તુર્કી મંગળવારે ફરીથી ભૂકંપના ઝટકા અનુભવાયા. ભૂકંપની તીવ્રતા 5.9 હતી. તુર્કીમાં આ અગાઉ સોમવારે ભૂકંપના 3 તેજ ઝટકા અનુભવાયા હતા. તેમાં પહેલો ભૂકંપ સવારે 4:00 વાગ્યે 7.8ની તીવ્રતથી આવ્યો. તેણે સૌથી વધુ તબાહી મચાવી. ત્યારબાદ 7.5 અને 6ની તીવ્રતાના ભૂકંપ આવ્યા. તુર્કીમાં છેલ્લા 24 કલાકમાં 2,900 લોકો જીવ ગુમાવી ચૂક્યા છે. તો તુર્કી-સીરિયામાં અત્યાર સુધી 4360 લોકોના મોત થઈ ચૂક્યા છે. તુર્કીમાં 7 દિવસ માટે રાષ્ટ્રીય શોકની જાહેરાત કરવામાં આવી છે.
તુર્કીમાં સોમવારે સવારે 4:17 વાગ્યે ભૂકંપ આવ્યો હતો. તેની ઊંડાઈ જમીનથી 17.9 કિલોમીટર હતી. ભૂકંપનું કેન્દ્ર ગાઝિયાંટેપ પાસે હતું. તે સીરિયા બોર્ડરથી 90 કિલોમીટર દૂર સ્થિત છે. એવામાં સીરિયાના ઘણા શહેરોમાં પણ ભૂકંપના તેજ ઝટકા અનુભવાયા. તે તુર્કીમાં 100 વર્ષમાં સૌથી તીવ્રતવાળો ભૂકંપ કરવામાં આવી રહ્યો છે. US Geological સર્વે મુજબ ભૂકંપ બાદ 77 ઝટકા લાગ્યા. તેમાં એક ઝટકો 7.5 તીવ્રતાનો હતો, જ્યારે એક ઝટકો 6.0ની તીવ્રતાનો હતો. આ બધા ઝટકાનું કેન્દ્ર ગાઝિયાંટેપથી 90 કિલોમીટરના દાયરામાં હતા.
There is already huge anger towards the government for the absence of emergency response teams in Hatay.
— Ragıp Soylu (@ragipsoylu) February 7, 2023
The city’s airport is damaged, some roads leading to city have collapsed. Disaster management agency’s building also collapsed after the quake.
તુર્કીમાં અને સીરિયામાં આવેલા ભૂકંપ બાદ તબાહી મચેલી છે. બંને દેશોમાં અત્યાર સુધી 4,360 લોકો પોતાના જીવ ગુમાવી ચૂક્યા છે. ભૂકંપના કારણે કંપન એટલું તેજ હતું કે ઇમારત ગંજીપાનાં સમાન પડી ગઇ. તુર્કી પ્રશાસનનું કહેવું છે કે, અત્યાર સુધી 5606 ઇમારતો પડી ચૂકી છે.
તબાહીનો એ જ નજારો સીરિયામાં જોવા મળ્યો છે. તુર્કી અને સીરિયામાં અત્યાર સુધી 4360 લોકોના મોત થયા છે, જ્યારે 15,000 કરતા વધુ લોકો ઇજાગ્રસ્ત થયા છે સીરિયામાં સરકાર દ્વારા નિયંત્રિત વિસ્તારમાં 711 અને વિદ્રોહીઓના નિયંત્રણવાળા વિસ્તારમાં 740 લોકોના મોત થયા છે. સીરિયામાં 3531 લોકો, જ્યારે તુર્કીમાં 14,483 લોકો ઇજાગ્રસ્ત થયા છે.
.@AFP photographers capture scenes of devastation in Syria after Monday's earthquake in the southwest Turkey.
— AFP News Agency (@AFP) February 7, 2023
Syrian government reports at least 1,444 dead, while the White Helmets rescue group says in rebel-held parts of the country at least 733 people have so far been killed pic.twitter.com/oAluT7IpJZ
તુર્કીના સ્વાસ્થ્ય મંત્રીએ જણાવ્યું કે, હવામાન અને અપત્તિનો દાયરો રેસ્ક્યૂ ટીમો માટે પડકાર ઉત્પન્ન કરી રહી છે. ખરાબ હવામાનના કારણે રેસ્ક્યૂ ટીમ હેલિકોપ્ટર પણ ઉડાણ ભરી શકતા નથી. એટલું જ નહીં, હાલમાં જ તુર્કી અને સીરિયાના ઘણા વિસ્તારોમાં ભારે બરફવર્ષા થઈ છે જેના કારણે તાપમાનમાં પણ ઘટાડો આવ્યો છે. વિશ્વ આરોગ્ય સંસ્થા (WHO)એ ચેતવણી આપી છે કે તુર્કી અને સીરિયામાં આ વિનાશકારી ભૂકંપના કારણે આંકડો ઘણો બધો હોય શકે છે. તુર્કી અને સીરિયામાં ભૂકંપથી મૃત્યુ પામનારા લોકોની સંખ્યા 20,000 સુધી પહોંચવાની આશંકા વ્યક્ત કરી છે.
15.jpg)
