યુવરાજે અગરકરના નવા પદને લઈને આપ્યું મોટું નિવેદન, ભારતીય ટીમના ભવિષ્ય પર...

ભારતીય ટીમના નવા દિગ્ગજ ઓલરાઉન્ડર યુવરાજ સિંહે અજીત અગરકરને ભારતીય ટીમની પુરુષ ક્રિકેટ ટીમની સિલેક્શન સમિતિના અધ્યક્ષ બનાવવાની શુભકામનાઓ આપી છે. સાથે જ યુવરાજ સિંહે ભરોસો વ્યક્ત કર્યો કે, અજીત અગરકર ભારતીય ટીમના ભવિષ્યને સારું બનાવવામાં પ્રભાવશાળી ભૂમિકા ભજવશે. ભારતીય ક્રિકેટ કંટ્રોલ બોર્ડ (BCCI)ની ક્રિકેટ સલાહકારી સમિતિ (CAC)એ આ પદ માટે ઇન્ટરવ્યૂ આયોજિત કર્યા હતા, જેની અધ્યક્ષતામાં સુલક્ષણા નાઇક, અશોક મલ્હોત્રા અને જતીન પરાંજપે સામેલ હતા.

ભારતીય ક્રિકેટ કંટ્રોલ બોર્ડે 4 જુલાઇના રોજ એક નિવેદનમાં કહ્યું હતું કે, 3 સભ્યોની ક્રિકેટ સલાહકાર સમિતિએ સિદ્ધાંતપૂર્વક આ પદ માટે અજીત અગરકરની ભલામણ કરી છે. ઉલ્લેખનીય છે કે સિલેક્શન સમિતિનું અધ્યક્ષનું પદ ફેબ્રુઆરીથી ખાલી છે. પહેલા આ પદ પર ચેતન શર્મા હતા, પરંતુ એક સ્ટિંગ ઓપરેશનમાં ફસાયા બાદ તેમણે પોતાના પદ પરથી રાજીનામું આપી દીધું હતું. ચેમ્પિયન ઓલરાઉન્ડર યુવરાજ સિંહે ટ્વીટ કરતા લખ્યું કે, અગરકરને સિલેક્શન સમિતિના અધ્યક્ષની નવી જવાબદારી મળવાની શુભેચ્છા આપી અને તેમની કાર્યક્ષમતા પર ભરોસો વ્યક્ત કર્યો.

Congratulations @imAagarkar on your new responsibility as the Chairman of the selection committee! I’m confident that you will play an impactful role in shaping the future of Indian cricket 🇮🇳 good luck buddy!

— Yuvraj Singh (@YUVSTRONG12) July 4, 2023

યુવરાજ સિંહે કહ્યું કે, ‘સિલેક્શન સમિતિ અધ્યક્ષની નવી જવાબદારી મળવા પર તમને શુભેચ્છા, અગરકર. મને પૂરો ભરોસો છે કે તમે ભારતીય ટીમના ભવિષ્યને સારી રીતે ઢાળવામાં એક પ્રભાવશાળી ભૂમિકા ભજવશો. તમને શુભેચ્છા મિત્રો. અજીત અગરકરની વરિષ્ઠતાના આધાર પર સિલેક્શન સમિતિના અધ્યક્ષ પદ માટે તેમના ભલામણ કરવામાં આવી હતી, તેની પાછળ તેમના એક પ્રભાવશાળી ક્રિકેટ કરિયરને માનવામાં આવી રહ્યું છે.

જો અજીત અગરકરના ઇન્ટરનેશનલ ક્રિકેટ કરિયર પર નજર નાખીએ તો તેમણે 26 ટેસ્ટ, 191 વન-ડે અને 4 T20 ઇન્ટરનેશનલ મેચોમાં ભારતનું પ્રતિનિધિત્વ કર્યું છે. આ દરમિયાન તેમણે ટેસ્ટ ક્રિકેટમાં 58, વન-ડેમાં 288 અને T20 ઇન્ટરનેશનલમાં 3 વિકેટ પોતાના નામે કરી. એક પૂર્વ ફાસ્ટ બોલરના રૂપમાં તેઓ વર્ષ 2007માં દક્ષિણ આફ્રિકામાં આયોજિત ઉદ્વઘાટન T20 વર્લ્ડ કપમાં ભારતની વિજયી ટીમનો હિસ્સો હતા. તેમની પાસે અત્યારે પણ વન-ડેમાં કોઈ ભારતીય બોલરની સૌથી ફાસ્ટ અડધી સદીનો રેકોર્ડ છે, જે તેણે 21 બૉલમાં બનાવ્યો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.