વધુ બાળકોને જન્મ આપો અને લાખો કમાઓ, અહીં વસ્તી વધારવા માટે ઇનામ મળે છે

વિશ્વની વસ્તી આઠસો કરોડને વટાવી ગઈ છે. વધતી વસ્તીથી ઘણા દેશો ચિંતિત છે, જ્યારે ઘણા દેશો વસ્તી વધારવા માટે અભિયાન ચલાવી રહ્યા છે. જાપાન આવા દેશોમાંનો એક છે. જાપાનની સરકારે આ વર્ષે પરિવારોને બાળકો માટે પ્રોત્સાહિત કરવા માટે એક નવી યોજના જાહેર કરી છે. આ મુજબ, ટોક્યોના બહારના વિસ્તારમાં જનારાઓને જન્મેલા દરેક બાળક માટે લગભગ 10 લાખ યેન (છ લાખ ભારતીય રૂપિયા) ઇનામ તરીકે આપવામાં આવશે. મતલબ કે બાળકનો જન્મ થતાની સાથે જ તમને કરોડપતિ બનવાની તક મળી રહી છે.

જાપાન એકમાત્ર એવો દેશ નથી જ્યાં સરકાર બાળકોના જન્મ પર પુરસ્કાર આપે છે. દુનિયામાં ઘણા એવા દેશ છે, જ્યાં આ પ્રકારની રિવોર્ડ સ્કીમ ચાલી રહી છે. ચાલો જાણીએ તે દેશો વિશે અને એ પણ જાણીએ કે તેઓ આવું કેમ કરી રહ્યા છે…

જાપાનમાં બાળક દીઠ છ લાખ રૂપિયા આપે છે સરકાર, લગ્નના ઘણા વર્ષો પછી પણ મોટાભાગના લોકો અહીં બાળકોને જન્મ આપતા નથી. આ કારણે જાપાનમાં યુવાનોની સંખ્યા સતત ઘટી રહી છે, જ્યારે વૃદ્ધોની સંખ્યા વધી રહી છે. હવે જાપાનમાં કામ કરતા લોકોની સંખ્યામાં ઘટાડો થયો છે. આ દેશ તેની ઘટતી વસ્તીને કારણે પરેશાન છે. જાપાની લોકોના નવા સર્વેક્ષણમાં જાણવા મળ્યું છે કે 70 ટકા અપરિણીત પુરૂષો અને 18 થી 34 વર્ષની વય વચ્ચેની 60 ટકા અપરિણીત સ્ત્રીઓ સંબંધમાં રસ ધરાવતા નથી, સૂત્રો અહેવાલ આપે છે કે, 30 ટકા એવા કપલ પણ છે જેમને લગ્નના ઘણા વર્ષો પછી પણ સંતાન નથી થતું. આ કારણે અહીંની સરકાર બાળકોને જન્મ આપનારને રોકડ પુરસ્કાર આપે છે. હવે દરેક બાળક માટે છ લાખ રૂપિયાનું ઈનામ આપવામાં આવશે. જાપાનનો જન્મ દર માત્ર 1.46 છે જે દેશ માટે ચિંતાનો વિષય છે.

રશિયામાં બીજા અને ત્રીજા બાળકને જન્મ આપનારી મહિલાને સાત લાખ રૂપિયા સરકાર આપે છે. બીજા વિશ્વયુદ્ધ પછી રશિયામાં વસ્તી દરમાં સતત ઘટાડો થયો છે. હવે દર 1000 સ્ત્રીઓએ 800 પુરુષો છે. અહીંના મોટાભાગના યુવાનો કુંવારા છે. લગ્ન પછી પણ ઘણા યુગલોને સંતાન નથી હોતું. આ કારણે સરકારે 12 સપ્ટેમ્બર 2007ને 'ગર્ભધારણ દિવસ' તરીકે જાહેર કર્યો હતો. આ દિવસે રજા રહે છે, જેથી કરીને લોકો બાળકો પેદા કરવા પર ધ્યાન કેન્દ્રિત કરી શકે. આ સિવાય જે મહિલાઓ આ દિવસના બરાબર નવ મહિના પછી બાળકને જન્મ આપે છે, તેમને કાર અને ઈલેક્ટ્રોનિક સામાન ભેટમાં આપવામાં આવે છે. રશિયન સરકારે બીજી સ્કીમ શરૂ કરી છે. આ મુજબ બીજા કે ત્રીજા બાળકને જન્મ આપનારી મહિલાને નવ હજાર ડોલર એટલે કે લગભગ સાત લાખ રૂપિયા આપવામાં આવે છે.

