દુનિયાના પાવરફુલ દેશના પાવરફુલ નેતા ગણાતા અમેરિકાના રાષ્ટ્રપતિ જો બાઇડન તેમના પરિવાર સાથે તાજેતરમાં વેકેશનની મજા માણી રહ્યા હતા, તે દરમિયાન તેઓ બીચ પર શર્ટલેસ ફરતા હતા તેનો ફોટો સોશિયલ મીડિયા પર વાયરલ થઇ રહ્યો છે. બીચ પર તેમની સાથે સુરક્ષાકર્મીઓ પણ મોટી સંખ્યામાં હાજર હતા. બીચ પર જો બાઇડન, તેમના પત્ની જીલ બાઇડન અને પૌત્રી ફિનેગન પણ હાજર હતી.
અમેરિકાના 80 વર્ષની વયના રાષ્ટ્રપતિ જો બાઇડન થોડા દિવસો પહેલા પરિવાર સાથે રજાઓ ગાળવા ડેલાવેર ગયા હતા. અહીંના એક બીચ પર બાઇડનની શર્ટલેસ તસવીરો વાયરલ થઈ રહી છે. AFPના અહેવાલ મુજબ જો બાઇડનનું ડેલાવેરના રેહોબોથમાં ફાર્મહાઉસ છે. તે નજીકના બીચ પર સૂર્યસ્નાન કરી રહ્યા હતા ત્યારે એક પત્રકારે તેમની તસવીરો લીધી હતી.
તસ્વીરમાં, બિડેન વાદળી સ્વિમિંગ ટ્રંક્સ, વાદળી ટેનિસ શૂઝ, બેઝબોલ કેપ અને સનગ્લાસ પહેરેલા જોવા મળે છે. આ દરમિયાન તેની પત્ની જીલ બાઇડન અને 22 વર્ષની પૌત્રી ફિનેગન પણ તેમની સાથે હાજર હતી. જો કે આ દરમિયાન તેમનો પુત્ર હન્ટર બાઇડન તેમની સાથે ન હતો.
બીચ પર બાઇડનની આસપાસ સિક્રેટ સર્વિસની ઘણી મજબૂત સુરક્ષા હતી. સિક્રેટ સર્વિસના એજન્ટો પણ ફોર્મલ કોર્ટ-પેન્ટને બદલે કેઝ્યુઅલ કપડામાં ઊભા હતા.
દરમિયાન, અમેરિકી સંસદમાં બાઇડનની રજાઓનો મુદ્દો ઘણી વખત ઉઠાવવામાં આવ્યો છે. અહેવાલો અનુસાર, રાષ્ટ્રપતિ તરીકે જો બાઇડન દર 10 દિવસમાં 4 દિવસની રજા લઈ રહ્યા છે.
રિપબ્લિકન પાર્ટીએ ગયા વર્ષે ઓગસ્ટમાં અનુમાન લગાવ્યું હતું કે જો બાઇડને તેમના કાર્યકાળ દરમિયાન 228 દિવસની રજાઓ લીધી હતી, જે અત્યાર સુધીની સૌથી વધુ છે. ભૂતપૂર્વ રાષ્ટ્રપતિ ડોનાલ્ડ ટ્રમ્પે બિડેનના કાર્યકાળની તુલનામાં 132 દિવસની રજા લીધી હતી. તે જ સમયે, તેમના પહેલા બરાક ઓબામાએ માત્ર 38 દિવસની રજા લીધી હતી.
બાઇડન અમેરિકામાં રાષ્ટ્રપતિ પદ સંભાળનાર સૌથી વૃદ્ધ નેતા છે. 80 વર્ષીય ડેમોક્રેટ નેતાએ 20 જાન્યુઆરી, 2021 ના રોજ રાષ્ટ્રપતિ તરીકે શપથ લીધા હતા. તેમણે રિપબ્લિકન ઉમેદવાર ડોનાલ્ડ ટ્રમ્પને હરાવીને અમેરિકાની સત્તા મેળવી હતી. તેઓ 2024માં ફરી ચૂંટણી લડવાના છે. તાજેતરમાં, વ્હાઇટ હાઉસે કબૂલાત કરી હતી કે તે શ્વાસની બિમારીને કારણે સૂતી વખતે CPAP મશીનનો ઉપયોગ કરી રહ્યા છે.
7.jpg)
15.jpg)
