વર્લ્ડકપની ફાઈનલ પણ નરેન્દ્ર મોદી સ્ટેડિયમમાં જ થશે!

ODI વર્લ્ડનું કાઉન્ટડાઉન શરૂ થઈ ગયું છે. 10 ટીમોની ટૂર્નામેન્ટનું સંપૂર્ણ શેડ્યૂલ આવતા મહિને જાહેર કરવામાં આવશે. આ ટુર્નામેન્ટનું આયોજન ભારતમાં કરવામાં આવી રહ્યું છે. ટીમ ઈન્ડિયાએ છેલ્લે 2011માં ઘરઆંગણે વર્લ્ડ કપનો ખિતાબ જીત્યો હતો. આવી સ્થિતિમાં રોહિત શર્માની કપ્તાનીમાં ટીમ ફરી એકવાર આ ઈતિહાસનું પુનરાવર્તન કરવા ઈચ્છશે. રોહિત ઉપરાંત વિરાટ કોહલી પણ આ ICC ટૂર્નામેન્ટમાં જોરદાર પ્રદર્શન કરવા ઈચ્છશે.

BCCI ODI વર્લ્ડ કપની તૈયારીમાં વ્યસ્ત છે. ઓક્ટોબર-નવેમ્બરમાં 10 દેશોની ટૂર્નામેન્ટ રમાવાની છે. ઈંગ્લેન્ડની ટીમ ટૂર્નામેન્ટની ડિફેન્ડિંગ ચેમ્પિયન છે. 7 જૂનથી શરૂ થનારી વર્લ્ડ ટેસ્ટ ચેમ્પિયનશિપની ફાઈનલ દરમિયાન વર્લ્ડ કપનું શેડ્યૂલ જાહેર કરવામાં આવશે. બોર્ડના સચિવ જય શાહે આ માહિતી આપી હતી. ટીમ ઈન્ડિયાએ છેલ્લે 2011માં ઘરઆંગણે વર્લ્ડ કપ જીત્યો હતો. આવી સ્થિતિમાં, રોહિત શર્મા પણ MS ધોનીનો આ ઇતિહાસ ફરીથી પુનરાવર્તન કરવા માંગશે.

મીડિયા સૂત્રો પાસેથી મળતાં અહેવાલ મુજબ, ODI વર્લ્ડ કપની મેચો 5 ઓક્ટોબરથી શરૂ થઈ શકે છે અને તે 19 નવેમ્બર સુધી ચાલશે. કુલ 10 સ્થળોએ મેચો રમાશે જ્યારે પ્રેક્ટિસ મેચો 2 સ્થળોએ રમાશે. BCCIએ ટુર્નામેન્ટ માટે અમદાવાદ, બેંગ્લોર, ચેન્નાઈ, દિલ્હી, ધર્મશાલા, ગુવાહાટી, હૈદરાબાદ, કોલકાતા, લખનઉ, ઈન્દોર, રાજકોટ, મુંબઈ, પુણે, નાગપુર અને ત્રિવેન્દ્રમને શોર્ટલિસ્ટ કર્યા છે. IPL 2023ની ફાઈનલ પછી હવે વર્લ્ડ કપની ફાઈનલ પણ અમદાવાદના નરેન્દ્ર મોદી સ્ટેડિયમમાં જ રમાઈ શકે છે. અહીં એક લાખથી વધુ લોકો મેચ જોવા આવી શકે છે.

ODI વર્લ્ડ કપ 46 દિવસ ચાલશે અને કુલ 48 મેચો રમાશે. તેમાં 3 નોકઆઉટ મેચનો પણ સમાવેશ થાય છે. તમામ ટીમોએ પ્રથમ રાઉન્ડમાં 9 વિરોધી ટીમોનો સામનો કરવાનો છે. મતલબ કે એક ટીમ 9 મેચ રમશે. આ પછી ટોપ-4 ટીમને સેમિફાઇનલમાં સ્થાન મળશે. સેમિફાઇનલમાં નંબર-1 નંબર-4નો સામનો કરશે અને નંબર-2 નંબર-3નો સામનો કરશે. 2019 વર્લ્ડ કપમાં પણ આ ફોર્મેટ હતું. એટલે કે ભારત અને પાકિસ્તાન વચ્ચે 2 મેચ રમાઈ શકે છે. લીગ રાઉન્ડમાં પ્રથમ અને બીજી વખત નોકઆઉટમાં.

અત્યાર સુધીમાં 8 ટીમો વર્લ્ડ કપ માટે ક્વોલિફાય થઈ ચૂકી છે. અંતિમ 2 ટીમો ક્વોલિફાયર દ્વારા નક્કી કરવામાં આવશે. અત્યાર સુધી યજમાન ભારત સિવાય ઓસ્ટ્રેલિયા, પાકિસ્તાન, દક્ષિણ આફ્રિકા, અફઘાનિસ્તાન, બાંગ્લાદેશ, ઈંગ્લેન્ડ અને ન્યુઝીલેન્ડે વર્લ્ડ કપમાં પોતાનું સ્થાન નિશ્ચિત કરી લીધું છે. આ 8 ટીમોમાંથી 4 ટીમને વર્લ્ડ કપનો ખિતાબ મળ્યો નથી. જેમાં દક્ષિણ આફ્રિકા, અફઘાનિસ્તાન, બાંગ્લાદેશ અને ન્યુઝીલેન્ડનો સમાવેશ થાય છે.

ઓસ્ટ્રેલિયાએ સૌથી વધુ 5 વખત ODI વર્લ્ડ કપનો ખિતાબ કબજે કર્યો છે. ભારતે 2 વખત ટાઈટલ જીત્યા છે, જ્યારે પાકિસ્તાન અને ઈંગ્લેન્ડે એક-એક વખત ODI વર્લ્ડ કપનો ખિતાબ જીત્યો છે. ક્વોલિફાયર્સની વાત કરીએ તો ઝિમ્બાબ્વેમાં 18 જૂનથી 9 જુલાઈ સુધી મેચો યોજાવાની છે. જેમાં 2 ભૂતપૂર્વ ચેમ્પિયન ટીમો વેસ્ટ ઈન્ડિઝ અને શ્રીલંકા ઉપરાંત આયર્લેન્ડ, નેધરલેન્ડ, ઝિમ્બાબ્વે, નેપાળ, ઓમાન, સ્કોટલેન્ડ, UAE અને અમેરિકા ઉતરી રહ્યા છે.

ભારતની વાત કરીએ તો તે 10 વર્ષથી ICC ટ્રોફીની રાહ જોઈ રહ્યું છે. ટીમે છેલ્લે 2013માં મહેન્દ્ર સિંહ ધોનીની કેપ્ટન્સીમાં ચેમ્પિયન્સ ટ્રોફીનો ખિતાબ જીત્યો હતો. ટીમ ઈન્ડિયાએ અત્યાર સુધી 1983 અને 2011માં એમ 2 વખત ODI વર્લ્ડ કપ જીત્યો છે. આ સિવાય 2007માં તેણે એકમાત્ર વખત T20 વર્લ્ડ કપનો ખિતાબ જીત્યો છે. આ સાથે જ પાકિસ્તાને 1992માં એક વખત વર્લ્ડ કપ જીત્યો છે. આ સિવાય ટીમે 2009માં T20 વર્લ્ડ કપનો ખિતાબ કબજે કર્યો છે.