ક્યારે અટકશે હિંડનબર્ગની ત્સુનામી? આજે પણ અદાણી ગ્રુપના 4 શેરોમાં લોઅર સર્કિટ

ભારતીય ઉદ્યોગપતિ ગૌતમ અદાણીની મુશ્કેલીઓ ઓછી થતી નથી દેખાઈ રહી. અમેરિકી રિસર્ચ ફર્મ હિંડનબર્ગના રિસર્ચ રિપોર્ટનો કહેર હજુ પણ ચાલુ છે. શેરબજારમાં અઠવાડિયા પહેલા કારોબારી દિવસ સોમવારે પણ અદાણી ગ્રુપના ચાર શેરોમાં લોઅર સર્કિટ લાગ્યું, જ્યારે શેરોમાં ચાલી રહેલા ઘટાડાથી દુનિયાના અબજોપતિઓના લિસ્ટમાં તેઓ સતત નીચે સરકતા ગયા. હાલ ગૌતમ અદાણી ફોર્બ્સ રિયલ ટાઈમ બિલિયોનેર્સ લિસ્ટમાં 22માં નંબર પર પહોંચી ગયા હતા.

ગત 24 જાન્યુઆરી, 2023ના રોજ હિંડનબર્ગની અદાણી ગ્રુપના લઈને રિસર્ચ રિપોર્ટ પબ્લિશ થયા બાદથી કંપનીઓના શેરોમાં જે ત્સુનામી આવી, તે આજે પણ ચાલુ છે. શેર બજારમાં આજે પણ અદાણીના 4 શેરોમાં લોઅર સર્કિટ લાગ્યુ છે અને અદાણી એન્ટરપ્રાઈસીસના સ્ટોક 5.12 ટકા નીચે જઈને 1505.55 રૂપિયાના લેવલ પર ટ્રેડ કરી રહ્યા છે.

જે શેરોમાં સોમવારે લોઅર સર્કિટ લાગ્યું, તેમા Adani Power Ltd 5% તૂટીને 182.35 રૂપિયા, Adani Wilmar Ltd 5% તૂટીને 379.95 રૂપિયા, Adani Green Energy Ltd 5% તૂટીને 889.10, Adani Total Gas Ltd 5% ના ઘટાડા સાથે 1541.25 રૂપિયા પર હતો. આ ઉપરાંત, Ambuja Cements Ltd ના શેર 3.24 ટકા તૂટીને 361.50 રૂપિયા અને ACC Ltd સ્ટોક્સ 1.03 ટકા તૂટીને 1907 રૂપિયા પર હતો.

ગૌતમ અદાણીએ હિંડનબર્ગનો રિપોર્ટ પબ્લિશ થયા બાદ અત્યારસુધીનું સૌથી મોટું નુકસાન ઉઠાવવુ પડ્યું છે. ગત વર્ષ 2022માં કમાણીના મામલામાં તેમણે દુનિયાના તમામ ધનવાનોને પાછળ છોડી દીધા હતા પરંતુ, જેટલું તેમણે 2022માં એક વર્ષની અંદર કમાણી કરી હતી તેના કરતા અનેકગણું વધુ 13 દિવસોમાં જ ગુમાવી દીધુ છે. અદાણીની કંપનીઓના શેરોમાં ચાલી રહેલા ઘટાડાને પગલે હવે અદાણી ગ્રુપનો માર્કેટ કેપ ઘટીને અડધો રહી ગયો છે. 24 જાન્યુઆરીથી અત્યારસુધી ગ્રુપનો લગભગ 117 અબજ ડૉલર એમકેપ સ્પષ્ટ થઈ ગયો છે.

અદાણી ગ્રુપની કંપનીઓના શેરોમાં ચાલી રહેલા ઘટાડાના સિલસિલાને પગલે ગૌતમ અદાણીની સંપત્તિમાં પણ એ જ ગતિથી ઘટાડો આવી રહ્યો છે. તેની અસર દુનિયાના ટોચના અબજોપતિઓના લિસ્ટમાં જોવા મળી રહ્યો છે. જ્યાં વર્ષ 2023ની શરૂઆતમાં ગૌતમ અદાણી ટોપ-10 બિલિયોનેર્સના લિસ્ટમાં ચોથા નંબર પર દબદબો જમાવી રાખ્યો હતો, ત્યાં હવે થોડાં જ દિવસોમાં તેઓ આ લિસ્ટમાં સરકીને 22માં નંબર પર પહોંચી ગયા છે. Forbe’s Real Time Billionaires Index અનુસાર, સોમવારે ખબર લખાય છે ત્યાં સુધી ગૌતમ અદાણીની નેટવર્થ ઘટીને 58.4 અબજ ડૉલર રહી ગઈ હતી.

નાથન એન્ડરસનના નેતૃત્વવાળા હિંડનબર્ગના રિપોર્ટમાં અદાણી ગ્રુપ પર ઘણા ગંભીર આરોપ લગાવવામાં આવ્યા છે. તેમા સ્ટોકની કિંમતોમાં છેડછાડ અને અકાઉન્ટિંગ ફ્રોડ પણ સામેલ છે. જોકે, આ રિપોર્ટના પબ્લિશ થયા બાદ અદાણી ગ્રુપે સ્ટેટમેન્ટ જાહેર કરીને તેને નિરાધાર ગણાવ્યો હતો પરંતુ, નિવેશકોના સેન્ટિમેન્ટ પર તેની વિપરીત અસર પડી કે અદાણીનું વિશાળ સામ્રાજ્ય હલી ગયું. હિંડનબર્ગે પોતાના રિપોર્ટમાં અદાણી ગ્રુપને લઈને કુલ 88 સવાલ ઉઠાવ્યા છે.

ઘરેલૂં શેરબજારમાં અઠવાડિયા પહેલા કારોબારી દિવસ લાલ નિશાન પર ખુલ્યો. BSEનો સેન્સેક્સ 60350 અંકોના સ્તર પર ખુલ્યો જ્યારે, NSEના નિફ્ટીએ નિફ્ટી 17812ના લેવલ પર કારોબારની શરૂઆત કરી હતી. દિવસ વધવાની સાથે જ આ ઘટાડો પણ ઝડપી થતો જઈ રહ્યો છે. સવારે 10.26 વાગ્યા સુધી સેન્સેક્સ ઈન્ડેક્સ 413.95 અંક અથવા 0.68% ઘટીને 60427.96ના લેવલ પર ટ્રેડ કરી રહ્યો હતો. તેમજ, નિફ્ટી ઈન્ડેક્સ પણ 129.95 ટકા અથવા 0.735 ઘટીને 17724.10ના લેવલ પર હતો. આઈટી અને મેટલ શેરોમાં સૌથી વધુ ઘટાડો જોવા મળી રહ્યો છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.