IPL 2023 વચ્ચે મુશ્કેલીમાં ફસાયો મોહમ્મદ શમી, પત્નીએ લગાવ્યો ગંભીર આરોપ

ભારતીય ટીમનો ઘાતક ફોસ્ટ બોલર મોહમ્મદ શમી ઇન્ડિયન પ્રીમિયર લીગ (IPL) 2023માં ગુજરાત ટાઈટન્સ (GT)નો હિસ્સો છે. આ સીઝનમાં મોહમ્મદ શમી પોતાની બોલિંગના કારણે ચર્ચામાં છે, પરંતુ આ બધા વચ્ચે મોહમ્મદ શમી પર કેટલાક ગંભીર આરોપ લગાવવામાં આવ્યા છે. મોહમ્મદ શમી પર હોટલમાં મહિલાઓ સાથે ગેરકાયદેસર સંબંધ બનાવવાનો આરોપ છે. મોહમ્મદ શમી અને તેની પત્ની હસીન જહાં ઘણા સમયથી વિવાદોના કારણે અલગ રહે છે.

હસીન જહાંએ હવે સુપ્રીમ કોર્ટ (SC)નો દરવાજો ખખડાવ્યો છે. તેણે સુપ્રીમ કોર્ટમાં સ્પેશિયલ લિવ પિટિશન નાખીને આરોપ લગાવ્યો છે કે, મોહમ્મદ શમી વિરુદ્ધ નોંધાયેલો ગુનાહિત કેસ છેલ્લા 4 વર્ષથી પેન્ડિંગ પડ્યો છે. તેણે આરોપ લગાવ્યો કે, મોહમ્મદ શમી એકસ્ટ્રા મેરિટલ અફેર્સ અત્યારે પણ ચાલી રહ્યા છે. પોતાની અરજીમાં હસીન જહાંએ કહ્યું કે, મોહમ્મદ શમી તેની પાસે કરિયાવરની માગ કરતો હતો.

શમી ભારતીય ટીમ સાથે ટૂર કરતા અને ભારતીય ટીમ સાથે રહેતા એકસ્ટ્રા મેરિટલ અફેર રાખે છે. તેણે આવો પણ આરોપ લગાવ્યો કે, ભારતીય ક્રિકેટ કંટ્રોલ બોર્ડ (BCCI)ના ટૂર પર મોહમ્મદ શમી બીજા નંબરનો ઉપયોગ કરતા ઐયાશી કરતો હતો. મોહમ્મદ શમી અને હસીન જહાંના લગ્ન 7 એપ્રિલ 2014ના રોજ થયા હતા. તેના થોડા વર્ષો બાદ મોહમ્મદ શમીની પત્નીએ તેના પર બીજી સ્ત્રીઓ સાથે સંબંધ બનાવવાનો આરોપ લગાવ્યો હતો.

સાથે જ હસીન જહાં, મોહમ્મદ શમી પર બળાત્કાર જેવા ગંભીર આરોપ પણ લગાવી ચૂકી છે. ઉલ્લેખનીય છે કે, વર્ષ 2018માં મોહમ્મદ શમી પર ઘરેલુ હિંસા જેવા આરોપો હેઠળ કેસ દાખલ કર્યો હતો. હસીન જહાંએ શમી અને તેના ભાઈ વિરુદ્ધ કેસ કર્યો હતો. શમી વિરુદ્ધ IPCની કલમ 498(A) (કરિયાવર માટે અત્યાચાર) અને કલમ 354 (યૌન ઉત્પીડન) હેઠળ કેસ દાખલ કરાવવામાં આવ્યો હતો, જ્યારે તેના ભાઈ હાસિદ અહમદ પર કલમ 354 (યૌન ઉત્પીડન) હેઠળ કેસ દાખલ કરાવવામાં આવ્યો હતો.

હસીન જહાં પ્રોફેશનલ મોડલ રહી છે અને કોલકાતા નાઈટ રાઈડર્સ (KKR) માટે ચીયર લીડર પણ રહી છે. હસીન જહાં પોતાની ફિટનેસ પર પણ ખૂબ ધ્યાન રાખે છે. સોશિયલ મીડિયા પર ઘણા લોકો હસીન જહાંને ફોલો કરે છે. તે વર્ષ 2014માં મોડલિંગ છોડી ચૂકી હતી. મોહમ્મદ શમીના જણાવ્યા મુજબ, તેને ખૂબ મોડેથી ખબર પડી કે, હસીન જહાંના આ બીજા લગ્ન છે. તેના પહેલા પતિનું નામ સૈફુદ્દીન છે. મોહમ્મદ શમી 17 જુલાઇ 2015ના રોજ દીકરીનો મળ્યો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.