વિરાટ કોહલીએ એક ઇન્ટર્વ્યુમાં ક્રિકેટમાં પોતાના ખરાબ સમયને યાદ કર્યો. તેણે કહ્યું કે, એ સમયે હું મારી પત્ની અનુષ્કા શર્મા સાથે પણ ખોટું કરી રહ્યો હતો. વિરાટે કહ્યું કે, જીવનમાં ફ્રસ્ટ્રેશન એટલું વધી ગયું હતું કે, હું ચિડાઇ ગયો હતો અને વાત વાત પર મોટા અવાજે વાત કરતો હતો. વિરાટે કહ્યું કે, તે પોતાની નબળાઇઓનો સામનો નહોતો કરી રહ્યો. થોડા દિવસો પહેલા વિરાટ કોહલીની મેન્ટલ હેલ્થ ડિસ્ટર્બ થવાની ખબરો આવી રહી હતી. તેણે એક મહિનાનો બ્રેક પણ લીધો હતો. હવે ફરીથી વિરાટ તેના પર બોલી રહ્યો છે.
મંગળવારે વિરાટ કોહલીએ શ્રીલંકા સામે રમાયેલી પહેલી ODI સીરીઝમાં સેન્ચુરી મારી હતી. 87 બોલમાં 113 રન બનાવ્યા હતા. થોડા સમય પહેલા તે આઉટ ઓફ ફોર્મ હતો. જેના કારણે તે માનસિક રૂપે પણ હેરાન થઇ ગયો હતો. તેણે મીડિયા સાથેની વાતચીતમાં કહ્યું કે, મારા કેસમાં સ્વીકાર કરવાનું અને ફ્રસ્ટ્રેશન ઘેરાતું જઇ રહ્યું હતું. હું એકદમ ચિડચિડો અને ગુસ્સા વાળો થઇ ગયો હતો. તે મારી પત્ની અને નજીકના લોકો સાથે પણ ઠીક ન હતો કરી રહ્યો. આ એ લોકો સાથે ખોટું છે જે તમને સપોર્ટ કરે છે. તેથી મારે જવાબદારી લેવી જોઇતી હતી.
વિરાટ કોહલીએ કહ્યું કે, હું ક્રિકેટથી દૂર થઇ રહ્યો હતો. મારા અટેચમેન્ટ્સ અને મારી ઇચ્છાઓ હાવી થઇ ગઇ હતી. ત્યારે મને અનુભવ થયો કે, હું જે છું તેનાથી દૂર ન ભાગી શકું. મારે પોતાને સાચું બોલવું જ પડશે, ભલે હું નબળો છું, નથી રમી રહ્યો, હું સૌથી ખરાબ ખેલાડી છું, મારે આ વાતનો સ્વીકાર કરવો જ પડશે. હું તેનાથી દૂર ન ભાગી શકું. વિરાટે એક ઇન્ટર્વ્યુમાં કહ્યું હતું કે, 10 વર્ષમાં પહેલી વખત આવું થયું હતું કે, જ્યારે તેણે ક્રિકેટ બેટ ન પકડી હોય.
વિરાટ કોહલી અને અનુષ્કા શર્માના લગ્ન 11મી ડિસેમ્બર, 2017ના રોજ થયા હતા. બન્ને એક એડ ફિલ્મ શૂટ પર મળ્યા હતા. ત્યાર બાદ તેમણે થોડા વર્ષો સુધી ડેટિંગ કર્યું. ત્યાર બાદ તેમના બ્રેકઅપની ખબર પણ આવી હતી. પછી અચાનક લગ્નની તસવીરો શેર કરીને તેમણે ફેન્સને સરપ્રાઇઝ આપ્યું હતું. બન્નેની દિકરી વામિકા ગઇ 11મી જાન્યુઆરીના રોજ 2 વર્ષની થઇ છે.
15.jpg)
