શેરબજારમાં ‘SALMAN’નો ડંકો, 37 ટકા રિટર્ન આપ્યું, Hrithikનો પણ દબદબો

શેરબજારમાં ‘SALMAN’ અને ‘HRITHIK’ શેરોમાં ભારે દબદબો જોવા મળી રહ્યો છે. ખાસ કરીને સલમાન શેરોએ તો વર્ષમાં 37 ટકા જેટલું રિટર્ન આપ્યું છે.

સલમાન ખાન મંગળવારે 27 ડિસેમ્બર 2022 ના રોજ 57 વર્ષનો થયો. આ નામ બોલિવૂડની ઓળખ બની ગયું છે ત્યારે ભારતીય શેરબજારમાં પણ ‘સલમાન’નો ડંકો વાગી રહ્યો છે. આ નામો સાથે રોકાણ કરનારા રોકાણકારોને વર્ષ 2022માં 37 ટકા સુધીનું જબરદસ્ત વળતર મળ્યું છે. તમે વિચારતા હશો કે કેવી રીતે? આખરે સલમાનનું શેરબજાર સાથે શું કનેક્શન છે?

 બોલિવુડ અભિનેતા સલમાન ખાનનો શેરબજારમાં ‘સલમાન’ના શેર સાથે કોઈ સંબંધ નથી. તેના બદલે, સલમાન એ સ્ટેટ બેંક ઓફ ઈન્ડિયા (SBI), એક્સિસ બેંક, લાર્સન એન્ડ ટુબ્રો, મારુતિ સુઝુકી, અદાણી પોર્ટ્સ અને NTPC જેવા 6 લાર્જકેપ શેરોના પહેલાં નામનો અક્ષર બનાવીને ‘સલમાન’ શેર એવું નામ આપવામાં આવ્યું છે.

આ તમામ કંપનીઓના પ્રથમ અક્ષરોને એકસાથે મૂકીને SALMAN નામ બને છે. તેથી જ અમે કહીએ છીએ કે આ નામ આખા વર્ષ દરમિયાન શેરબજારમાં સાંભળવામાં આવ્યું છે. આમાં સામેલ તમામ છ શેરોએ 2022માં તેમના રોકાણકારોને 37 ટકા સુધીનું વળતર આપ્યું છે. શેરબજારના ડેટા દર્શાવે છે કે સલમાનના છ શેરોએ 2022માં ઓછામાં ઓછું 10 ટકા વળતર આપ્યું છે.

સલમાનમાં સામેલ એક્સિસ બેંકેઆ પેકમાં સૌથી વધુ નફો કરાવ્યો છે, જે 31 ડિસેમ્બર, 2021 સુધીમાં 678.55 રૂપિયાના સ્તરથી 37 ટકા વધીને 933 રૂપિયા થઈ ગયો છે. આ ઉપરાંત, NTPCનો શેર ડિસેમ્બર 2021ના અંતે રૂ. 124.40ની સરખામણીમાં 33 ટકા વધીને રૂ. 165.55 થયો છે. આ કેલેન્ડર વર્ષમાં અત્યાર સુધીમાં SBI રૂ. 460.45 થી રૂ. 596.75 સુધી 30 ટકા વધ્યો છે.

 મારુતિ સુઝુકી, અદાણી પોર્ટ્સ અને લાર્લન એન્ડ ટુબ્રો કંપનીના શેર પણ રોકાણકારો માટે નફાકારક સોદો સાબિત થયા છે. આ શેરોએ પણ એક વર્ષમાં 10 થી 11 ટકાની વૃદ્ધિ નોંધાવી છે. ઉલ્લેખનીય છે કે, 2023 માટે મોતીલાલ ઓસ્વાલ સિક્યોરિટીઝની ટોચની પસંદગીઓમાં સલમાનની SBI, L&T, મારુતિ સુઝુકી અને એક્સિસ બેંકનો પણ સમાવેશ થાય છે.

સલમાનની જેમ Hrithikનો દબદબો પણ શેરબજારમાં જોવા મળ્યો છે. Hrithik પેકમાં સામેલ શેરની વાત કરીએ તો તેમાં સાત નામ સામેલ છે. HDFC ટ્વિન્સ, રિલાયન્સ ઇન્ડસ્ટ્રીઝ, ICICI બેંક, ટાટા કન્સલ્ટન્સી સર્વિસ (TCS), ઇન્ફોસિસ અને કોટક મહિન્દ્રા બેંકનો સમાવેશ થાય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.