમાં આ આંકડો સ્પર્શી શકે છે કે નહીં. કોહલીએ વેસ્ટ ઇન્ડીઝ વિરુદ્ધ બેટિંગ કરતા વિરેન્દર સેહવાગ 8,586 રનના રેકોર્ડને તોડી દીધો. આ મેચ અગાઉ વિરાટ કોહલી રનો બાબતે સેહવાગથી પાછળ હતો, પરંતુ હવે તેણે તેના આંકડાને પાર કરી લીધો છે. વિરાટ કોહલી અત્યાર સુધી 8,642 રન બનાવી ચૂક્યો છે. સેહવાગ સાથે વિવિયન રિચર્ડ્સ પણ વિરાટ કોહલીથી પાછળ છૂટી ગયા છે.  

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.