શ્રીલંકામાં હાલના દિવસોમાં લંકા પ્રીમિયર લીગ(LPL) ચાલી રહી છે. આ લીગ ક્રિકેટની જગ્યાએ અન્ય કારણોને લઇ ચર્ચામાં આવી રહી છે. આ લીગની એક લાઇવ મેચમાં તે સમયે લોકો ચોંક્યા જ્યારે મેદાનની અંદર મોટો સાપ ઘૂસી ગયો. લાઇવ મેચ દરમિયાન મેદાનની અંદર સાપના આવી જવાથી ખેલાડીઓ જ નહીં પણ ફેન્સ પણ ડરી ગયા. એ વાત સારી રહી કે સાપે કોઇને નુકસાન ન પહોંચાડ્યું. નાના બ્રેક પછી મેચ ફરી શરૂ કરવામાં આવી.
આ ઘટના લંકા પ્રીમિયર લીગમાં 12 ઓગસ્ટના રોજ 15મી મેચમાં બી લવ કેંડી અને જાફના કિંગ્સની વચ્ચેની મેચમાં બની. આ મેચમાં સાપે અચાનક મેદાન પર એન્ટ્રી મારી. સાપ ફીલ્ડિંગ કરી રહેલા ઈસરુ ઉદાનાની નજીકથી પસાર થયો. ફીલ્ડિંગ સમયે ખેલાડીનો પગ સાપ પર પડવાનો જ હતો કે તેને આભાસ થયો કે સાપ છે અને દૂર જતો રહ્યો. આ રીતે સાપના ડંખથી ખેલાડી જેમ તેમ બચ્યો.
ત્યાર પછી સાપને બાઉન્ડ્રીની નજીક પસાર થતો જોવામાં આવ્યો. આ પહેલીવાર નથી કે જ્યારે સાપે લંકા પ્રીમિયર લીગમાં ખલેલ પહોંચાડી હોય. આ પહેલા પહેલી ઓગસ્ટના રોજ રમાયેલી મેચમાં પણ સાપ મેદાનમાંથી નિકળ્યો હતો.
Snake in LPL...!!!!
— Johns. (@CricCrazyJohns) August 13, 2023
A lucky escape for Udana. pic.twitter.com/R3Gg2yxVkh
સાપના મેદાનમાંથી નીકળ્યા પછી કૈંડી ટીમે જાફના કિંગ્સને 8 રને માત આપી. કૈંડીએ પહેલા બેટિંગ કરતા 20 ઓવરમાં 8 વિકેટ ગુમાવીને 178 રન કર્યા. જેમાં મોહમ્મદ હેરિસે 81 રનનો ફાળો આપ્યો. તો જવાબમાં જાફના કિંગ્સની ટીમના શોએબ મલિકે હાફ સેન્ચ્યુરી મારી છતાં 170 રન જ બનાવી શક્યા.
15.jpg)
