ગૌતમ અદાણી નેતૃત્વવાળા અદાણી ગ્રુપના લગભગ બધી કંપનીઓના શેરોમાં ભારે ઘટાડા પર મંગળવારે બ્રેક લાગ્યો. અદાણી વિલ્મારથી લઇને અદાણી પોર્ટ સુધી બધામાં તોફાની તેજી જોવા મળી રહી છે. અદાણી એન્ટરપ્રાઇઝીસના શેરોએ તો શેર બજારની શરૂઆત સાથે જ જોરદાર 20 ટકાની છલાંગ લગાવી દીધી. ગત 24 જાન્યુઆરી 2023ના રોજ ગ્રુપને લઇને અમેરિકન રિસર્ચ ફર્મ હિંડનબર્ગના રિપોર્ટ પબ્લિશ થયા બાદ આ શેરોમાં સુનામી જોવા મળી રહી હતી.
સૌથી પહેલા વાત કરી લઇએ ગૌતમ અદાણીની કંપનીઓના શેરોમાં આવેલી તેજીની, તો સવારે 10:05 વાગ્યા સુધી અદાણી વિલ્મર 4.99 ટકા વધીને 398.90 રૂપિયા પર, અદાણી ગ્રીન એનર્જી 4.72 ટકાની છલાંગ સાથે 931.05 રૂપિયા, અદાણી ટ્રાન્સમિશન 5 ટકાની તેજી લઇને 1319.25 રૂપિયાના સ્તર પર ટ્રેડ કરી રહ્યા છે. એ સિવાય અદાણી પોર્ટ્સ 8.99 ટકા છલાંગ લગાવીને 594.50 રૂપિયા પર.
અંબુજા સિમેન્ટના શેર 3.34 ટકા છલાંગ લગાવીને 392.45 રૂપિયા અને ACC Ltdના સ્ટોક્સ 3.12 ટકા છલાંગ લગાવીને 2031.05ના લેવાર પર ટ્રેડ કરી રહ્યા હતા. છેલ્લા કેટલાક દિવસોમાં સૌથી વધુ ઘટાડો ઝીલનારી અદાણી એન્ટરપ્રાઇઝીસના શેરોમાં માર્કેટ ખુલ્યાના તુરંત બાદ 20 ટકાની લીડ જોવા મળી અને આ શેર 1887.20 રૂપિયા સ્તર પર પહોંચી ગયા, જો કે, અદાણી પાવરના શેરોમાં ઘટાડો જોવા મળ્યો હતો, જે કારોબાર વધારવા સાથે લીલા નિશાન પર પહોંચી ગયા.
ઉલ્લેખનીય છે કે, અમેરિકન રિસર્ચ ફર્મ હિંડનબર્ગનો રિપોર્ટ પ્રકાશિત થયા બાદ અદાણી ગ્રુપના શેરોમાં ભારે ઘટાડો નોંધાયો હતો. આ રિપોર્ટના કારણે અદાણી ગ્રુપના શેર 66 ટકા સુધી ઘટી ગયા હતા. તેની સાથે જ ગ્રુપના માર્કેટ કેપમાં પણ 117 અબજ ડોલરનો ઘટાડો નોંધાયો હતો અને ગૌતમ અદાણી ટોપ અબજપતિઓની લિસ્ટમાં ચોથા નંબર પરથી સરકી સોમવારે 22માં નંબર પર પહોંચી ગયા હતા. આ સંકટ ભરેલા દૌરમાં મંગળવારે અદાણીના શેરોમાં જોરદાર તેજી રાહત આપનારી છે.
છેલ્લા 14 દિવસોથી સૌથી ખરાબ પરિસ્થિતિમાંથી પસાર થઇ રહેલા અદાણી ગ્રુપે સોમવારે પોતાની ગિરવી રાખેલા શેરોને સમય પહેલા છોડાવવાની જાહેરાત કરી હતી. તેના માટે કંપની 9,185 કરોડ રૂપિયાની ચૂકવણી કરવા માટે તૈયાર છે. આ સમાચારની અસર મંગળવારે ગ્રુપની કંપનીઓના શેરોમાં નજરે પડી છે. એક રિપોર્ટ મુજબ નેશનલ સ્ટોક એક્સચેન્જ (NSE)એ અદાણી ગ્રીન એનર્જી અને અદાણી ટ્રાન્સમિશનની સર્કિટ લિમિટને સંશોધિત કરીને 5 ટકા કરી દીધા છે.
15.jpg)
