સુંદર ચહેરો, સારી ઉંચાઈ અને પરફેક્ટ ફિગર... આ દરેકની ઈચ્છા હોય છે. પરંતુ એક છોકરીનો દાવો છે કે, તેને તેની ઊંચાઈના કારણે મુશ્કેલીનો સામનો કરવો પડ્યો હતો. અત્યંત ઊંચી હોવાને કારણે, તેને બોયફ્રેન્ડ શોધવામાં પણ મુશ્કેલી પડી. આ 6 ફૂટ 2 ઇંચ ઉંચી છોકરીએ પોતે પોતાની વાર્તા કહી છે.
છોકરીનું નામ મેરી તેમારા છે. અમેરિકાના ફ્લોરિડામાં રહેતી 28 વર્ષની મેરી વ્યવસાયે મોડલ છે. તે કહે છે કે તે પરફેક્ટ મેચની શોધમાં છે. તેને તેની ઊંચાઈ મુજબ છોકરો શોધવા માટે સંઘર્ષ કરવો પડ્યો. 6 ફૂટથી વધુ ઊંચાઈએ તેના માટે ડેટિંગ લગભગ અશક્ય બની ગયું છે.
મેરી કહે છે કે, એકવાર તે ડેટિંગ સાઇટ પર 6 ફૂટ 3 ઇંચ ઊંચા છોકરાને મળી હતી. પરંતુ જ્યારે તે તેને મળવા ગઈ તો છોકરો 5 ફૂટ 11 ઈંચનો નીકળ્યો. તેણે સાઇટ પર તેની ઊંચાઈ વિશે ખોટું લખ્યું હતું. મેરીના કહેવા પ્રમાણે, ઊંચાઈના કારણે તેણે ટ્રોલ કરવામાં આવી. લોકોએ કહ્યું કે, મને ક્યારેય બોયફ્રેન્ડ નહીં મળે.
મેરીએ વધુમાં કહ્યું કે, લોકો માને છે કે છોકરાની નહીં પરંતુ છોકરીની ઊંચાઈ ઓછી હોય તો સારું રહેશે. છોકરો છોકરી કરતા ઉંચો હોવો જોઈએ. મેરી આ સ્ટીરિયોટાઇપ્સ તોડવા માંગે છે. તેથી જ તેણે હવે તેના કરતા નાના કદના લોકોને ડેટ કરવાનું શરૂ કર્યું છે. મેરીએ કહ્યું, હું કોઈપણ ઊંચાઈના છોકરાઓની સાથે ડેટ કરવા તૈયાર છું. તે નાનો હોય કે મોટો. કોઈ વાંધો નથી.
મેરીએ જણાવ્યું કે, તેના પિતાની ઊંચાઈ 6 ફૂટ 3 ઈંચ છે. જ્યારે માતાની ઉંચાઈ 6 ફૂટ 5 ઈંચ છે. મેરીનો એક ભાઈ 6 ફૂટ 9 ઈંચ અને બીજો 6 ફૂટ 10 ઈંચનો છે. મેરીના ઘરમાં દરેક વ્યક્તિની ઊંચાઈ 6 ફૂટથી વધુ છે. એક-બે સગા 7 ફૂટના પણ છે, જેમને જોઈને આસપાસના લોકો આશ્ચર્યચકિત થઈ જાય છે. મેરીના પરિવારની ઊંચાઈ વિસ્તારમાં ચર્ચાનો વિષય છે.
મેરી કહે છે, જન્મ સમયે મારું વજન 5 કિલોથી વધુ હતું. શાળાના અન્ય બાળકો કરતા વધારે ઊંચી હતી. આ કારણે બીજા બાળકો મને ચીડવતા હતા. હું કોઈ મિત્ર બનાવી શકી નહીં. થોડા સમય પછી મેરી તેના શિક્ષકો કરતાં પણ ઉંચી દેખાવા લાગી. તે સ્કૂલ અને કોલેજમાં અલગ દેખાતી હતી.
મેરીને હજુ પણ એક ઉંચી મહિલા હોવાના પડકારોનો સામનો કરવો પડે છે. તેમને ફિટ હોય તેવા કપડાં અને શૂઝ શોધવામાં તકલીફ પડે છે. સામાન્ય કરતાં ઉંચી હોવાને કારણે મેરીને કારમાં બેસવું મુશ્કેલ લાગે છે. તેમના માટે ઘરના દરવાજા અને પલંગ નાના થઈ જાય છે. હવે મેરીનું વજન 95 કિલો છે.
જો કે, કેટલાક કિસ્સાઓમાં, તેને તેની ઊંચાઈનો ફાયદો પણ મળે છે. તે વોલીબોલ, બાસ્કેટબોલ વગેરે રમતો ખૂબ સારી રીતે રમે છે. તે રમતગમતની પ્રવૃત્તિઓમાં સક્રિયપણે ભાગ લે છે. એથ્લેટ હોવાની સાથે મેરી મોડલિંગ પણ કરે છે. સોશિયલ મીડિયા પર તેની મજબૂત ફેન ફોલોઈંગ છે. ઈન્સ્ટાગ્રામ પર તેના 7 લાખથી વધુ ફોલોઅર્સ છે. Tiktok પર પણ લાખો લોકો ફોલો કરે છે. તેની દરેક પોસ્ટને મિલિયનમાં વ્યુઝ મળે છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
