વેસ્ટ ઈન્ડિઝ પ્રવાસ માટે આ બેટ્સમેનની પસંદગી કરવી જોઈએ, વસીમ જાફરે સૂચવ્યું નામ

ભૂતપૂર્વ ભારતીય ઓપનર વસીમ જાફરે વેસ્ટ ઈન્ડિઝ સામેની આગામી ટેસ્ટ શ્રેણી માટે યશસ્વી જયસ્વાલને ટીમમાં પસંદ કરવાની વાત કરી છે. યશસ્વી જયસ્વાલે તાજેતરમાં પૂર્ણ થયેલી IPLમાં જબરદસ્ત પ્રદર્શન કર્યું હતું અને ઘણા રન બનાવ્યા હતા પરંતુ વસીમ જાફરનું માનવું છે કે ભારતીય ટેસ્ટ ટીમમાં તેની પસંદગી થવી જોઈએ.

ભારતીય ટીમ જુલાઈમાં વેસ્ટ ઈન્ડિઝના પ્રવાસે જશે, જ્યાં ટીમને 2 ટેસ્ટ, 3 વનડે અને 5 T20 મેચ રમવાની છે. પ્રથમ ટેસ્ટ મેચનું આયોજન કરવામાં આવશે. ત્યાર બાદ 3જી ઓગસ્ટથી વનડે અને પછી T-20 શ્રેણીનું આયોજન કરવામાં આવશે.

વસીમ જાફરના મતે, આ બે મેચની ટેસ્ટ શ્રેણી માટે યશસ્વી જયસ્વાલને નવા ચહેરા તરીકે ટીમમાં સામેલ કરવો જોઈએ. મીડિયા સૂત્રો સાથે એક વાતચીતમાં, તેણે કહ્યું, યશસ્વી જયસ્વાલ ચોક્કસપણે તેમાંથી એક છે. તેણે દરેક ફોર્મેટમાં સતત રન બનાવ્યા છે. ભલે તમે IPL, ડોમેસ્ટિક ક્રિકેટ કે ઈન્ડિયા A જુઓ, તેણે સતત રન બનાવ્યા છે. મારા મતે તે ટેસ્ટ ટીમનો ભાગ હોવો જોઈએ. વર્લ્ડ ટેસ્ટ ચેમ્પિયનશિપની ફાઇનલમાં તે રિઝર્વ તરીકે ટીમમાં હતો. જોકે શુભમન ગિલ અને રોહિત શર્મા રમી રહ્યા હતા અને તેથી જ તેને તક મળી ન હતી. મારા મતે તેને ટીમ સાથે રાખવો જોઈએ, જેથી કરીને તેને તૈયાર કરી શકાય. આ પછી, જ્યારે તેને તક મળે ત્યારે તેને તક આપવી જોઈએ.

ઘર આંગણે રમાતી દરેક મેચમાં તેનું સતત પ્રદર્શન અને IPL 2023માં તેના ઉત્કૃષ્ટ પ્રદર્શને તેને ભારતના ભાવિ સુપરસ્ટાર તરીકેની પ્રતિષ્ઠા વધારવામાં મદદ કરી છે. નક્કર ટેકનિક અને એક અલગ સ્વભાવ સાથે, જયસ્વાલ વેસ્ટ ઈન્ડિઝ શ્રેણી માટે ભારતની ટેસ્ટ ટીમમાં પૂજારાને બદલે સામેલ થાય તેવી આશા છે. ભલે તે તાત્કાલિક અસર ન કરે, તો પણ, જયસ્વાલ પાસે ભારત માટે લાંબાગાળે પણ નંબર ત્રણ બનવા માટે જરૂરી તમામ પ્રતિભા અને કુશળતા છે.

અહીં તમને જણાવી દઈએ કે, આ પહેલા હરભજન સિંહે યશસ્વી જયસ્વાલને વેસ્ટ ઈન્ડિઝ વિરુદ્ધ T20 સીરીઝ માટે પોતાની ટીમમાં સામેલ કર્યો હતો. હરભજન સિંહે વેસ્ટ ઈન્ડિઝ પ્રવાસ માટે પોતાની T20 ટીમમાં રિંકુ સિંહ, તિલક વર્મા, આકાશ માધવાલ, જીતેશ શર્મા, યશસ્વી જયસ્વાલ અને હર્ષિત રાણા જેવા ઘણા નવા ખેલાડીઓનો સમાવેશ કર્યો છે. IPL 2023 દરમિયાન આ તમામનું પ્રદર્શન શાનદાર રહ્યું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.