દીવાલ તોડતા જ નીકળવા લાગી નોટોની થોકડીઓ પણ તેને રાતી પાઇ પણ ન મળી

એક મજૂરને દીવાલ પાછળ ભારે ભરકમ રોકડ છુપાયેલી મળી. તેને જોઇને પોતે પણ અંદાજો નહોતો કે દીવાલમાં એટલી નોટ હશે. જેવી જ દીવાલ તૂટી તેની આંખો ખુલ્લીની ખુલ્લી જ રહી ગઇ. દીવાલ પાછળ દોઢ કરોડ રૂપિયા છૂપાયેલા હતા. આ રોકડ બોક્સમાં હતી. એટલી મોટી રકમ મળ્યા બાદ મજૂરે તેને ‘અભિશાપ’ કરાર આપ્યો છે કેમ કે આ મજૂરને આ ધનરાશિમાંથી કશું જ મળ્યું નથી. ડેઇલી સ્ટારના રિપોર્ટ મુજબ, અમેરિકાના રહેવાસી મજૂર બોંબ કિટ્સ ક્લેવેલેન્ડ પાસે ઉપસ્થિત એક પ્રોપર્ટીમાં કામ કરી રહ્યો હતો.

ત્યારે તેને દીવાલ પાછળથી દોઢ કરોડ રૂપિયાની રોકડ મળી હતી. આ રોકડ બોક્સની અંદર હતી. જે જગ્યાએ આ રોકડ મળી, પ્રોપર્ટી અમાંડા રીસની હોવાનું કહેવામાં આવી રહ્યું છે. રિપોર્ટ્સમાં કહેવામાં આવ્યું છે કે, અમાંડાએ આ કેશન બદલે બોબને 10 ટકા આપવાનો પ્રસ્તાવ આપ્યો હતો. જો કે, બોબ કિટ્સે 40 ટકા હિસ્સો માગ્યો છે. અહી જ બંને વચ્ચે ખેચતાણ થઇ ગઇ. ત્યારબાદ જે રોકડ મળી છે તેના પર ડુને એસ્ટેટે પણ હક વ્યક્ત કર્યો છે.

જો કે, અત્યાર સુધી આ રકમ પર અન્ય લોકો દાવા કરતા રહ્યા, પરંતુ પ્રોપર્ટીની માલકિન અમાંડા રીસ આ રકમને લઇને રજાઓ ગાળવા નીકળી પડી. અમાંડા પોતાની માતા સાથે હવાઇમાં રજાઓ ગાળવા માટે ગઇ અને અહીં તેણે 11 લાખ રૂપિયા ફૂંકી દીધા. તેણે દાવો કર્યો કે, દીવાલ પાછળ મળેલી રકમમાંથી લગભગ 50 લાખ ચોરી થઇ ગઇ. જો કે, તેણે ચોરીની ઘટના બાબતે પોલીસને કોઇ જાણકારી આપી નથી. તો અમાંડાએ પણ દાવો કર્યો છે કે તેણે ઘણી દુર્લભ કરન્સીને ક્વાઇન કલેક્ટર્સને વેચી દીધી છે.

તો બિલ્ડિંગમાં કામ કરનારા બોબ કિટ્સે દાવો કર્યો કે, તેના પર અમાંડાએ ચોરીનો આરોપ લગાવ્યો. કિટ્સે કહ્યું કે, આ કારણે તેના બિઝનેસ પર અસર પડી છે. લોકો હવે તેને ખરાબ વ્યક્તિના રૂપમાં જોઇ રહ્યા છે, જ્યારે મેં કઇ ખોટું કર્યું નથી. હવે આ મામલો કોર્ટ સમક્ષ પહોંચી ગયો છે. જ્યાં ડૂનેને એસ્ટેટનો પક્ષ રાખતા વકીલ માર્કકેવિયસે કહ્યું કે, હું આ મામલો લાલચ સાથે જોડાયેલો કહેવા માગીશ. જો બોંબ કિટ્સ અને અમાંડા અરસપરસમાં બેસીને પૈસા વહેચી લેતા તો તેમના ક્લાઇન્ટને આ બાબતે જાણકારી જ ન મળી શકતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.