નાનપણથી જ આપણે નાના બાળકો વિશે આ એક જ વાત સાંભળતા આવ્યા છીએ. તેમની પાસે છરી, માચીસ અથવા અન્ય કોઈપણ ખતરનાક વસ્તુઓ ન હોવી જોઈએ. જેના કારણે અકસ્માત થવાની સંભાવના રહેલી હોય છે. પરંતુ તેમ છતાં પણ, દરરોજ કોઈને કોઈ બાળકો સાથે બની રહેલી આવી ઘટનાના સમાચાર બહાર આવી રહ્યા છે. તેની પાછળનું સૌથી મોટું કારણ પરિવારના સભ્યોની બેદરકારી જ હોય છે. નાના બાળકો એ વાતથી અજાણ હોય છે કે, તેમના માટે શું જોખમી છે અને શું નથી. તેઓ દરેક વસ્તુને રમકડું માને છે. આવું જ કંઈક આ બે વર્ષના બાળક સાથે થયું.
આ બાળકે રમત રમતમાં એક સાથે આઠ મેડિકલ ઈન્જેક્શનની સોય ગળી લીધી હતી. બાળકની માતા એ વાતથી અજાણ હતી કે તેનું બાળક કેવી મુશ્કેલીમાં મુકાઈ ગયું છે. આ મામલો પેરુના ઉત્તર-પૂર્વ વિસ્તારનો છે. ડોક્ટરોએ બાળકનો જીવ તો બચાવી લીધો છે. તેઓએ એક પછી એક તેના શરીરમાં રહેલી સોયને બહાર કાઢી હતી. મીડિયા સૂત્રોના અહેવાલ મુજબ, ડૉક્ટર ઇફરાન સાલઝારે કહ્યું, 'અમે ઓપરેશન થિયેટરમાં તેના પેટ પર ચીરો કર્યો. અમે કેટલીક લોખંડની વસ્તુઓ જોઈ. જ્યારે મેં તેને બહાર કાઢીને જોઈ તો જોયું તો તે સોઈ હતી.'
સ્થાનિક મીડિયાનું કહેવું છે કે, આ સોયનો ઉપયોગ ખેતરમાં રહેતા પ્રાણીઓને રસી આપવા માટે કરવામાં આવતો હતો. બાળકની માતા અહીં કામ કરે છે. બાળકનું નામ હજુ જાહેર થયું નથી. તેમનો પરિવાર રાજધાની લિમાથી 622 Km દૂર ટેરાટોપોના કૃષિ ક્ષેત્રમાં રહે છે. તેની માતા કહે છે, 'કદાચ તે રમત રમતમાં ગળી ગયો હતો.' સ્થાનિક મીડિયા રિપોર્ટ્સમાં કહેવામાં આવ્યું છે કે, ઓપરેશન કર્યા પછી ડોક્ટરોએ કહ્યું છે કે, બાળકની જિંદગી હવે ખતરાની બહાર છે.
આ પહેલા અમેરિકાથી સમાચાર આવ્યા હતા કે, એક 52 વર્ષની મહિલાએ એપલનું એર પોડ ગળી લીધું છે. તેણે કહ્યું કે તે તેને દવા માનીને ખાઈ લીધું હતું. તે તેના મિત્ર સાથે મોર્નિંગ વોક માટે નીકળી હતી. તે વાતચીતમાં એટલી ખોવાઈ ગઈ હતી કે, તેણે એર પોડને વિટામિનની દવા સમજીને ગળી ગઈ.
15.jpg)
