લગ્ન હતા એ જ દિવસે અચાનક થયું કન્યાનું મોત, આઘાતમાં વરરાજો

PC: nz.news.yahoo.com

લગ્નવાળા દિવસે જ કન્યાનું અચાનક મોત થઇ ગયું. તે લીવર સંબંધિત પરેશાનીઓથી ઝઝૂમી રહી હતી. પહેલા લગ્નથી મહિલાનો એક 10 વર્ષીય દીકરો છે. મહિલાનું શબ સ્વદેશ લાવવા માટે પરિવારજનો હવે પૈસા ભેગા કરી રહ્યા છે, જેથી તેનો અંતિમ સંસ્કાર કરી શકાય. 33 વર્ષીય નાદિયા ગોસિન લંડનની રહેવાસી હતી. તેના લગ્ન ત્રિનિદાદમાં 7 ડિસેમ્બરના રોજ દેવન ગોસિન સાથે થવાના હતા. દેવન ગોસિન સાથે તે 5 વર્ષથી રિલેશનશિપમાં હતી.

જો લીવરની બીમારીના કારણે નાદિયાનું મોત લગ્નવાળા દિવસે જ થઇ ગયું. તો નાદિયાનો 10 વર્ષનો દીકરો એમારી પણ ત્રિનિદાદમાં છે, જેની હાલમાં દેખરેખ દેવન જ કરી રહ્યો છે. નાદિયાની બ્રિટનમાં ઉપસ્થિત બહેન ઇશાએ એક અંગ્રેજી અખબારને જણાવ્યું કે, ‘તેને એ તો ખબર હતી કે તેને (નાદિયા) લીવર સાથે સંબંધિત પરેશાની હતી, પરંતુ તે હંમેશાં ખુશ રહેવા માગતી હતી. તેને ટ્રાવેલ કરવાનું ખૂબ પસંદ હતું. કહેવામાં આવ્યું કે, નાદિયાનો થનાર પતિ પણ તે બીમાર હોવાની વાતથી અજાણ હતો.

તેણે પોતાની મંગેતરના વખાણ કર્યા અને કહ્યું કે, તે ખૂલીને પોતાની જિંદગી જીવતી હતી, પછી તે કોઇ પણ પરિસ્થિતિથી ઝઝૂમી રહી હોય. તે હંમેશાં ખુશ રહેવા માગતી હતી. દેવને કહ્યું કે, જે કંઇ પણ થયું, તેને તેના પર વિશ્વાસ થઇ રહ્યો નથી. તેનો પરિવાર ખૂબ જ ખુશ હતો કેમ કે તેઓ લગ્ન કરી રહ્યા હતા, પરંતુ બધા સપના તૂટી ગયા. નાદિયા મૂળ ઇસ્ટ લંડનના બેક્ટન વિસ્તારની રહેવાસી હતી. તે લગ્ન અગાઉ જ પોતાના દીકરા સાથે ત્રિનિદાદ પહોંચી ગઇ હતી, જ્યાં લગ્નવાળા દિવસે જ આ દુઃખદ અકસ્માત થઇ ગયો.

તો હાલમાં જ એક 20 વર્ષીય છોકરીનો વીડિયો ખૂબ વાયરલ થઇ રહ્યો છે. તેમાં તે પોતાના લગ્ન પર જ ધ્રુસકે-ધ્રુસકે રડતી દેખાઇ રહી છે. છોકરીનું કહેવું છે કે, તે પોતાના પતિને પ્રેમ કરતી નથી અને તેને માત્ર પોતાના માતા-પિતાને સંતુષ્ટ કરવા માટે લગ્ન કર્યા છે. ત્યારબાદ ચીનમાં બળજબરીપૂર્વક લગ્ન કરાવવાના મુદ્દા પર બહેસ છેડાઇ ગઇ છે. છોકરીની ઓળખ યાનના રૂપમાં થઇ છે. તે ગુઇઝોઉ પ્રાંતની રહેવાસી છે. યાને એક ઓનલાઇન પોસ્ટમાં કહ્યું કે, તે લગ્ન કરવા બાબતે વિચારી રહી નહોતી, છતા તેને લગ્ન કરવા પડ્યા. પોતાના પતિ સાથે તે બ્લાઇન્ડ ડેટ પર મળી હતી. યાનનું કહેવું છે કે, તેણે બસ માતા-પિતાની આશાઓ અને સાંસ્કૃતિક માનદંડોને પૂરા કર્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp