IPL 2023ની 16મી સિઝનની ફાઇનલ મેચ ચેન્નઇ સુપર કિંગ્સ(CSK)એ પોતાના નામે કરી લીધી અને 5 વારની ચેમ્પિયન ટીમ બની ગઇ હતી. ગુજરાત ટાઇટન્સ સામે રમાયેલી આ મેચ છેલ્લા મેચ સુધી રોમાંચક રહી હતી અને એક તબક્કે મહેન્દ્ર સિંહ ધોનીને પણ મેચ જીતવા માટે શંકા હતી, પરંતુ રવિન્દ્ર જાડેજાએ છેલ્લી 2 બોલમાં રન ફટકારીને CSKને વિજયી બનાવી. એ પછી CSKની જીતની ખુશીના અનેક વીડિયો સોશિયલ મીડિયા પર સામે આવ્યા હતા. પરંતુ ધોનીના એક વીડિયોએ લોકોનું દિલ જીતી લીધું હતું. મેચ જીતી ગયા પછી CSKનો કેપ્ટન મહેન્દ્ર સિંહ ધોની સાડા ત્રણ વાગ્યે રાત્રે ફરી મેદાન પર એકલો આવ્યો હતો.
MS Dhoni thanks peoples & fan at 3:30 am for staying back ! ?❤️? pic.twitter.com/FwhPTgmi2n
— VK (@Motera_Stadium) May 30, 2023
ટ્વીટર પર VK નામથી એક વીડિયો શેર કરવામાં આવ્યો છે,જેમાં મહેન્દ્ર સિંહ ધોની રાત્રે સાડા ત્રણ વાગ્યે ફરી મેદાન પર આવે છે. અમદાવાદના નરેન્દ્ર મોદી સ્ટેડીયમમાં પ્રેક્ષકો હજુ મેદાન પર જ હતા,તેમનો આભાર માનવા માટે ધોની ફરી મેદાન પર આવ્યો હતો.ધોનીને જોઇને તેના ચાહકો ફરી ઉત્સાહમાં આવી ગયા હતા અને ભાવવિભાર થઇ ગયા હતા.
ટીમ ઇન્ડિયાનો પૂર્વ કેપ્ટન અને CSKના કેપ્ટન તરીકેની જવાબદારી સંભાળતા ધોનીનું ફેન ફોલાઇંગ જબરદસ્ત છે. કોઇ સ્ટેડીયેમ એવું ન હોય જ્યાં ધોનીના ચાહકો કિકિયારી ન કરતા હોય.દરેક મેદાન પર તમને યલો જર્સી અને ધોની ધોનીના નારા જ સાંભળવા મળે.IPL 2023ની ફાઇનલ મેચ ગુજરાત ટાઇટન્સ અને CSK વચ્ચે હતી અને અમદાવાદનું નરેન્દ્ર મોદી સ્ટેડીયમ ગુજરાત માટે હોમ ગ્રાઉન્ડ હતુ, પરંતુ આમ છતા આ મેદાન પર ધોનીના ફેન્સ મોટી સંખ્યામાં દેખાતા હતા.
ધોનીએ પોતાના ફેન્સ માટે કહ્યુ હતુ કે, બધું અહીંથી શરૂ થયું. જ્યારે હું પ્રથમ મેચમાં મેદાન પર આવ્યો ત્યારે તમામ ચાહકો મારા નામની બૂમો પાડી રહ્યા હતા. પછી મારી આંખો પાણીથી ભરાઈ ગઈ અને હું થોડીવાર ત્યાં જ ડગઆઉટમાં ઊભો રહ્યો. મને સમજાયું કે મારે તેનો આનંદ માણવો છે. ચેન્નાઈમાં પણ આવી જ લાગણી હતી, તે ત્યાં મારી છેલ્લી મેચ હતી, પરંતુ હું પાછા આવીને ચાહકો માટે જે કંઈ કરી શકું તે કરવા માંગુ છું અને રમવા માંગુ છું. હું જે છું તેના માટે તેઓ મને પ્રેમ કરે છે. હું જે પ્રકારનું ક્રિકેટ રમું છું.
15.jpg)