ઈટાલીમાં જે દંપતી બાળકનો ખર્ચ ઉઠાવી નથી શકતું તે બાળકોનો તમામ ખર્ચ સરકાર ઉઠાવે છે. ઈટાલીમાં પણ યુવાનોની વસ્તી ઝડપથી ઘટી રહી છે. આ જ કારણ છે કે અહીંની સરકારે ઘટતી વસ્તી અંગે ચિંતા વ્યક્ત કરી છે. અહીં પ્રતિ મહિલા પ્રજનન દર માત્ર 1.43 છે, જે પુરા યુરોપની સરેરાશ 1.58 કરતાં ઓછો છે. સરકારે ઘણી યોજનાઓ બનાવી છે, જેના દ્વારા લોકોને વધુને વધુ બાળકો પેદા કરવા માટે જાગૃત કરવામાં આવી રહ્યા છે. જો બાળકોને જન્મ આપનારાઓને આર્થિક મદદની જરૂર હોય તો સરકાર બાળકોનો સંપૂર્ણ ખર્ચ ઉઠાવે છે.

રોમાનિયામાં જે  દંપતી બાળકોને જન્મ નથી આપતા તેમના પર વધુ ટેક્સ લાગે છે, 1990 ના દાયકાથી, રોમાનિયામાં જન્મ દર સતત ઘટી રહ્યો છે. યુનાઈટેડ નેશન્સ અનુસાર, વર્ષ 2018માં અહીં વસ્તી વૃદ્ધિ દર -0.50% છે. અહીં સ્થિતિ એટલી ખરાબ થઈ રહી છે કે સરકારે બાળકોને જન્મ ન આપનારા યુગલો પર વધુ ટેક્સ લગાવવાનું શરૂ કરી દીધું છે. એક રિપોર્ટ અનુસાર જે દંપતી બાળકો નથી પેદા કરતા તેમને 20 ટકા વધુ ટેક્સ ચૂકવવો પડે છે.

તુર્કીમાં તમને બાળકોને જન્મ આપવા બદલ ઈનામ મળે છે. તુર્કીમાં પણ જન્મ દર સતત ઘટી રહ્યો છે. આ જ કારણ છે કે અહીંની સરકારે વધુને વધુ બાળકો પેદા કરવા માટે ઈનામની જાહેરાત પણ કરી છે. અહીં, પ્રથમ બાળકના જન્મ માટે 230 ડૉલર, બીજા બાળક માટે 270 ડૉલર અને ત્રીજા બાળક માટે 360 ડૉલરનું ઇનામ આપવામાં આવે છે. અહીં માતા બનેલી મહિલાઓને ફુલ ટાઈમ સેલરી પર પાર્ટ ટાઈમ જોબ આપવામાં આવે છે.

હોંગકોંગમાં વધુ બાળકો પેદા કરનાર કપલને ઈનામ મળે છે. અહીં મહિલા દીઠ 1.23 બાળકો છે. સરકારના પ્રયાસો બાદ આ દરમાં પણ સુધારો થયો છે. વર્ષ 2005માં પ્રજનન દર ઘટીને 0.95 થઈ ગયો હતો. 2013થી, વિવાહિત યુગલોને બાળકો માટે અહીં પુરસ્કાર આપવામાં આવે છે. સરકાર અનેક રીતે લોકોને બાળકો પેદા કરવા માટે પ્રોત્સાહિત કરી રહી છે.

આ તમામ દેશોમાં પણ લોકોને બાળકો પેદા કરવા માટે પ્રોત્સાહિત કરવામાં આવી રહ્યા છે. ડેનમાર્ક, સ્પેન, દક્ષિણ કોરિયા, સિંગાપોર જેવા દેશોમાં પણ લોકોને વધુને વધુ બાળકો પેદા કરવા માટે પ્રોત્સાહિત કરવામાં આવી રહ્યા છે. આ દેશોની સરકારોએ પણ અલગ-અલગ રીતે પ્રોત્સાહક યોજનાઓ શરૂ કરી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.